वाशिम : ज्या बळीराजाच्या जिवावर उभ्या जगाचा गाडा चालतो, त्याच शेतकऱ्याला मारहाण करण्याची मग्रुरी दाखवणाऱ्या तालुका कृषी अधिकारी सचिन कांबळे याला अखेर प्रशासनाने दणका दिला आहे. वाशिम जिल्ह्यातील गोगरी येथील एका तरुण शेतकऱ्याला केलेल्या मारहाणीचे प्रकरण कृषी अधिकाऱ्याला चांगलेच भोवले असून, शासनाने त्यांच्या निलंबनाचे आदेश निर्गमित केले आहेत. या कारवाईमुळे मुजोर अधिकाऱ्यांचे धाबे दणाणले असून शेतकरी वर्गातून समाधान व्यक्त होत आहे.
मिळालेल्या माहितीनुसार, गोगरी येथील ऋषिकेश पवार या तरुण शेतकऱ्याने आपल्या शेतात फळबाग लागवड केली होती. या फळबागेच्या मस्टरचे पैसे गेल्या चार महिन्यांपासून रखडले होते. हक्काचे पैसे मिळत नसल्याने त्रस्त झालेल्या ऋषिकेशने जिल्हा अधीक्षक कृषी अधिकारी कार्यालयाकडे दाद मागितली होती. या तक्रारीचा राग मनात धरून तालुका कृषी अधिकारी सचिन कांबळे हे गोगरी गावात पोहोचले. तिथे त्यांना भेटण्यासाठी गेलेल्या ऋषिकेश पवार याला कोणतीही शहानिशा न करता, पदाचा गैरवापर करून कांबळे यांनी थेट मारहाण केली. लोकसेवकाचे काम समस्या सोडवणे असताना, उलट शेतकऱ्यावर हात उचलण्याच्या या प्रकाराने जिल्ह्यात संतापाची लाट उसळली.
शेतकऱ्याला मारहाण झाल्याची वार्ता वाऱ्यासारखी पसरताच जिल्ह्यातील शेतकरी बांधव आक्रमक झाले. अन्नदात्यावर झालेला हा अन्याय सहन न करण्याच्या निर्धाराने शेकडो शेतकऱ्यांनी जिल्हाधिकारी कार्यालयावर धडक दिली. केवळ निवेदन देऊन न थांबता, संतप्त शेतकऱ्यांनी जिल्हाधिकारी कार्यालयाच्या परिसरातच जिल्हाधिकाऱ्यांना घेराव घातला. “शेतकऱ्याचा अपमान करणाऱ्या अधिकाऱ्याला तात्काळ निलंबित करा,” अशी आक्रमक भूमिका यावेळी घेण्यात आली. लोकशाहीच्या मार्गाने दिलेल्या या लढ्यासमोर प्रशासनाला झुकावे लागले.
या घटनेचे गांभीर्य ओळखून जिल्हा प्रशासनाने तातडीने चौकशीचे आदेश दिले होते. कृषी विभागाच्या पथकाने घटनास्थळी भेट देऊन वस्तुस्थितीचा अहवाल वरिष्ठांकडे सोपवला. या अहवालात सचिन कांबळे यांचे वर्तन शासकीय शिस्तीला धरून नसून, ते लोकसेवकाच्या आचारसंहितेचे थेट उल्लंघन असल्याचे स्पष्ट झाले. या निष्कर्षाच्या आधारे शासन स्तरावरून कांबळे यांच्या निलंबनाचे आदेश धडकले.
“शेतकरी हा या देशाचा कणा आहे. त्याच्या समस्या जाणून घेण्याऐवजी त्याला मारहाण करणे हे लोकशाहीला काळिमा फासणारे आहे. या कारवाईने अशा मुजोर अधिकाऱ्यांना जरब बसेल,” अशा भावना यावेळी शेतकरी संघटनांच्या नेत्यांनी व्यक्त केल्या. प्रशासनाच्या या भूमिकेचे स्वागत होत असले, तरी भविष्यात कोणत्याही शेतकऱ्याला अशा वागणुकीला सामोरे जावे लागू नये, अशी अपेक्षा व्यक्त केली जात आहे.
सचिन कांबळे यांचे निलंबन झाले असले तरी, त्यांच्या विरोधातील चौकशी अद्याप थांबलेली नाही. विभागीय स्तरावर त्यांच्या कृत्याची सखोल चौकशी करण्यात येणार असून, त्या अहवालानंतर त्यांच्यावर कठोर कायदेशीर कारवाईची टांगती तलवार कायम आहे.
Related News
6 प्रेरणादायी कारणं: तृतीयपंथीय भावाने बहिणीसाठी स्वतःची प्रजनन शक्ती दिली
Mumbaiसह महाराष्ट्रातील 29 महापालिकेच्या रणसंग्रामाला आजपासून सुरुवात, अर्ज भरण्याची प्रक्रिया सुरू
मोबाईल म्हणजे Nokia ! मग असा कसा कोसळला जगातला नंबर 1 ब्रँड?
देऊळगाव माळीतील सर्जनाने 42 वर्षीय महिलेला दिले जीवनदान, पोटातून काढली 6 किलो वजनाची गाठ
जगप्रसिद्ध लोणार सरोवरात पाण्याची पातळी प्रचंड वाढली, कमळजा देवीचं मंदिर १५ फूट पाण्याखाली
‘ये रिश्ता क्या कहलाता है’ फेम अभिनेता अनूज सचदेववर बेदम मारहाण
बिहारचे मंत्री नितीन नबीन भाजपचे नवे राष्ट्रीय कार्यकारी अध्यक्ष
लग्नानंतर होईलच प्रेम: रम्या-वसुंधरा सज्ज, देशमुखांच्या संसारात मीठाचा खडा टाकण्यासाठी; हाती लागली पुराव्यांनी भरलेली बॅग
बिग बॉस 19 Finale: ‘मराठी कार्ड’वर स्फोटक वाद, प्रणित मोरेला सपोर्ट करणं शिल्पा शिरोडकरांना पडलं महागात
इम्रान खान यांच्यासाठी बहिणींची लढाई: उज्मा, रुबीना, अलीमा आणि राणी यांची कहाणी
वाडेगाव येथे धक्कादायक प्रकार उघड, संगणक चालकाची कबुली
