नागपूर, दि. 20 एप्रिल 2026: रात्रीची वेळ असो वा भरदुपार, अचानक वीजपुरवठा खंडित झाला की आपण तातडीने ओळखीच्या वीज कर्मचाऱ्याचा किंवा वायरमनचा वैयक्तिक नंबर शोधून त्याला फोन लावतो. मात्र, तुमचा हा एक फोन दुरुस्तीचे काम करणाऱ्या कर्मचाऱ्याच्या जीवावर बेतू शकतो. ही बाब लक्षात घेऊन महावितरणने ग्राहकांना थेट फोन न करण्याचे कळकळीचे आवाहन केले असून तक्रार नोंदणीसाठी उपलब्ध असलेल्या अधिकृत पर्यायांचा वापर करण्याचे सुचवले आहे.
सुरक्षिततेला सर्वोच्च प्राधान्य: दुरुस्तीचे काम सुरू असताना कर्मचाऱ्याचे पूर्ण लक्ष तांत्रिक बाबींकडे असणे आवश्यक असते. अशावेळी ग्राहकाचा फोन आल्यास त्यांचे लक्ष विचलित होऊन भीषण अपघात घडण्याची शक्यता नाकारता येत नाही. अनेकदा कर्मचारी कामात व्यस्त असल्याने फोन उचलू शकत नाहीत, ज्यामुळे ग्राहकांचा रोष वाढतो. कर्मचाऱ्यांच्या सुरक्षिततेसाठी आणि कामातील एकाग्रता कायम राखण्यासाठी कॉल सेंटर किंवा मोबाईल ॲपचा वापर करणे हिताचे आहे. वीज पुरवठा खंडित झाल्यानंतर 10 ते 15 मिनिटे वाट बघितल्यानंतर आपली तक्रार महावितरणकडे नोंदवा.
आता ‘व्हॉट्सअॅप’वरही सेवा उपलब्ध: महावितरणने आपल्या सेवा अधिक सुलभ करत ‘व्हॉट्सअॅप’वर तक्रार नोंदवण्याची सोय केली आहे. ग्राहकांनी 9167777721 या क्रमांकावर ‘Hi’ असा संदेश पाठवून आपली भाषा निवडल्यास त्यांना वीजबिल पाहणे, भरणे किंवा तक्रार नोंदवणे यांसारख्या सुविधा मिळतील. अधिकृत खात्याची खात्री करण्यासाठी कंपनीच्या नावापुढील ‘ब्ल्यू टीक’ तपासावी, असेही स्पष्ट करण्यात आले आहे.
Related News
डॉ. बाबासाहेब आंबेडकरांना महावितरण–महानिर्मितीतर्फे विनम्र अभिवादन
भीमजयंतीसाठी महावितरण सज्ज; नागपूरात वीजपुरवठ्यासाठी विशेष सुरक्षा आराखडा
महावितरणचा अनोखा उपक्रम; विशेष विद्यार्थ्यांसोबत साजरी केली आंबेडकर जयंती
‘रक्ताचा एक थेंब, जीवनाचा प्रकाश’; 14 एप्रिलला विशेष शिबिर
वीज बिल वाढतंय? स्मार्ट मीटरला दोष देण्यापूर्वी घरातील ‘अर्थिंग’ तपासा!
नागपूर : कॉग्रेसनगर विभागात आज वीजपुरवठा तात्पुरता बंद, महावितरणचा आवाहन
महावितरणचा थकबाकीदारांवर ‘हाय व्होल्टेज’ शॉक – नागपूर जिल्ह्यात वीज कट कारवाई
इटाव्यात चहा विक्रेत्याचा हृदयविकाराने मृत्यू; 1.60 लाखांचा वीज बिलाच्या धक्क्यामुळे संतप्त कुटुंबीयांनी कार्यालयात आंदोलन
31 मार्चपूर्वी थकबाकी वसुलीवर भर; संचालक राजेंद्र पवारांचे स्पष्ट निर्देश
महावितरणची थकबाकी वसुली मोहीम : वीज कापणे व फौजदारी गुन्हे दाखल करणे सुरु , नागपूर व वर्धा
महावितरणमध्ये ‘राष्ट्रीय लाईनमन दिन’ उत्साहात साजरा; सुरक्षेची शपथ घेत ग्राहकसेवेचा संकल्प
24 तास टोल-फ्री सेवा आणि मोबाईल ॲप: ग्राहकांच्या तक्रारींचे निराकरण करण्यासाठी महावितरणचे 18002-333-435. 18002-123-435 आणि 1912 हे टोल-फ्री क्रमांक 24 तास कार्यरत आहेत. याशिवाय, ‘महावितरण’ मोबाईल ॲपच्या माध्यमातून एकाच वेळी अनेक वीज जोडण्यांचे व्यवस्थापन करणे शक्य झाले आहे. या अधिकृत प्रणालीमुळे तक्रारीची नोंद होऊन ती तातडीने संबंधित विभागाकडे पोहोचते आणि वीजपुरवठा जलद गतीने पूर्ववत होण्यास मदत होते.
एसएमएस आणि मिस कॉलची सुविधा: ज्या ग्राहकांनी आपल्या मोबाईल क्रमांकाची नोंदणी महावितरणकडे केली आहे, त्यांना केवळ एक मिस कॉल देऊन तक्रार नोंदवता येईल. त्यासाठी 022-50897100 हा क्रमांक उपलब्ध आहे. तसेच, 9930399303 या क्रमांकावर ‘NOPOWER [ग्राहक क्रमांक]’ असा एसएमएस पाठवूनही तक्रार नोंदवता येते.
महावितरणने आपल्या बहुतांश सेवा आता ऑनलाइन केल्या असून www.mahadiscom.in या संकेतस्थळावरही अनेक सुविधा उपलब्ध आहेत. एक जबाबदार नागरिक म्हणून अत्याधुनिक पर्यायांचा वापर करून कर्मचाऱ्यांच्या सुरक्षिततेला सहकार्य करावे, असे आवाहन महावितरणने केले आहे.
read also : https://ajinkyabharat.com/after-45c-temperature-unprecedented-rain-brought-great-solace-to-the-citizens/
