अकोट : सातपुड्याच्या कुशीत वसलेल्या मेळघाटच्या निसर्गसंपदेचा आणि आदिम संस्कृतीचा जवळून अनुभव देणारा नरनाळा महोत्सव यंदा दि. १५ ते १७ फेब्रुवारीदरम्यान आयोजित करण्यात येणार आहे. जिल्हाधिकारी वर्षा मीना यांनी आज याबाबत माहिती देत महोत्सवाच्या तयारीला वेग देण्याच्या सूचना संबंधित यंत्रणांना दिल्या.
या महोत्सवाच्या माध्यमातून मेळघाटचे वनवैभव, ऐतिहासिक वारसा आणि आदिवासी परंपरा नागरिकांसमोर उलगडणार आहेत. तीन दिवस चालणाऱ्या या महोत्सवात जंगल सफारी, साहसी खेळ आणि विविध सांस्कृतिक कार्यक्रमांचा समावेश असल्याने पर्यटकांसाठी हा एक खास पर्व ठरणार आहे. विशेष म्हणजे, प्रत्येक दिवशी वेगवेगळे सांस्कृतिक कार्यक्रम आयोजित करण्यात येणार असून प्रसिद्ध कलावंतांची उपस्थिती हे यंदाच्या महोत्सवाचे मोठे आकर्षण असणार आहे.
लोकप्रिय विनोदी कार्यक्रम ‘चला हवा येऊ द्या’, ऐतिहासिक सादरीकरणासाठी प्रसिद्ध ‘शिवशंभू गर्जना’, तसेच सुप्रसिद्ध गायक कैलास खेर यांची लाईव्ह कॉन्सर्ट यामुळे महोत्सवाची रंगत अधिक वाढणार आहे. या कार्यक्रमांमुळे जिल्ह्यासह राज्यभरातील नागरिक आणि पर्यटक मोठ्या संख्येने उपस्थित राहण्याची अपेक्षा व्यक्त केली जात आहे.
Related News
22 वर्षांनंतरही लोकनेते अरुणजी दिवेकर यांच्या कार्याचा तेजस्वी वारसा कायम; अकोल्यात भावपूर्ण अभिवादन!
दहिहंडा तीर्थक्षेत्राचा ऐतिहासिक विकास! 2.50 कोटींच्या सुविधांसह भव्य लोटस सेलिब्रेशन हॉलचे लोकार्पण
सातारा जिल्हा बँक निकालाचा मोठा राजकीय धमाका! भाजपला 9 , राष्ट्रवादीला 8 तर शिंदेसेनेला 4 जागा; सत्तेचे नवे समीकरण!
अकोला तील दुष्काळावर आमदार रणधीर सावरकरांचा ‘मास्टर प्लॅन’! पाणीटंचाईवर उपायांसाठी 5 महत्त्वाच्या मुद्द्यांवर आढावा बैठक
रावणदहनाचा खर्च टाळून शेतकऱ्यांना मदतीचा हात; अकोल्यातून ₹51 हजारांची मदत!
मनोज जरांगे पाटलांचा नवा बॉम्ब! ‘माझ्याविरोधात महिलांची टोळी तयार’; थेट फडणवीसांवर आरोप!
मुर्तिजापूरच्या शिरपेचात मानाचा तुरा! दीपक पाटील दांदळे यांना पुण्यात ‘हिंदूरत्न’ पुरस्काराने सन्मानित!
आपल्या मातीतील 30 रत्नांचा गौरव! अकोल्यात ‘अकोलारत्न’ पुरस्कार सोहळा उत्साहात संपन्न!
ठाकरे बंधू अन् CM फडणवीस यांच्यात बंद दाराआड काय शिजलं? गुलाबराव पाटलांनी एका वाक्यात सांगितलं!
लाडक्या बहिणींसाठी दिवाळी गिफ्ट! 81 लाख महिलांना मिळणार 1500 रुपये? फडणवीसांचे मोठे आश्वासन
2029 पर्यंत फडणवीस मुख्यमंत्री राहणार? संजय राऊतांनी सांगितला एप्रिल-मेचा राजकीय प्लॅन!
दिवाळीपूर्वी FDA ॲक्शन मोडमध्ये! 1,057 आस्थापनांची तपासणी, 94 परवाने निलंबित
निसर्गप्रेमी आणि साहसप्रेमींसाठीही विविध उपक्रमांची आखणी करण्यात आली आहे. निसर्ग निर्वाचन संकुल, शहानूर येथे जंगल सफारी, ट्रेकिंग, व्हॅली क्रॉसिंग आणि रॅपलिंग यांसारख्या रोमांचक उपक्रमांचे आयोजन करण्यात येणार आहे. तर पोपटखेड धरण परिसरात नौकाविहार, बोटिंग आणि झॉर्बिंग वॉटर बॉल यांसारख्या जलक्रीडा पर्यटकांना अनुभवता येणार आहेत. पक्षीनिरीक्षण, गड भटकंती आणि छायाचित्र प्रदर्शन या उपक्रमांमुळे निसर्ग आणि इतिहासाचा संगम अनुभवण्याची संधी मिळणार आहे.
याशिवाय आदिवासी नृत्यकलेचे सादरीकरण हे महोत्सवाचे आणखी एक वैशिष्ट्य ठरणार आहे. मेळघाटातील पारंपरिक जीवनशैली, लोकसंस्कृती आणि कला यांचे दर्शन घडवून स्थानिक कलाकारांना व्यासपीठ उपलब्ध करून देण्याचा प्रयत्न प्रशासनाकडून करण्यात येत आहे. त्यामुळे हा महोत्सव केवळ मनोरंजनापुरता मर्यादित न राहता सांस्कृतिक देवाणघेवाणीचे महत्त्वपूर्ण माध्यम ठरणार आहे.
महोत्सव यशस्वी पार पाडण्यासाठी सर्व संबंधित विभागांनी आवश्यक ती पूर्वतयारी करावी आणि विविध माध्यमांद्वारे माहिती सर्वदूर पोहोचवावी, असे निर्देश जिल्हाधिकारी वर्षा मीना यांनी दिले. पर्यटकांच्या सोयीसुविधा, सुरक्षा व्यवस्था आणि वाहतूक नियोजनावर विशेष भर देण्यात येणार असल्याचेही त्यांनी सांगितले.
ऐतिहासिक वैभव आणि वनसमृद्धीने नटलेला नरनाळा किल्ला हा अकोला जिल्ह्याचा अभिमान असून, या महोत्सवाच्या निमित्ताने जिल्ह्याच्या पर्यटनाला चालना मिळेल, असा विश्वास प्रशासनाने व्यक्त केला आहे. जिल्ह्यातील नागरिकांनी तसेच बाहेरून येणाऱ्या पर्यटकांनी मोठ्या संख्येने सहभागी होऊन या अनोख्या महोत्सवाचा आनंद घ्यावा, असे आवाहनही जिल्हाधिकाऱ्यांनी केले आहे.
