महाराष्ट्र विधानसभा निवडणुकीत भाजपचे जागावाटप अंतिम
टप्प्यात आहे. सूत्रांनुसार, भाजपची उमेदवारांची पहिली यादी उद्या
जाहीर होणार आहे. या यादीत अनेक विद्यमान आमदारांचं तिकिट
Related News
चेहऱ्याचा रंग उजळण्यासाठी सोपे घरगुती उपाय….
कांगो नदीत भीषण बोट दुर्घटना;
फ्लोरिडा विमानतळावर थरारक क्षण;
झारखंडच्या रांचीमध्ये पहिल्यांदाच एअर शो;
दिल्लीतील मुस्तफाबादमध्ये इमारत कोसळली;
पुन्हा ‘ठाकरे विराजमान’? राज ठाकरे यांचा युती प्रस्ताव, उद्धव ठाकरे यांचा सकारात्मक प्रतिसाद!
तापमान वाढीमुळे पोल्ट्री व्यवसायाला फटका;
माकडांच्या टोळक्यांमध्ये भीषण झटापट; रस्त्यावरच दिसला ‘गँगवॉर’सारखा थरार
पत्नीच्या मारहाणीची तक्रार करताच नवऱ्यावरच 307 कलमांतर्गत गुन्हा
पत्नीने आइब्रो सेट केल्याच्या रागातून पतीने केली चोटी कापण्याची धक्कादायक घटना
हरिद्वार-देहरादून महामार्गावर महिलेचा गोंधळ,…
अकोल्यात गुडफ्रायडे भक्तीभावाने साजरा
कापलं जाण्याची शक्यता आहे. महाराष्ट्र विधानसभा निवडणुकीचं
बिगूल वाजलं आहे. या निवडणुकीसाठी सत्ताधारी आणि विरोधी
पक्षांचं जागावाटप जवळपास अंतिम टप्प्यात आहे. विशेष म्हणजे
भाजपकडून उमेदवारांची पहिली यादी उद्या जाहीर केली जाणार
असल्याची माहिती सूत्रांकडून मिळत आहे. भाजपची दिल्लीत
काल उमेदवार ठरवण्याबाबतची महत्त्वाची बैठक पार पडली आहे.
या बैठकीत सर्व जागांबाबत चर्चा करण्यात आली. यावेळी काही
आमदारांना डच्चू देण्याचादेखील निर्णय घेण्यात आल्याची चर्चा
आहे. सुमार कामगिरी केल्याचा दावा करत भाजप पक्षश्रेष्ठींकडून
काही विद्यमान आमदारांना विधानसभेच्या तिकीट वाटपात डच्चू
दिला जाणार असल्याची चर्चा आहे. भाजप पक्ष नेहमी
धक्कातंत्रासाठी ओळखला जातो. त्यामुळे भाजप या विधानसभा
निवडणुकीतही धक्कातंत्र वापरुन अनेक बड्या चेहऱ्यांना तिकीट
नाकारणार असल्याची चर्चा आहे. गेल्या विधानसभा
निवडणुकीवेळी भाजपने तत्कालीन शिक्षणमंत्री विनोद तावडे,
तत्कालीन ऊर्जामंत्री चंद्रशेखर बावनकुळे यांच्यासारख्या नेत्यांची
तिकीटं कापली होती. भाजपकडून या निवडणुकीतही काही
विद्यमान आमदारांना तिकीट दिलं जाणार नसल्याची चर्चा आहे.
यामध्ये वर्सोवाच्या आमदार भारती लव्हेकर यांचंदेखील नाव आहे.
भारती लव्हेकर यांचं मोठं सामाजिक कार्य आहे. भारती लव्हेकर
यांनी महिलांसाठी सॅनिटरी पॅडची बँक सुरू केली आहे. त्यांना
भारताच्या फर्स्ट लेडी पुरस्काराने गौरविण्यात आले आहे. त्यांनी
सार्वजनिक ठिकाणी, शाळा आणि इतर ठिकाणी सॅनिटरी पॅड
एटीएम आणि डिस्पोजल मशीन बसवल्या आहेत तसेच त्यांनी
स्त्रीभ्रूण हत्या, महिला आरोग्य यासाठी मोठं काम केलं आहे.
पण त्यांचं तिकीट यावेळी कापलं जाण्याची शक्यता आहे.
त्यांच्याऐवजी संजय पांडे यांना तिकीट दिलं जाण्याची शक्यता
असल्याची चर्चा आहे. भाजपचे घाटकोपर पश्चिमचे विद्यमान
आमदार राम कदम यांचंदेखील तिकीट धोक्यात असल्याची चर्चा
आहे. राम कदम हे नेहमी चर्चेत असणारे आमदार आहेत. ते
प्रसारमाध्यमांवर अनेकदा आपली भूमिका मांडताना दिसतात. पण
सुमार कामगिरीचं कारण देत भाजप कदाचित त्यांचं तिकीट
कापणार असल्याची चर्चा आहे. त्यांच्याऐवजी घाटकोपरप
श्चिममधून भाजप कुणाला उमेदवारी देणार? ते पाहणं औत्सुक्याचं
ठरणार आहे. याशिवाय भाजपचे शीव कोळीवाडा मतदारसंघाचे
विद्यमान आमदार तमिळ सेल्वन यांचं देखील तिकीट कापलं
जाण्याची शक्यता आहे. पक्षाकडून या मतदारसंघातून प्रसाद लाड
किंवा राजश्री शिरवडकर यांना उमेदवारी दिली जाण्याची दाट
शक्यता आहे. बोरीवली विधानसभा मतदारसंघाचे आमदार सुनील
राणे, तसेच घाटकोपर पूर्व विधानसभा मतदारसंघाचे विद्यमान
आमदार पराग शाह या दोन्ही नेत्यांची उमेदवारी देखील धोक्यात
असल्याची चर्चा आहे. त्यांच्याऐवजी पक्षाकडून इतर कुणाला
उमेदवारी दिली जाण्याची शक्यता आहे.
