शिमला: हिमाचल प्रदेशातील मंडीमधून भारतीय जनता पक्षाच्या तिकिटावर निवडणूक लढवत असलेली अभिनेत्री कंगना राणौत तिच्या विधानांमुळे सातत्यानं चर्चेत असते. त्यामुळे मंडी मतदारसंघ देशपातळीवर चर्चेत आला आहे. सध्या कंगनाकडून जोरदार प्रचार सुरू आहे. शनिवारी एका प्रचारसभेत बोलताना कंगनानं केलेलं विधान चर्चेचा विषय ठरत आहे. विरोधी पक्षातील नेत्यांना लक्ष्य करताना त्यांनी काँग्रेस नेते राहुल गांधींवर टीका केली. त्यानंतर त्यांनी तेजस्वी सूर्या यांचं नाव घेतलं. तेजस्वी सूर्या मासळी खात असल्याचं सांगितलं. तेजस्वी सूर्या भाजपचे नेते आहेत. ते कर्नाटकमधून लोकसभेवर निवडून गेले आहेत.
मंडीमध्ये येणाऱ्या सरकाघाट विधानसभा क्षेत्रात प्रचार करत असताना कंगनानं जनसभेला संबोधित केलं. ‘त्यांना स्वत:लाच माहीत नाही ते कुठे येताहेत, कुठे जाताहेत. अशा प्रकारे बिघडलेल्या शहजाद्यांचा एक पक्ष आहे. मग ते राहुल गांधी असोत, ज्यांना चंद्रावर बटाट्याचं पीक घ्यायचंय किंवा मग तेजस्वी सूर्या असोत, जे गुंडगिरी करतात. मासे दाखवून दाखवून खातात,’ असं कंगना म्हणाली.
बोलण्याच्या ओघात स्वपक्षीय नेत्यावर टीका करणाऱ्या कंगनानं पुढे अनेकांना लक्ष्य केलं. ‘अखिलेश यादव काहीतरी नको ते नको ते बोलत असतात. आमच्या इथेही एक शहजादे आहेत. त्यांना भारतात कोणीही ओळखत नाही. त्यांची ओळख केवळ हिमाचल प्रदेशात आहे. आता त्यांनी काही विधानं केली आहेत. ते म्हणतात ही महिला (कंगना) अपवित्र आहे. पण मी तर पद्मश्री पुरस्कार विजेती आहे. पण तरीही ते मला अपवित्र म्हणतात. मला इथून जाण्यास सांगतात. ही बाब चिंताजनक, निंदनीय आहे,’ अशा शब्दांत कंगनानं विरोधकांवर टीका केली.
Related News
1000 पेक्षा अधिक फॉलोअर्स कमी, गिरीजा ओक म्हणाली- सर्वांना खुश ठेवता येत नाही
डॉन 3 वादानंतर रणवीर सिंह अडचणीत; कंगना राणौतची स्पष्ट प्रतिक्रिया
सिंधू जल करार स्थगितीनंतर भारताचे आणखी एक शक्तिशाली पाऊल, 2029 पर्यंत पूर्ण होणार प्रकल्प
कर्नाटक CM राजीनामा 2026: सिद्धरमय्या सोडले मुख्यमंत्रीपद, डीके शिवकुमार नवीन मुख्यमंत्री
वयावरून ट्रोल करणाऱ्यांना कंगनाचं सडेतोड उत्तर! कान्स 2026 मध्ये ऐश्वर्या रायच्या लूकची जगभर चर्चा
भीषण बस अपघात: चालकाला हार्ट अटॅक, 24 प्रवासी जखमी – हिमाचल हायवे दुर्घटना 2026
4 तासांचा हवेत थरार: फ्लाइट उशिरा उतरल्याने कुटुंबीयांचा संता
दोन सख्ख्या भावांच्या पत्नीला पुत्रप्राप्ती; हिमाचलमधील अनोखी परंपरा पुन्हा चर्चेत, परदेशी पित्याची भावनिक प्रतिक्रिया व्हायरल
IIT बाबा अभय सिंह यांचा संन्यासापासून संसाराकडे प्रवास: लग्नाची अनपेक्षित कहाणी
हिमाचल प्रदेश : भारताचा ‘फ्रूट बाऊल’ – सफरचंद आणि चेरीची राजधानी
मुख्यमंत्री सिद्धारमयांचा मोठा निर्णय : कर्नाटकमध्ये 16 वर्षांखालील मुलांसाठी सोशल मीडिया बंद!
कंगनाला राष्ट्रीय जनता दलाचे नेते आणि बिहारचे माजी उपमुख्यमंत्री तेजस्वी यादव यांना लक्ष्य करायचं होतं. त्यांनी काही दिवसांपूर्वीच निवडणूक प्रचारादरम्यान मासे खात असतानाच व्हिडीओ शेअर केला होता. चैत्र नवरात्रीच्या आदल्या दिवशी त्यांनी व्हिडीओ शेअर केला होता. त्यावरुन त्यांच्यावर टीका झाली. पण कंगना बोलण्याच्या ओघात चुकल्या आणि त्यांनी तेजस्वी यादव यांच्या जागी तेजस्वी सूर्या यांचं नाव घेतलं.
