रिअॅलिटी शो ‘The 50’ मध्ये पुन्हा एंट्रीसाठी वंशज सिंह आणि करण पटेल आमनेसामने; प्रोमोमध्ये दिसला तणाव
लोकप्रिय रिअॅलिटी शो ‘The 50’ सध्या प्रेक्षकांचे भरभरून मनोरंजन करत आहे. शोमधील टास्क, स्पर्धा आणि स्पर्धकांमधील नातेसंबंध यामुळे प्रेक्षकांमध्ये या कार्यक्रमाबद्दल मोठी उत्सुकता आहे. दरम्यान, नुकत्याच प्रदर्शित झालेल्या नवीन प्रोमोमध्ये स्पर्धक वंशज सिंह आणि करण पटेल यांच्यातील तीव्र तणाव पाहायला मिळाला. दोघेही शोमध्ये पुन्हा एंट्री मिळवण्यासाठी एकमेकांशी स्पर्धा करताना दिसणार आहेत.
The 50 शोच्या सुरुवातीलाच वंशज सिंह एलिमिनेट झाला होता, तर करण पटेलला एलिमिनेट झाला होता . आता दोघांनाही पुन्हा शोमध्ये परत येण्याची संधी मिळाली असून त्यासाठी विशेष टास्क आयोजित करण्यात आला आहे. या टास्कच्या आधारे इतर स्पर्धक मतदान करून कोणाला पुन्हा शोमध्ये संधी द्यायची हे ठरवणार आहेत.
नवीन प्रोमोमध्ये करण पटेल वंशज सिंहला भेटताना नम्रपणे अभिवादन करताना दिसतो. मात्र वंशजने त्याला स्पष्ट शब्दांत नकार दिला. “मला तुझ्याशी हस्तांदोलन करायचे नाही,” असे सांगत त्याने करणचे अभिवादन स्वीकारण्यास नकार दिला. या प्रसंगामुळे शोमध्ये मोठे नाट्य निर्माण झाले असून प्रेक्षकांमध्येही चर्चेला उधाण आले आहे.
Related News
‘राजा शिवाजी’चा ऐतिहासिक धमाका! 24 दिवसांत 101 कोटींची विक्रमी कमाई, मराठी सिनेसृष्टी हादरली
डाळ शिजण्यापूर्वी चिंच घालता? मग ही मोठी चूक आजच थांबवा!
72 मिलियन फॉलोअर्स असलेलं सलमान खानचं अकाउंट गायब , पापाराझी वादानंतर चाहत्यांमध्ये खळबळ
यानंतर दोघांना एक विशेष टास्क देण्यात आला. या टास्कनंतर उर्वरित स्पर्धकांनी मतदान करून त्यांना पसंतीचा स्पर्धक निवडायचा होता. काही स्पर्धकांनी करण पटेलला पाठिंबा दिल्याचे दिसले. प्रिन्स नरुला आणि इतर काही स्पर्धक करणच्या बाजूने उभे राहिले. दुसरीकडे मिस्टर फैसूने वंशज सिंहला मत देत त्याला शोमध्ये पुन्हा येण्याची गरज असल्याचे सांगितले. “त्याला या शोची गरज आहे,” असे मत देताना तो म्हणाला.
वंशज सिंह शोमधून बाहेर पडल्यानंतरही चर्चेत राहिला. त्याच्या अचानक झालेल्या एलिमिनेशनमुळे अनेक चाहत्यांनी नाराजी व्यक्त केली होती. शोमधून बाहेर पडल्यावर वंशजने सोशल मीडियावर प्रिन्स नरुला आणि करण पटेल यांच्यावर तीव्र टीका केली होती.
प्रिन्स नरुलाचा फोटो शेअर करत वंशजने लिहिले की, “हाय गाइज, मी प्रिन्स नरुला. मी आयुष्यभर इंडिव्हिज्युअॅलिटीबद्दल बोलतो, पण प्रत्यक्षात मी त्याच्या विरुद्ध वागतो. मी ग्रुप बनवतो, पॉलिटिक्स करतो आणि वंशजला फक्त त्याने माझ्याशी बोलले नाही म्हणून बाहेर काढले.” त्याने पुढे असेही म्हटले की, “हा टास्क-ओरिएंटेड शो असूनही माझ्या परफॉर्मन्सकडे दुर्लक्ष करण्यात आले आणि फक्त २२ वर्षांच्या मुलाने संवाद साधला नाही म्हणून मला बाहेर काढले.”
करण पटेलबाबतही वंशजने कठोर शब्द वापरले होते. त्याने करणचा फोटो शेअर करत म्हटले की, “तुझे कमजोर सांधे आज दुखत असतील अशी आशा आहे. तुला वृद्धाश्रमात पाठवायला हवे. तू आयुष्यभरासाठी शत्रू निर्माण केला आहेस. पुढील दहा वर्षे मी तुला माझे नाव आठवण करून देत राहीन.” त्याच्या या वक्तव्यामुळे सोशल मीडियावर मोठी चर्चा रंगली होती.
एका दुसऱ्या इंस्टाग्राम स्टोरीमध्ये वंशजने पुन्हा करण आणि प्रिन्सवर निशाणा साधला. “सर्वोत्तम वृद्धाश्रम सवलतींसाठी करणशी संपर्क साधा,” असे लिहित त्याने दोघांनाही “क्लाउन” असे संबोधले. त्याने आपल्या टास्कमधील कामगिरीचेही कौतुक करत आपण टीमला मदत केली असूनही अन्यायकारकरीत्या बाहेर काढण्यात आल्याचा आरोप केला.
वंशजच्या या वक्तव्यांमुळे चाहत्यांमध्ये मतभेद निर्माण झाले. काही चाहत्यांनी त्याच्या स्पष्टवक्तेपणाचे समर्थन केले, तर काहींनी त्याच्या भाषेवर नाराजी व्यक्त केली.The 50 शोमधील त्याचे एलिमिनेशन अचानक झाले असल्यामुळे अनेकांनी त्याला पुन्हा संधी मिळावी अशी मागणीही केली होती.
आता पुन्हा एंट्रीसाठी वंशज सिंह आणि करण पटेल आमनेसामने आले असल्यामुळे आगामी भागांमध्ये मोठे नाट्य पाहायला मिळण्याची शक्यता आहे. स्पर्धकांचे मतदान कोणाच्या बाजूने जाते आणि कोणाला पुन्हा शोमध्ये प्रवेश मिळतो, याबद्दल प्रेक्षकांमध्ये मोठी उत्सुकता आहे.
