आलेगाव परिसरातील कार्ला गावाजवळील शेतात सोमवारी पहाटे बिबट्याने गोठ्यात बांधलेल्या मोठ्या गोऱ्याला जागीच पस्त केल्याची घटना घडली. या प्रकरणामुळे शेतकऱ्याचे आर्थिक नुकसान तर झालेच, पण परिसरात भीतीचे वातावरणही पसरले आहे.
रामचंद्र तुळशीराम तायडे यांचे कार्ला गावाजवळील शेत सात ते आठ जनावरे बांधण्यासाठी वापरले जात असे. शेतकरी तायडे यांच्याकडे ३ एकर जमीन असून, त्यावर गहू पीक लागलेले आहे. सोमवारी, ९ मार्च रोजी पहाटे सुमारे ५ वाजता बिबट्याने शेतातील गोठ्यातील मोठ्या गोऱ्यावर हल्ला केला. शेतकरी रामचंद्र तायडे हे चारापाणी करण्यासाठी शेतात गेले असता या भीषण हल्ल्याचे दृश्य समोर आले.
काढणीसाठी उभ्या गव्हाच्या पिकांमधून दिसले की बिबट्याने गोऱ्याला पस्त केले, ओढत नेले आणि ठार केले. या हल्ल्यामुळे गावात खळबळ उडाली. सामाजिक कार्यकर्ते उमेश तायडे यांच्यासह नागरिकांनी तातडीने घटनास्थळी धाव घेतली. माहिती मिळताच वनविभागाचे कर्मचारी घटनास्थळी पोहोचून पंचनामा केला.
Related News
ऑपरेशन प्रहार अंतर्गत गुटखा व अवैध इंधन विक्रीवर कारवाई , १८,३२०/- रूपयांचा मुद्देमाल जप्त
बाळापूर तालुक्यात रोहीचा हैदोस ; अळोशी–कळोशी शिवारात ३ एकर गहू पीक उद्ध्वस्त
तेल्हारा तालुक्यातील केळी शेतकऱ्यांसाठी पीक विमा मंजुरीसाठी स्वराज्य पक्षाचा आंदोलनाचा इशारा
सावली तालुक्यातील कढोली परिसरात अवैध उत्खननावर धडक कारवाई जेसीबीसह ३ ट्रॅक्टर जप्त
Akot Vanpal Threat Case 2025: अवैध वृक्षतोड प्रकरणात वनपालाला जीविताची धमकी,अकोट पोलिस ठाण्यात तक्रार दाखल
पीडित शेतकऱ्याचे म्हणणे आहे की, हल्ल्यातील गोऱ्याची किंमत अंदाजे ३० ते ३५ हजार रुपये होती. सततच्या दुष्काळी परिस्थितीमुळे शेतकरी आधीच आर्थिक तणावाखाली होता, आणि या घटनेने त्याला गंभीर आर्थिक संकटात टाकले आहे.कार्ला गावाजवळील बिबट्याचा हा हल्ला लोकांसाठी धोकादायक ठरला असून, गावकऱ्यांमध्ये घबराटीचे वातावरण पसरले आहे. त्यामुळे वन विभागाने तातडीने बिबट्याचा बंदोबस्त करावा, संबंधित शेतकऱ्याला शासनाकडून नुकसान भरपाई दिली जावी, अशी मागणी करण्यात येत आहे. सामाजिक कार्यकर्ते उमेश तायडे यांनीही शेतकऱ्याला तातडीने मदत करण्याचे आवाहन केले आहे.
सदर प्रकरणामुळे ग्रामीण भागातील लोक बिबट्याच्या हल्ल्यांपासून सुरक्षितता सुनिश्चित करण्यासाठी जागरूक झाले आहेत. वनविभागाच्या कारवाईसह स्थानिक प्रशासनानेही हल्ल्याचा तपास करून भविष्यात अशा घटनांवर प्रतिबंध घालण्याचे काम करणे आवश्यक आहे.
read also : https://ajinkyabharat.com/indias-role-in-conflict-fighting-west-asia-peace/
