Success Story | IAS Priyanka Goel
केंद्रीय लोकसेवा आयोगाची (UPSC) परीक्षा उत्तीर्ण होऊन IAS अधिकारी होण्याचे स्वप्न देशातील लाखो तरुण उराशी बाळगून असतात. मात्र, कठोर परिश्रम, सातत्य आणि अपार संयम यांच्या बळावरच हे स्वप्न प्रत्यक्षात साकार होते. अशीच एक प्रेरणादायी यशोगाथा आहे IAS अधिकारी प्रियांका गोयल यांची.
दिल्लीतील मध्यमवर्गीय कुटुंबातून आलेल्या प्रियांका गोयल यांनी अपयशांना न जुमानता सहा वेळा प्रयत्न करून अखेर UPSC 2022 मध्ये यश मिळवले. त्यांनी ३६९वा अखिल भारतीय क्रमांक पटकावून प्रतिष्ठित सिव्हिल सेवा परीक्षेत घवघवीत यश संपादन केले.
Related News
कॅन्सरवर मात करून दहावीत 80.80% गुण; 1 पाय गमावलेल्या शर्वरीची प्रेरणादायी यशोगाथा
विद्यार्थ्यांसाठी प्रेरणादायी पर्व ! गुणगौरव सोहळा 2026 मध्ये सहभागी होण्याची सुवर्णसंधी
‘370 च्या बिर्याणी’ जोकवरून प्रणित मोरे वादात अडकला, प्रेक्षकांवरच्या टिप्पणीमुळे वाढला प्रचंड गोंधळ”
अंजनगाव-परतवाडा रोडवर मोठी कारवाई; पिस्तूल, काडतुसे व दोन तलवारी जप्त
‘Cocktail 2 ‘चा ट्रेलर पाहून चाहते नाराज; “सैफची जादूच मिसिंग”
अजित पवार विधानावरून नवा वाद, सुप्रिया सुळे यांनी सरकारला 7 प्रश्न !
“7 स्मार्ट गॅजेट्स: लाईटबिल कमी करण्याची जबरदस्त ट्रिक – वीजबचत करा अर्धे बिल!”
8 वर्षांचा संघर्ष वाया? UPSC मध्ये अपयशानंतर तरुणीची भावनिक कहाणी व्हायरल, लाखो जण झाले प्रेरित
“IPL 2026 Final: RCB vs GT चा ‘भव्य’ संघर्ष – शुभमन गिलचे 5 मोठे विधान आणि गुजरातच्या विजयाचा दमदार दावा!”
IPL 2026 मध्ये मुंबई इंडियन्सचा धक्कादायक पराभव ; हार्दिक पंड्याचे कर्णधारपद धोक्यात?
29 मेच्या चर्चेआधी जरांगे पाटलांची कडक भूमिका; उपोषण ठरलं फायनल
केनियातील भयंकर शाळा आग दुर्घटना: 16 विद्यार्थिनींचा मृत्यू, 79 जखमी; वसतिगृहातील भीषण अग्नितांडवाचा धक्कादायक अहवाल
शैक्षणिक प्रवास
प्रियांका गोयल यांनी दिल्लीच्या महाराजा अग्रसेन मॉडेल स्कूलमधून बारावी बोर्ड परीक्षेत ९३ टक्के गुण मिळवले. त्यानंतर दिल्ली विद्यापीठातील केशव महाविद्यालयातून (KMV) वाणिज्य शाखेत पदवी प्राप्त केली.
UPSC चा संघर्षमय प्रवास
२०१६ साली त्यांनी यूपीएससी परीक्षेची तयारी सुरू केली आणि २०१७ मध्ये पहिला प्रयत्न केला. मात्र यश मिळाले नाही. २०१८ मध्ये तर त्या केवळ ०.३ गुणांनी पूर्व परीक्षा उत्तीर्ण होण्यात अपयशी ठरल्या. एवढ्या जवळ येऊन अपयश आल्याने त्या खचल्या, पण त्यांनी हार मानली नाही.सततच्या अपयशातून शिकत त्यांनी आपली रणनीती बदलली आणि Public Administration (सार्वजनिक प्रशासन) हा वैकल्पिक विषय निवडला. या विषयात त्यांनी तब्बल २९२ गुण मिळवले.
कठोर परिश्रमांची कमाल
कौटुंबिक समस्यांमुळे मागील प्रयत्नांत अभ्यासात अडथळे आले होते. मात्र २०२२ च्या अखेरच्या प्रयत्नात त्यांनी अक्षरशः सर्वस्व झोकून दिले. परीक्षेपूर्वीच्या दोन महिन्यांत त्यांनी दिवसाचे १७ ते १८ तास अभ्यास केला.या जबरदस्त मेहनतीचे फळ मिळाले आणि त्यांना अखिल भारतीय ३६९ वा क्रमांक प्राप्त झाला.
DANICS कॅडरमध्ये निवड
UPSC यशानंतर प्रियांका गोयल यांची निवड DANICS कॅडरमध्ये (दिल्ली, अंदमान-निकोबार बेटे, लक्षद्वीप, दमण-दीव आणि दादरा-नगर हवेली) झाली असून, त्या सध्या प्रशासकीय सेवेत कार्यरत आहेत.
जिद्द व चिकाटीचा प्रेरक संदेश
प्रियांका गोयल यांचा प्रवास हेच सांगतो की,“अपयश आले तरी थांबू नका… प्रयत्न सुरू ठेवले तर यश निश्चित मिळते.”यूपीएससीसारख्या कठीण परीक्षेत सातत्याने प्रयत्न करून यश मिळवणाऱ्या प्रियांकाची ही कहाणी देशभरातील लाखो स्पर्धा परीक्षार्थींना प्रेरणा देणारी आहे.जिद्द, संयम आणि अथक मेहनतीचा मार्ग स्वीकारणाऱ्यांनाच अखेर यश गवसते, याचे जिवंत उदाहरण म्हणजे IAS अधिकारी प्रियांका गोयल.
