कल्याण रेल्वे यार्डात अल्पवयीन मुलीवर अत्याचार; मोबाईल हिसकावून पोलीस स्टेशनचा बहाणा, आरोपी अटकेत
कल्याण रेल्वे यार्ड परिसरात 14 वर्षीय अल्पवयीन मुलीवर लैंगिक अत्याचार झाल्याची अत्यंत धक्कादायक घटना उघडकीस आली आहे. मोबाईल हिसकावून “पोलीस स्टेशनला चल” असा बहाणा करत आरोपीने मुलीला फसवून निर्जन रेल्वे यार्डात नेऊन अत्याचार केल्याचे समोर आले आहे. या प्रकरणी कल्याण जीआरपी पोलिसांनी तातडीने कारवाई करत आरोपी सौरभ सोनवणे याला अटक केली आहे.
मिळालेल्या माहितीनुसार, पीडित अल्पवयीन मुलगी अहिल्यानगर येथून मामाला भेटण्यासाठी कल्याण येथे आली होती. ती खोपोलीला जाण्यासाठी कल्याण रेल्वे स्थानकात थांबली असताना आरोपीने तिच्याशी संपर्क साधला. सुरुवातीला त्याने तिचा मोबाईल जबरदस्तीने हिसकावून घेतला आणि मोबाईल परत देण्यासाठी “माझ्यासोबत पोलीस स्टेशनला चल” असे सांगून तिला फसवले.
अल्पवयीन असल्याने आणि भीतीपोटी मुलगी आरोपीसोबत गेली. मात्र आरोपीने तिला पोलीस स्टेशनऐवजी कल्याण रेल्वे यार्डात नेले आणि तेथे तिच्यावर लैंगिक अत्याचार केल्याचे तपासात स्पष्ट झाले आहे. घटना घडल्यानंतर आरोपीने तिला तिथेच सोडून पळ काढला.
Related News
भारतीयांवर अमेरिकेची नजर? कंपन्यांवर निर्बंधांची मागणी; व्हिसा नियमही कडक होणार!
“तुमच्याने होत नसेल तर माझ्या पैशांनी बोर्ड लावते!”; Vandana Gupte नवी मुंबई विमानतळावर संतापल्या
मोठी बातमी! एकनाथ शिंदेंच्या ओएसडी आणि फोटोग्राफरचे विमान लंडनऐवजी थेट झ्युरिकला; तांत्रिक बिघाडाने उडाली खळबळ
मुंबईत दहीहंडीला गालबोट! दुपारी 12 वाजेपर्यंत 22 गोविंदा जखमी
एकनाथ शिंदे उद्धव ठाकरेंना आणखी एक धक्का देणार? नरेश म्हस्केंचा मोठा दावा
कृष्ण बनून सजला, पण गळ्यातील माळच ठरली जीवघेणी; 6 वर्षीय आर्यनचा दुर्दैवी मृत्यू
मुलाच्या तोंडात चॉकलेट… अश्विनी पौळ प्रकरणात धक्कादायक खुलासा!
महाराष्ट्र पुन्हा हादरला! शाळेच्या बस चालकाकडून ३ वर्षांच्या चिमुकलीवर अत्याचार
अखेर भाजप नेत्याविरोधात गुन्हा दाखल; चाळीसगावातील अपघातानंतर ग्रामस्थांचा संताप
मोदी मंत्रिमंडळात मोठा फेरबदल? महाराष्ट्रातून किती मंत्री OUT; कोणाला मिळणार IN ची संधी?
भारत-चीनला नेपाळचा मोठा झटका! ‘मदत नको, नुकसानभरपाई द्या’; UN मध्ये मुद्दा मांडणार
महाराष्ट्र राज्य वक्फ मंडळात अनुकंपा धोरण लागू; सेवेत मृत्यू झालेल्या कर्मचाऱ्यांच्या वारसांना नोकरी
घाबरलेल्या अवस्थेत पीडित मुलगी थेट कल्याण रेल्वे पोलीस ठाण्यात पोहोचली आणि संपूर्ण प्रकार पोलिसांना सांगितला. घटनेचे गांभीर्य लक्षात घेऊन कल्याण जीआरपी आणि क्राईम ब्रँचने संयुक्त तपास सुरू केला. परिसरातील सीसीटीव्ही फुटेज तपासून आरोपीची ओळख पटवण्यात आली आणि काही तासांतच त्याला अटक करण्यात आली.
पोलिसांनी आरोपीविरोधात गंभीर कलमान्वये गुन्हा दाखल केला असून पुढील तपास सुरू आहे. तसेच पीडित मुलीची वैद्यकीय तपासणी करून पुरावे गोळा करण्यात आले आहेत.
या घटनेमुळे कल्याण रेल्वे परिसरातील सुरक्षा व्यवस्थेवर पुन्हा एकदा प्रश्नचिन्ह निर्माण झाले आहे. रेल्वे यार्डसारख्या निर्जन भागात अशा घटना घडत असल्याने प्रवाशांच्या सुरक्षिततेचा मुद्दा ऐरणीवर आला आहे. स्थानिक नागरिकांनी रेल्वे प्रशासन आणि पोलिसांकडून अधिक कडक सुरक्षा उपाययोजनांची मागणी केली आहे.
पोलिसांकडून पुढील तपास सुरू असून आरोपीला न्यायालयात हजर केले जाणार आहे.
