मुंबईजवळील वसई-विरार परिसरात उघडकीस आलेल्या एका थरारक हत्या प्रकरणाने संपूर्ण महाराष्ट्र हादरला आहे. प्रेमसंबंध, पैशांचा वाद आणि कटकारस्थान यांच्या गुंतागुंतीतून 24 वर्षीय तरुणाची निर्घृण हत्या करण्यात आल्याचा आरोप समोर आला आहे. या प्रकरणातील सर्वात धक्कादायक बाब म्हणजे मृतदेहाची विल्हेवाट लावण्यासाठी निळ्या रंगाच्या प्लास्टिक ड्रमचा वापर करण्यात आला. त्यामुळे या घटनेची तुलना थेट मेरठमधील गाजलेल्या ‘ब्लू ड्रम मर्डर केस’शी केली जात आहे.
मृत तरुणाचं नाव अरबाज खान असून तो सिव्हिल इंजिनिअर होता. पोलिसांनी या प्रकरणी विवाहित नर्स मेहजबीन शेख आणि तिच्या नातेवाईक तारिक शेख यांना अटक केली आहे. तर मेहजबीनचा पती हसन आणि आणखी एक साथीदार मुज्जम तालिब खान फरार असल्याची माहिती पोलिसांनी दिली आहे.
Related News
शेवगा फाट्यावर तामगाव पोलिसांची मोठी कारवाई; चिल्ड्रन बँकेच्या नोटांनी फसवणूक करणारे 4 आरोपी अटकेत
421 दिवसांपासून OTT टॉप 10 मध्ये ‘Mirzapur’; अजूनही प्रेक्षकांची पहिली पसंती!
बारामतीत 19 वर्षीय तरुणाने डोक्यात गोळी झाडून घेतली; उपचारादरम्यान मृत्यू
पतीचा संशय अन् सासरचा छळ? कुस्तीपटू अश्विनी पौळ प्रकरणात FIR मधून धक्कादायक खुलासे
मुलाच्या तोंडात चॉकलेट… अश्विनी पौळ प्रकरणात धक्कादायक खुलासा!
महाराष्ट्र पुन्हा हादरला! शाळेच्या बस चालकाकडून ३ वर्षांच्या चिमुकलीवर अत्याचार
“संगीताला बंदी नाही, ढोल-ताशालाही बंदी नाही!” विश्वास नागरे पाटील यांचा मोठा खुलासा
कल्याणमध्ये मद्यधुंद टँकर चालकाचा धुमाकूळ; 2 रिक्षांसह 7-8 दुचाकींना धडक
समृद्धी महामार्गावर दरोडेखोरांचा धुमाकूळ; टायर फोडून प्रवाशांची लूट, 18 लाखांचा ऐवज लंपास!
दहाव्या मजल्यावरून उडी घेतली अन् झाडाला अडकली; 4 महिन्यांपूर्वीच लग्न झालेल्या महिलेचा जीव थोडक्यात वाचला
Khavdya Dongar Case : संभाजीनगरच्या ‘खवड्या डोंगरा’चं रहस्य काय? नावामागची कहाणी ऐकून बसेल धक्का!
Khavdya Dongar Case: आधी एक मुलगा गमावला, आता कुणालसह आई-वडिलांचाही मृत्यू; चांदगुडे कुटुंबाची काळीज पिळवटून टाकणारी कहाणी
कसं उघड झालं प्रकरण?
5 एप्रिल रोजी मुंबई-अहमदाबाद महामार्गालगत विरार फाट्याजवळ एका नाल्यात कुजलेल्या अवस्थेत एक मृतदेह आढळून आला होता. मृतदेह निळ्या प्लास्टिक ड्रममध्ये भरलेला असल्याने परिसरात एकच खळबळ उडाली होती. सुरुवातीला मृताची ओळख पटत नव्हती. मात्र पोलिसांनी तपासाची चक्रे वेगाने फिरवत अखेर हा मृतदेह अरबाज खानचा असल्याचं स्पष्ट केलं.
अरबाज डोंबिवलीतील एका खासगी संस्थेत काम करत होता. 3 एप्रिल रोजी तो काही आर्थिक व्यवहारासाठी दादरच्या दिशेने निघाला होता. त्यानंतर तो घरी परतलाच नाही. कुटुंबीयांनी अनेक ठिकाणी शोध घेतला, पण काहीच माहिती मिळाली नाही. शेवटी त्याच्या वडिलांनी पोलिसांत बेपत्ता असल्याची तक्रार दाखल केली.
मोबाईल लोकेशनमुळे लागला तपासाचा धागा
पोलिसांनी अरबाजच्या कॉल डिटेल रेकॉर्ड्स (CDR) आणि मोबाईल लोकेशनचा तपास सुरू केला. तपासादरम्यान अरबाजचा शेवटचा लोकेशन वसई परिसरात असल्याचं स्पष्ट झालं. त्याचवेळी मेहजबीन शेख हिचा मोबाईलही त्याच भागात सक्रिय असल्याचं समोर आलं.
तपास अधिकाऱ्यांनी दोघांचे संबंध तपासले असता, अरबाज आणि मेहजबीन यांच्यात प्रेमसंबंध असल्याची माहिती मिळाली. विवाहित असूनही मेहजबीनचे अरबाजसोबत संबंध होते. याच संबंधातून पुढे पैशांचा व्यवहार आणि वाद निर्माण झाल्याचा पोलिसांचा संशय आहे.
पैशांच्या वादातून रचला खुनाचा कट?
पोलिसांच्या प्राथमिक तपासानुसार, मेहजबीनने यापूर्वी अरबाजला काही पैसे उसने दिले होते. नंतर ती रक्कम परत मिळवण्यासाठी तिने त्याच्यावर दबाव टाकण्यास सुरुवात केली. मात्र वाद वाढत गेला आणि अखेर अरबाजकडून आणखी पैसे उकळण्याचा कट रचण्यात आला, असा पोलिसांचा दावा आहे.
यासाठी अरबाजला वसईतील एका निर्जन ठिकाणी बोलावण्यात आलं. तिथे आधी त्याचे हात-पाय बांधण्यात आले. त्यानंतर मेहजबीन आणि तारिक यांनी पीव्हीसी पाईपने त्याच्यावर अमानुष मारहाण केली. मारहाण इतकी गंभीर होती की त्यामध्ये अरबाजचा मृत्यू झाला.
मृतदेह ड्रममध्ये कोंबून नाल्यात फेकला
हत्या केल्यानंतर आरोपींनी पुरावे नष्ट करण्याचा प्रयत्न केला. अरबाजचा मृतदेह एका निळ्या रंगाच्या मोठ्या प्लास्टिक ड्रममध्ये भरून तो विरारजवळील नाल्यात फेकून देण्यात आला. काही दिवसांनंतर दुर्गंधी पसरल्यानंतर हा प्रकार उघडकीस आला.
या संपूर्ण प्रकरणात निळ्या ड्रमचा वापर झाल्यामुळे सोशल मीडियावर या घटनेची तुलना मेरठमधील गाजलेल्या ब्लू ड्रम हत्या प्रकरणाशी केली जात आहे.
मेरठ प्रकरणाशी साम्य
मार्च 2025 मध्ये मेरठ येथे मर्चंट नेव्ही कर्मचारी सौरभ राजपूत यांच्या हत्येने देश हादरला होता. त्या प्रकरणात पत्नीने प्रियकराच्या मदतीने पतीची हत्या केली होती. मृतदेहाचे तुकडे करून ते निळ्या ड्रममध्ये भरले गेले होते.
वसईतील प्रकरणातही प्रेमसंबंध, विश्वासघात आणि निळा ड्रम हे समान धागे आहेत. मात्र मेरठमध्ये पत्नीने प्रियकरासोबत पतीची हत्या केली होती, तर वसईत विवाहित महिलेने पतीच्या मदतीने प्रियकराचाच खून केल्याचं समोर आलं आहे.
आरोपींना अटक, दोघे फरार
पोलिसांनी मेहजबीन शेख आणि तारिक शेख यांना 7 मे रोजी अटक केली. चौकशीत अनेक धक्कादायक माहिती समोर आल्याचं सांगितलं जात आहे. तर मेहजबीनचा पती हसन आणि साथीदार मुज्जम तालिब खान हे अद्याप फरार असून त्यांचा शोध सुरू आहे.
या प्रकरणामुळे वसई-विरार परिसरात भीतीचं वातावरण निर्माण झालं आहे. प्रेमसंबंध, पैशांची लालसा आणि गुन्हेगारी मानसिकता यामुळे एका तरुणाचा जीव गेल्याची चर्चा सध्या सर्वत्र सुरू आहे.
