देशात इंधन बचतीचा संदेश अधिक प्रभावीपणे पोहोचवण्यासाठी केंद्र सरकारकडून प्रतीकात्मक पावले उचलली जात असल्याचे दिसत आहे. पंतप्रधान Narendra Modi यांनी इंधन संवर्धन आणि मितव्ययितेचे आवाहन केल्यानंतर आता केंद्रीय गृहमंत्री अमित शाहा यांनीही आपल्या ताफ्यात मोठी कपात केल्याची चर्चा रंगली आहे.
दिल्लीतील त्यांच्या निवासस्थानातून बाहेर पडतानाचे काही व्हिज्युअल्स सोशल मीडियावर व्हायरल झाले आहेत. या व्हिडिओंमध्ये अमित शाह यांच्या ताफ्यातील वाहनांची संख्या पूर्वीपेक्षा लक्षणीयरीत्या कमी दिसत असल्याचा दावा केला जात आहे. सूत्रांच्या माहितीनुसार, त्यांच्या ताफ्याचा आकार निम्म्याहून अधिक कमी करण्यात आल्याचे सांगितले जात आहे.
अमेरिका-इराण तणावामुळे जागतिक स्तरावर ऊर्जा आणि इंधन बाजारात अस्थिरता निर्माण झाली आहे. अशा पार्श्वभूमीवर भारतात इंधन बचतीबाबत जनजागृती करण्यासाठी सरकारकडून विविध स्तरांवर संदेश दिले जात आहेत. पंतप्रधान नरेंद्र मोदी यांनी नुकतेच नागरिकांना आणि सरकारी यंत्रणांना इंधनाचा काटकसरीने वापर करण्याचे आवाहन केले होते.
Related News
एअर इंडियाचा मोठा धक्का! परदेशी उड्डाणांमध्ये मोठा बदल, महिन्याला 1200 फ्लाईट्सचा नवा निर्णय
एकनाथ शिंदेंचा मोठा निर्णय; मंत्र्यांना ताफा कमी करण्याचे निर्देश, EV वापर अनिवार्य?
उबर चालकांसाठी 70% बचतीची मोठी संधी! EV बाबत केंद्र सरकारचे मोठे पाऊल
PM मोदींच्या मोठ्या आवाहनानंतर तातडीची कारवाई! योगी आदित्यनाथ, फडणवीस, शिंदे यांचे धडाकेबाज निर्णय
सोनिया गांधी पुन्हा रुग्णालयात; 5 महिन्यांत तिसऱ्यांदा हॉस्पिटलमध्ये दाखल, काँग्रेसमध्ये चिंतेचं वातावरण
इंधन बचतीसाठी मोठा संदेश! PM मोदींच्या आवाहनानंतर हायकोर्टाचे न्यायमूर्ती 2 किमी सायकलवरून कोर्टात
वाईट दिवसांसाठी तयार राहा! उदय कोटकांचा मोठा इशारा
PM Narendra Modi : 7 मोठी आवाहनं! ऑनलाइन क्लासेस, WFH, सोनं खरेदी टाळा; मोदींच्या वक्तव्याने देशभर खळबळ
अमित शाह यांच्या या निर्णयाकडे केवळ सुरक्षा व्यवस्थेतील बदल म्हणून नव्हे, तर “ऊर्जा बचतीचा संदेश” म्हणूनही पाहिले जात आहे. सोशल मीडियावर अनेकांनी या पावलाचे स्वागत केले असून, “नेतृत्वाने उदाहरण घालून द्यावे” अशी प्रतिक्रिया व्यक्त केली जात आहे.
दरम्यान, काही नेटकऱ्यांनी सुरक्षा कारणांचा मुद्दाही उपस्थित केला आहे. केंद्रीय गृहमंत्र्यांच्या सुरक्षेच्या दृष्टीने ताफ्यातील वाहनांची संख्या महत्त्वाची मानली जाते. त्यामुळे सुरक्षा आणि इंधन बचत यामध्ये समतोल राखत हा निर्णय घेतल्याचे मानले जात आहे.
केंद्र सरकारकडून सध्या ऊर्जा संवर्धन, पर्यावरण संरक्षण आणि सरकारी खर्चात कपात यावर विशेष भर दिला जात आहे. अशा वेळी वरिष्ठ मंत्र्यांकडून घेतली जाणारी प्रतीकात्मक पावले सामान्य नागरिकांपर्यंत प्रभावी संदेश पोहोचवू शकतात, असे राजकीय विश्लेषकांचे मत आहे.
