उरळ पोलीस स्टेशनच्या वार्षिक निरीक्षणासाठी जिल्हा पोलीस अधीक्षक अर्चित चांडक गुरुवारी उरळ येथे आले. पोलीस तपास, चालू प्रकरणांचा आढावा आणि स्टेशनच्या कामकाजाचा सखोल अभ्यास केल्यानंतर त्यांनी पोलिसांना जनतेशी अधिक समन्वय ठेवत विश्वास वृद्धीवर लक्ष केंद्रित करण्याचे निर्देश दिले.
जिल्हा पोलिस अधीक्षक चांडक म्हणाले, “पोलिसांवर जनतेचा विश्वास आहे. हा विश्वास वाढविण्याची जबाबदारी आपली आहे. सकारात्मक दृष्टीकोन, समन्वय आणि तात्काळ कृतीमुळे गुन्हे रोखता येतात. गावोगावी जाऊन नागरिकांच्या अडचणी जाणून त्यांच्या समस्या सोडविण्याचे प्रयत्न आवश्यक आहेत.”
तपास कौतुकास पात्र
निरीक्षणावेळी उरळ ठाणेदार पंकज कांबळे यांनी विविध तपास प्रकरणांची माहिती सादर केली. गावठी दारू अड्डे उध्वस्त करणे, अमली पदार्थांवर केलेली कारवाई, खुनाच्या गुन्ह्यातील आरोपींना अवघ्या अर्ध्या तासात अटक, तसेच इतर गंभीर प्रकरणांवरील तात्काळ प्रतिसाद या कार्याचे जिल्हा पोलीस अधीक्षकांनी कौतुक केले.
Related News
पातूरची रेणुका केकन UPSC पास, तालुक्याच्या इतिहासात पहिली मुलगी IAS बनली
निलंबित ग्रामसेवकाच्या बनावट सह्यांमुळे लाखो रुपयांचा अपहार!
हाता येथे मध्यरात्री घरफोडींचा धुमाकूळ; ८ ते ९ लाखांचा ऐवज लंपास , उरळ पोलिसांसमोर मोठे आव्हान, श्वान पथक व फॉरेन्सिक टीमकडून तपास सुरू
पातूर तालुक्यातील राहेर गावाचा विकास पाचपोर CRPF मध्ये निवडून देशसेवेचा गौरव
पातूर तालुक्यातील सावरगाव विहिरी सर्वेक्षणात घोटाळ्याची चौकशी सुरू
2026: EPFO पगार मर्यादा सुधारल्यास लाखो कर्मचाऱ्यांना लाभ
सस्ती महावितरण सबस्टेशनचा भोंगळ कारभार; शेतकऱ्यांचा उद्रेक सामाजिक कार्यकर्ते निलेश तोताराम कापकर यांचा आंदोलनाचा इशारा
अकोट मार्गावर राष्ट्रवादी काँग्रेसचा रास्ता रोको आंदोलन ; कामाची गती वाढवण्याचे आश्वासन
मित्राच्या वादात मध्यस्थी करताना जागीच मृत्यू
24 वर्षीय गौरव बावस्कारची निर्घृण हत्या
एकाच दिवशी 5 ठिकाणी गावठी दारू धंद्यावार कारवाई! 72,620 रुपयांचा मोठा मुद्देमाल जप्त
या उल्लेखनीय कामगिरीबद्दल ठाणेदार पंकज कांबळे, पीएसआय गणेश कायंदे, पीएसआय मुंढे तसेच तपासात सहकार्य करणारे अंमलदार व हवालदार यांचा सत्कार करण्यात आला.
निर्माणाधीन पोलीस स्टेशन इमारतीची पाहणी
जिल्हा पोलीस अधीक्षकांनी उरळ पोलीस स्टेशनच्या निर्माणाधीन इमारतीची पाहणी करून बांधकामाची माहिती घेतली. यावेळी बाळापुरचे उपविभागीय अधिकारी गजानन पडघन उपस्थित होते.
रांगोळीने सजले पोलीस स्टेशनचे प्रांगण
उरळ पोलीस स्टेशनच्या प्रांगणात जिल्हा पोलीस अधीक्षक अर्चित चांडक यांच्या हुबेहूब प्रतिमेची रांगोळी काढण्यात आली होती. रांगोळी पाहून चांडक यांनी तीचे छायाचित्र काढले. तसेच त्यांचे नाव आणि छायाचित्र असलेली आकर्षक फ्रेम देऊन ठाणेदार पंकज कांबळे यांनी त्यांचा सत्कार केला.
कार्यक्रमास पोलीस पाटील, शांतता समिती, तंटामुक्त समितीचे पदाधिकारी तसेच उरळ पोलीस स्टेशनचे सर्व अधिकारी व कर्मचारी मोठ्या संख्येने उपस्थित होते.
read also : https://ajinkyabharat.com/poor-management-of-affordable-mahadistribution-substation-farmers-protest/
