अकोट तालुक्यात एक हृदयद्रावक अपघात घडला असून मुलीच्या लग्नाच्या पत्रिका वाटण्यासाठी आलेल्या वडिलांचा ट्रकच्या धडकेत मृत्यू झाला आहे. या दुर्घटनेत त्यांचा पुतण्या गंभीर जखमी झाला असून त्याच्यावर उपचार सुरू आहेत. पोपटखेड मार्गावरील चौकाजवळ ही घटना घडली.
मृत व्यक्तीचे नाव मधुकर डोमाजी मेसकर (वय ५८, रा. ब्राह्मणवाडा, जि. अमरावती) असे आहे. तर जखमी पुतण्याचे नाव नेहल मेसकर (वय २२) असे असून त्याच्या पायाला गंभीर दुखापत झाली आहे. त्याच्यावर सध्या खासगी रुग्णालयात उपचार सुरू आहेत.
मिळालेल्या माहितीनुसार, मधुकर मेसकर आणि त्यांचा पुतण्या हे अकोट तालुक्यातील अकोलखेड येथे एका नातेवाईकांच्या लग्नासाठी आले होते. मेसकर यांच्या मुलीचे लग्न अवघ्या १५ दिवसांवर आले असल्याने ते नातेवाईकांना लग्नपत्रिका देत होते. लग्नसमारंभ आटोपल्यानंतर दोघे दुचाकीवरून पोपटखेड मार्गे अकोटकडे निघाले होते.
Related News
1.66 कोटींची थरारक चोरी! विवाहित बॉयफ्रेण्डसाठी सेल्सगर्लचा मास्टरप्लॅन, आंघोळीदरम्यान झाला विश्वासघात
7 धक्कादायक खुलासे! Twisha Sharma Death Case ने देश हादरला; लग्नानंतर अवघ्या 5 महिन्यांत संपलं आयुष्य
NEET पेपरफुटी प्रकरणात मोठा ट्विस्ट: अकोल्यात मनसेचे आक्रमक आंदोलन, मोटेगावकर क्लासेससमोर तणावपूर्ण वातावरण | संपूर्ण माहिती 2026
दर्यापूरमध्ये 19 वर्षीय युवकाची धक्कादायक हत्या; घरात घुसून चाकूने वार, शहरात भीतीचे वातावरण
अकोल्यात घरगुती वादातून पत्नीची हत्या; पतीने धारदार शस्त्राने केले वार
अकोला महापालिकेचा ढिसाळ कारभार; पावसाळ्याच्या तोंडावर अकोलेकरांची चिंता वाढली! शंभरावर जीर्ण इमारतींमुळे दुर्घटनेची भीती
Nagpur News : 28 वर्षीय इंजिनिअर तरुणीचा धक्कादायक मृत्यू! अंधश्रद्धा, विभूती आणि महाराजांच्या दबावामागचं काळं सत्य उघड
प्रादेशिक वन विभागाच्या जंगलातील दुहेरी मृत्यूचे गूढ अखेर उलगडले.
दरम्यान, शहराजवळील चौकात पाठीमागून भरधाव वेगाने आलेल्या ट्रक-टिप्परने त्यांच्या दुचाकीला जोरदार धडक दिली. या भीषण अपघातात मधुकर मेसकर गंभीर जखमी झाले. त्यांना तातडीने ग्रामीण रुग्णालयात दाखल करण्यात आले; मात्र डॉक्टरांनी तपासणीनंतर त्यांना मृत घोषित केले.
अपघातानंतर ट्रक चालक वाहनासह घटनास्थळावरून पसार झाला असून अकोट शहर पोलीस त्याचा शोध घेत आहेत. या घटनेमुळे परिसरात हळहळ व्यक्त केली जात आहे. मुलीच्या लग्नाची तयारी सुरू असतानाच वडिलांवर काळाचा घाला आल्याने मेसकर कुटुंबावर दु:खाचा डोंगर कोसळला आहे.
