शहरातील जुनीवस्ती परिसरात राहणाऱ्या एका तरुणाने गळफास घेऊन आत्महत्या केल्याची धक्कादायक घटना १७ फेब्रुवारीच्या मध्यरात्री उघडकीस आली. या घटनेमुळे परिसरात हळहळ व्यक्त होत असून शहरात खळबळ उडाली आहे. वैभव डूडूल (वय अंदाजे २५) असे मृत तरुणाचे नाव असून आत्महत्येमागील नेमके कारण अद्याप स्पष्ट झालेले नाही. मूर्तीजापूर शहर पोलिसांकडून या प्रकरणाचा सखोल तपास सुरू आहे.
प्राथमिक माहितीनुसार, वैभव हा आपल्या कुटुंबासह जुनीवस्ती भागात राहत होता. सोमवारी रात्री सुमारे १.३० वाजताच्या सुमारास त्याने राहत्या घरातच गळफास घेतल्याचे समोर आले. काही वेळानंतर ही बाब कुटुंबीयांच्या लक्षात येताच घरात एकच गोंधळ उडाला. कुटुंबीयांनी तातडीने त्याला खाली उतरवून खासगी वाहनाने जवळच्या रुग्णालयात दाखल केले. मात्र वैद्यकीय अधिकाऱ्यांनी तपासणी करून त्याला मृत घोषित केले.
घटनेची माहिती मिळताच मूर्तीजापूर शहर पोलिसांनी तात्काळ रुग्णालयात धाव घेत पंचनामा केला. त्यानंतर मृतदेह शवविच्छेदनासाठी पाठविण्यात आला. या प्रकरणाची आकस्मिक मृत्यू म्हणून नोंद करण्यात आली असून आत्महत्येचे कारण शोधण्यासाठी पोलिसांकडून कुटुंबीय आणि नातेवाईकांची चौकशी सुरू आहे.
Related News
Navi Mumbai Tuition Punishment: 40 फटक्यांची भयंकर शिक्षा! 8 वीच्या विद्यार्थिनीवर शिक्षिकेचा क्रूर अत्याचार उघड
सिद्धार्थ जाधव यांच्या पत्नी तृप्ती अक्कलवार यांचा अलिबागमधील “पिवळा बंगला” चर्चेत; रंगसंगतीने घराला मिळाली नवी ओळख
राज्याला 11 अतिरिक्त जिल्हाधिकारी आणि 69 तहसीलदार कार्यालयांची मोठी भेट; तुमच्या तालुक्याचा समावेश आहे का?
Nandurbar Crime 2026: धक्कादायक! शिक्षकानेच विद्यार्थिनीला पळवून नेले; अटकेनंतर मोठा खुलासा
देशातील पहिला ‘म्युझिकल रोड’ वादात; कोस्टल रोडवरील गाण्यामुळे रहिवासी त्रस्त, मुख्यमंत्र्यांकडे तक्रार
Shocking Breakthrough! Akola Molestation Case मध्ये 200 CCTVमुळे आरोपी जाळ्यात – 3 दिवसांत पोलिसांची मोठी कारवाई
Nagpur News : माली जेलमध्ये अडकला नागपूरचा सिव्हिल इंजिनीअर – प्रियंका गुल्हाने यांनी मुख्यमंत्री फडणवीस यांना केले हस्तक्षेपाचे आवाहन
“डोंबिवलीत 2 मोठ्या बनावट औषध रॅकेटचा पर्दाफाश: रुग्णांच्या जीवावर मोठा धोका”
सुकळी–सायवनी रस्त्याची दयनीय अवस्था
ट्रॅक्टरच्या धडकेत दुचाकीस्वार गंभीर जखमी; बोरगाव मंजू परिसरातील घटना
मनोज जरांगे पाटील पुन्हा रस्त्यावर ? सरकारला आंदोलनाचा इशारा
दरम्यान, तरुण वयातच वैभवने जगाचा निरोप घेतल्याने परिसरात शोककळा पसरली आहे. मित्रपरिवार आणि स्थानिक नागरिकांकडून हळहळ व्यक्त केली जात असून नेहमीप्रमाणे वावरणारा वैभव असे टोकाचे पाऊल उचलेल, यावर अनेकांचा विश्वास बसत नाही. आर्थिक अडचण, वैयक्तिक कारणे किंवा अन्य काही कारण या निर्णयामागे आहे का, याचा तपास पोलिसांकडून केला जात आहे. घटनेचा पुढील तपास मूर्तीजापूर शहर पोलीस स्टेशनकडून सुरू आहे.
