नवी मुंबई विमानतळावर मराठी तरुणांना नोकऱ्या द्या, नाहीतर उड्डाणं थांबवू : मनसेचा इशारा
नवी मुंबई : महाराष्ट्र नवनिर्माण सेनेने (मनसे) नवी मुंबई आंतरराष्ट्रीय विमानतळावरील भरती प्रक्रियेबाबत तीव्र भूमिका घेतली आहे. पक्षाने स्पष्ट इशारा दिला आहे की, “विमानतळावरील नोकऱ्यांमध्ये मराठी युवकांना प्राधान्य न दिल्यास विमान उड्डाणच होऊ देणार नाही.”
मनसेचे प्रवक्ते गजानन काळे यांनी माध्यमांशी बोलताना सांगितले की, या प्रकल्पाच्या चार टर्मिनल्समधून सुमारे एक लाख रोजगारनिर्मिती होणार आहे. परंतु सध्याच्या भरती प्रक्रियेत स्थानिक तरुणांकडे दुर्लक्ष करण्यात येत असल्याचा गंभीर आरोप त्यांनी केला. “मातीच्या लेकरांना न्याय मिळावा, हीच मनसेची मागणी आहे,” असे काळे म्हणाले.
त्यांनी पुढे सांगितले की, माहितीच्या अधिकारातून मिळालेल्या माहितीनुसार, सीआयडीको आणि विमानतळ प्रशासनात ८० टक्के नोकऱ्या मराठी भाषिकांना देण्याचे धोरण निश्चित करण्यात आले होते. मात्र, सध्या हे धोरण पायदळी तुडवले जात असल्याचा आरोप त्यांनी केला.
Related News
मुलीच्या ट्विटने पक्षातच खळबळ! जितेंद्र आव्हाड म्हणाले, ‘दॅट्स ऑल, मॅटर एंड!’
भारताची व्यापार तूट 40 अब्ज डॉलरवर! रुपयाचे मूल्य घसरणार की सावरणार?
फडणवीसांनंतर शिंदेंनीही घेतली अमित शहांची भेट! पुण्यात बंद दाराआड बैठक; महाराष्ट्राच्या राजकारणात खळबळ!
‘जलसा’ बंगल्याबाहेर गोळीबाराचा कट उधळला; Amitabh Bachchan यांना लक्ष्य करण्याचा डाव, दोघांना अटक!
राष्ट्रवादीच्या विलिनीकरणावर पार्थ पवारांच्या बैठकीत काय घडलं? आमदार शरद मांडेकरांनी केला खुलासा!
खामगाव एमआयडीसीत हिरवाईचा नवा अध्याय! चिरायू पॉवरने साकारले ‘चिरायू वन’; 500 हून अधिक झाडांची लागवड
मंगरुळपीरमध्ये ‘अजिंक्यदीप’चा साहित्यिक जागर! दैनिक अजिंक्य भारतच्या दिवाळी विशेषांकाचे दिमाखात विमोचन
22 वर्षांनंतरही लोकनेते अरुणजी दिवेकर यांच्या कार्याचा तेजस्वी वारसा कायम; अकोल्यात भावपूर्ण अभिवादन!
दहिहंडा तीर्थक्षेत्राचा ऐतिहासिक विकास! 2.50 कोटींच्या सुविधांसह भव्य लोटस सेलिब्रेशन हॉलचे लोकार्पण
सातारा जिल्हा बँक निकालाचा मोठा राजकीय धमाका! भाजपला 9 , राष्ट्रवादीला 8 तर शिंदेसेनेला 4 जागा; सत्तेचे नवे समीकरण!
विमान रद्द केल्याने प्रवाशांचा संताप ! संतप्त प्रवाशांचे धावपट्टीवरच ठिय्या आंदोलन!
अकोला तील दुष्काळावर आमदार रणधीर सावरकरांचा ‘मास्टर प्लॅन’! पाणीटंचाईवर उपायांसाठी 5 महत्त्वाच्या मुद्द्यांवर आढावा बैठक
मनसेने सरकारवरही निशाणा साधत म्हटले की, नवी मुंबई विमानतळावरील एक लाख नोकऱ्या परराज्यातील स्थलांतरितांना देण्याचा प्रयत्न सुरू आहे. तसेच आगरी-कोळी समाजासाठी राबवण्यात येणारे कौशल्य विकास कार्यक्रमही सीआयडीकोने बंद केल्याचा आरोप करण्यात आला. या जमिनीचे मूळ रहिवासी असलेल्या आगरी-कोळी समाजाला नोकऱ्यांमध्ये योग्य स्थान देण्यात आलेले नाही, असा आरोपही मनसेने केला.
मनसे प्रवक्ते गजानन काळे यांनी इशारा दिला की, “मराठी युवकांना प्राधान्य न दिल्यास पक्ष मोठे आंदोलन उभारेल. राज ठाकरे यांच्या आदेशानंतर एकाही विमानाला या विमानतळावरून उड्डाण घेऊ दिले जाणार नाही.”
