भुवनेश्वर : ओडिशातील लोकसभेच्या चौथ्या टप्प्यात मतदान होणाऱ्या चार जागांसाठी १३ मे रोजी होणाऱ्या निवडणूक रिंगणातील ३७ पैकी १७ उमेदवार कोट्यधीश आहेत, असे असोसिएशन फॉर डेमोक्रॅटिक रिफॉर्म्स (एडीआर)च्या अहवालात नमूद करण्यात आले आहे. नबरंगपूर, बेरहामपूर, कोरापुट आणि कालाहंडी लोकसभा मतदारसंघांसाठी रिंगणात एकूण ३७ उमेदवार असून, त्यापैकी १७ (४६ टक्के) उमेदवारांनी एक कोटी रुपयांपेक्षा अधिक संपत्ती असल्याचे जाहीर केले आहे, असे ‘एडीआर’च्या अहवालात म्हटले आहे.
सर्वात श्रीमंत उमेदवार
कालाहंडी मतदारसंघातील भाजप उमेदवार मालविका देवी यांची ४१.८९ कोटींची संपत्ती असून, त्या सर्वात श्रीमंत उमेदवार आहेत. बेरहामपूर मतदारसंघातील अपक्ष उमेदवार व्ही. चंद्रशेखर यांची २८.७० कोटी आणि भारतीय विकास परिषदेचे बेरहामपूरचे उमेदवार राजेंद्र दलाबेहरा यांची १०.३० कोटींची संपत्ती आहे.
Related News
3 मोठे संकेत! राजन साळवींबाबत भाजप आमदार प्रमोद जठारांची कौतुकाची पोस्ट; कोकणाच्या राजकारणात चर्चांना उधाण
3 राज्यसभा जागांसाठी पोटनिवडणुका जाहीर; 24 जुलैला मतदान, जाणून घ्या संपूर्ण वेळापत्रक
डॉ. श्यामा प्रसाद मुखर्जी यांच्या 125 व्या जयंतीनिमित्त PM मोदींचे मोठे विधान; कलम 370 रद्द करणे हीच खरी श्रद्धांजली
धक्कादायक! ‘थोडा भ्रष्टाचार झालाच पाहिजे’; शिंदे शिवसेनेच्या उपनगराध्यक्षाच्या 2 वादग्रस्त वक्तव्यांनी राजकीय वाद पेटला
Parliament Monsoon Session 2026: २५ दिवसांच्या अधिवेशनात मोठा राजकीय संघर्ष; पक्षफुटी, १३१वे विधेयक आणि महत्त्वाच्या मुद्द्यांवर निर्णायक चर्चा
केंद्रीय मंत्रिमंडळ विस्तारात 2 मंत्री भाजप कार्यालयात; महाराष्ट्राला 3 मंत्रिपदे? 7 मोठ्या चर्चांचा आढावा
पंजाब काँग्रेसमध्ये खळबळ; अमित शहांच्या भेटीनंतर खासदार रंधावांबाबत चर्चांना उधाण , 5 घडामोडी
मोदी सरकारच्या मंत्रिमंडळात मोठा फेरबदल? अमित शाह उपपंतप्रधानपदी विराजमान होणार असल्याची चर्चा , 7 मोठे संकेत!
सुधीर मुनगंटीवारांचा उपरोधिक हल्ला, चंद्रपूर भाजपमधील अंतर्गत संघर्ष अधिक तीव्र ; 5 मोठे संकेत!
नितीन गडकरींना ‘सुपर’ जबाबदारी, महाराष्ट्रातील 3 खासदारांना मंत्रीपदाची जोरदार चर्चा
सर्वात गरीब उमेदवार
कोरापुट येथील एसयूसीआय (सी) पक्षाच्या उमेदवार प्रमिला पुजारी या सर्वात गरीब उमेदवार आहेत. त्यांच्याकडे केवळ २० हजार ६२५ रुपयांची संपत्ती आहे. बेरहामपूर येथील भाजप उमेदवार प्रदीप कुमार पाणिग्रही यांच्याकडे सर्वाधिक ३.८२ कोटींची संपत्ती आहे.
उमेदवारांपैकी दहा म्हणजे २७ टक्के जणांचे वय २५ ते ४० वर्षादरम्यान
– २३ जण म्हणजे ६२ टक्के उमेदवार ४१ ते ६० वयोगटातील
– चार जणांचे (११ टक्के) वय ६१ ते ७० वर्षादरम्यान
– सात (१९ टक्के) उमेदवारांचे त्यांच्याविरुद्ध फौजदारी खटले प्रलंबित
– उमेदवारांपैकी १४ म्हणजे ३८ टक्के जणांची शैक्षणिक पात्रता पाचवी ते बारावी उत्तीर्ण
– २२ म्हणजे ५९ टक्के उमेदवार पदवीधर, तर एका उमेदवाराने स्वतःला केवळ साक्षर असल्याचे जाहीर
– चौथ्या टप्प्यातील एकूण ३७ पैकी सात उमेदवार महिला
