पातुर नगरपरिषद निवडणुकीच्या पार्श्वभूमीवर महाराष्ट्र राज्य निवडणूक आयोगाचे निवडणूक आयुक्त दिनेश वाघमारे आणि निवडणूक सचिव सुरेश काकाणी यांनी गुरुवारी (४ जून) पातुर येथे भेट देऊन निवडणूक तयारीचा सविस्तर आढावा घेतला.
यावेळी पातुर नगरपरिषद कार्यालयातील सभागृहात आढावा बैठकीचे आयोजन करण्यात आले होते. बैठकीस अकोला जिल्हाधिकारी वर्षा मीना, जिल्हा पोलीस अधीक्षक अर्चित चांडक, निवडणूक निर्णय अधिकारी तथा बाळापूर उपविभागीय अधिकारी संतोष येवलीकर, पातुर नगरपरिषदेचे मुख्याधिकारी ए. बी. गडलिंग, तहसीलदार डॉ. राहुल वानखडे, पोलीस निरीक्षक हनुमंत डोपेवार तसेच नगरपरिषद व महसूल विभागातील अधिकारी आणि कर्मचारी उपस्थित होते.
बैठकीच्या प्रारंभी जिल्हाधिकारी वर्षा मीना यांनी निवडणूक आयुक्त दिनेश वाघमारे व सचिव सुरेश काकाणी यांचे स्वागत केले. त्यानंतर निवडणूक प्रक्रियेच्या विविध टप्प्यांबाबत, मतदान केंद्रांची तयारी, सुरक्षा व्यवस्था, मनुष्यबळ नियोजन आणि आचारसंहितेच्या अंमलबजावणीबाबत सविस्तर चर्चा करण्यात आली.
Related News
गेवराईत विवाहितेनं जीवन संपवलं; हुंड्यासाठी छळाचा आरोप, पतीसह 6 जणांवर गुन्हा दाखल
72 किलोमीटरचा धक्कादायक प्रवास; 82 वर्षीय आजोबा एक्सप्रेस वेवर हरवले, पोलिसांची चमत्कारिक कामगिरी
मान्सूनपूर्व कपाशी लागवडीला वेग; अकोट तालुक्यात शेतकऱ्यांचा कल वाढला
मोठा धक्का! 4 जूनला पुण्यातील 50 हून अधिक भागांचा पाणीपुरवठा पूर्ण बंद; 2 दिवस कमी दाबाने पाणी
धक्कादायक! खडकवासला कालव्यात बुडून एअर फोर्सच्या 41 वर्षीय सार्जंटचा दुर्दैवी मृत्यू
वादळी वाऱ्याचा भीषण तडाखा: 5 गावांतील शेकडो कुटुंबांचे मोठे नुकसान, घरांवरील टीन उडाले; अनुदानाची तीव्र मागणी
तुकाराम मुंडेंचा मोठा धडाका! 11 लाखांचे आंबे जप्त, 37 जण अटकेत
मुंबई-पुणे एक्स्प्रेसवेवर भीषण अपघात; 3 वाहनांच्या धडकेत 2 जणांचा दुर्दैवी मृत्यू, 3 गंभीर जखमी
पुणे-सातारा महामार्गावर दोन जिवलग मित्रांचा जागीच मृत्यू; एकाच दिवशी 3 भीषण अपघात
मुंबईला पाणीपुरवठ्याचा मोठा धक्का; अप्पर वैतरणा पूर्ण कोरडा, 40 दिवसांचेच पाणी उरले
यावेळी आयुक्त व सचिव यांनी पातुर शहरातील विविध मतदान केंद्रांना प्रत्यक्ष भेट देऊन तेथील सुविधांची पाहणी केली. मतदान केंद्रांवरील मूलभूत सुविधा, मतदानासाठी करण्यात आलेल्या व्यवस्था तसेच मतदारांना कोणत्याही अडचणीशिवाय मतदान करता यावे यासाठी करण्यात आलेल्या तयारीची त्यांनी माहिती घेतली.
आढावा बैठकीदरम्यान निवडणूक आयुक्त दिनेश वाघमारे आणि सचिव सुरेश काकाणी यांनी उपस्थित अधिकारी व कर्मचाऱ्यांना आदर्श आचारसंहितेचे काटेकोर पालन करण्याच्या सूचना दिल्या. तसेच मतदान प्रक्रिया पारदर्शक, निष्पक्ष आणि शांततापूर्ण वातावरणात पार पाडण्यासाठी आवश्यक दक्षता घेण्याचे आवाहन केले.या दौऱ्यामुळे पातुर नगरपरिषद निवडणुकीच्या तयारीला अधिक गती मिळाल्याचे प्रशासनाकडून सांगण्यात आले.
