हात सुन्न होणे फक्त झोपेचे नाही; या गंभीर आजाराची शक्यता आहे!
रात्री झोपेत किंवा झोपेतून उठल्यावर हात सुन्न होणे अनेकांच्या बाबतीत घडते. बर्याचदा लोक हे केवळ झोपेच्या चुकीच्या पद्धतीमुळे होत असल्याचे मानतात, पण तज्ज्ञांच्या मते, ही लक्षणे गंभीर आजाराचे संकेत असू शकतात.
विशेषतः महिलांमध्ये हे अधिक सामान्य आहे. हात सुन्न होणे केवळ दुखापत किंवा चुकीच्या झोपेच्या स्थितीमुळे होत नाही, तर मज्जातंतूंच्या दबावामुळे किंवा न्यूरोलॉजिकल समस्यांमुळेही होऊ शकते.
मुख्य कारण:
तज्ज्ञ म्हणतात, रात्री हात सुन्न होण्यामागचे सर्वात सामान्य कारण म्हणजे कार्पल टनेल सिंड्रोम. या स्थितीत हातातील मध्यवर्ती मज्जातंतू दाबला जातो, ज्यामुळे हात सुन्न होणे, बोटांमध्ये मुंग्या येणे किंवा वेदना होणे यासारखी लक्षणे दिसतात.
जोखीम गट:
सतत मनगट वाकवून काम करणारे लोक (टायपिंग, दूध काढणे, स्वयंपाकात काम)
महिला, गर्भवती महिला
थायरॉईड, मधुमेह असलेले लोक
संधिवात किंवा वजन वाढलेले लोक
लक्षणे:
रात्री हात सुन्न होणे
बोटांमध्ये मुंग्या येणे
हात किंवा मनगटात वेदना
वस्तू पकडण्यात अडचण
घरी तपासण्याची सोपी पद्धत:
हात मागे, बोटे खाली व मनगट वरच्या दिशेने ठेवा. दोन मिनिटे अशी स्थिती ठेवल्यावर जर हात सुन्न झाले किंवा मुंग्या आल्या तर कार्पल टनेल सिंड्रोम असण्याची शक्यता आहे.
उपचार व प्रतिबंध:
डॉक्टरांचा सल्ला घेणे आवश्यक
दिवसा/रात्री मनगटावर पट्टी बांधणे
शारीरिक उपचार, औषधे, दाहक-विरोधी उपाय
हात व मनगटाला विश्रांती देणे, जड वस्तू टाळणे
योग्य स्थितीत झोपणे
तज्ज्ञांचा सल्ला:
हे लक्षण दिसताच ताबडतोब न्यूरोलॉजिस्टचा सल्ला घ्या, कारण सुरुवातीला योग्य उपचार केल्यास हे पूर्णपणे नियंत्रित करता येऊ शकते.
