पुणे : माढा लोकसभा मतदारसंघात राष्ट्रवादी काँग्रेसऐवजी (शरदचंद्र पवार पक्ष) महायुतीच्या उमेदवाराला पाठिंबा दिल्याच्या पार्श्वभूमीवर पंढरपुरातील श्री विठ्ठल सहकारी साखर कारखान्याला जप्तीच्या कारवाईतून मोठा दिलासा मिळाला आहे. राज्य सहकारी बँकेने थकबाकीच्या कारणावरून पंढरपुरातील श्री विठ्ठल सहकारी साखर कारखान्यावर कारवाई केली. ही कारवाई बेकायदा आणि लहरीपणाची असल्याची टिप्पणी करीत कारखान्याची गोदामे सीलमुक्त करून पाच मेपर्यंत त्यांचा ताबा पुन्हा कारखान्याकडे देण्याचे आदेश पुण्याच्या कर्ज वसुली लवादाने दिले.
माढ्यात विद्यमान खासदार आणि महायुतीचे उमेदवार रणजितसिंह नाईक-निंबाळकर यांच्याविरोधात राष्ट्रवादी काँग्रेसने (शरदचंद्र पवार पक्ष) धैर्यशील मोहिते पाटील यांना उतरवले आहे. मोहिते पाटील यांना श्री विठ्ठल सहकारी साखर कारखान्याचे अध्यक्ष अभिजित पाटील यांनी पाठिंबा जाहीर केला होता. या पार्श्वभूमीवर शिखर बँकेने चारशे कोटी रुपयांच्या थकबाकीचे कारण देऊन अभिजित पाटील यांच्या कारखान्याची तीन गोदामे सील केली. त्यामध्ये सुमारे १४ हजार क्विंटल साखर अडकून पडली होती. या कारवाईनंतर अभिजित पाटील यांनी उपमुख्यमंत्री देवेंद्र फडणवीस यांची भेट घेऊन लगेचच माढा आणि सोलापूर मतदारसंघातील महायुतीच्या उमेदवाराला पाठिंबा जाहीर केला.
या कारवाईच्या विरोधात कारखान्याने कर्ज वसुली लवादाकडे धाव घेऊन अंतरिम दिलासा देण्याची मागणी केली. त्यावर शिखर बँकेने हा अर्ज फेटाळण्याची मागणी केली. कारखान्याकडे मोठी थकबाकी असून, ती परत करण्याचे निर्देश कारखान्याला द्यावेत, अशी मागणी बँकेने केली. लवादाने दोन्ही बाजू ऐकून घेतल्या. वास्तविक, हा वाद न्यायप्रविष्ट असून, कोणतीही प्रतिबंधात्मक कारवाई केली जाणार नाही असे बँकेच्या वकिलांनी मागील तारखेला सांगितले होते. तरीही बँकेने कारखान्याचे साखर साठविलेले तीन गोदाम सील केले. ही कृती अयोग्य आणि लहरीपणाची आहे, असे नमूद करून गोदामे सीलमुक्त करून पाच मेपर्यंत त्यांचा ताबा पुन्हा कारखान्याकडे देण्याचे आदेश दिले. या राजकीय घडामोडींमुळे माढ्यातील निवडणुकीत आणखी रंगत भरली आहे.
Related News
अजितदादांच्या मृत्यूनंतर राजकारण तापलं; तटकरेंचा मोठा इशारा
अशोक खरात प्रकरण: विजय वडेट्टीवारांचा खळबळजनक दावा – “एन्काऊंटर होऊ शकतो!”
अशोक खरात प्रकरणात मोठा ट्विस्ट; रुपाली चाकणकरांच्या अटकेची मागणी तीव्र
“अजितदादांवर काळी जादू?” अशोक खरात प्रकरणात राष्ट्रवादी नेत्याचा स्फोटक दावा
भाजपाला मोठा धक्का! छत्रपती संभाजीनगर जिल्हा परिषदेवर शिवसेनेच्या दोन्ही गटांची नजर
लक्ष्मण हाकेंकडून बारामती पोटनिवडणुकीची तयारी; युगेंद्र पवार म्हणाले, “लोकशाहीत प्रत्येकाला हक्क आहे”
पार्थ पवार राज्यसभेत पदार्पण करणार, सुप्रिया सुळे यांचा मोलाचा सल्ला
“शरद पवार राज्यसभा निवडणूक 2026: काँग्रेसची निर्णायक अट आणि महाविकास आघाडीचा शक्तिशाली पाऊल”
NCP Merger Update: जयंत पाटील यांनी राष्ट्रवादी विलिनीकरणाला दिला पूर्णविराम – जाणून घ्या 7 मुख्य कारणे
राज्यसभा निवडणुकीसाठी महाविकास आघाडीचा उमेदवार ठरला; शरद पवार यांची नावाची घोषणा
Parth Pawar News : 11 Shocking Developments in NCP Politics – पार्थ पवार आणि राष्ट्रवादीमध्ये मोठी राजकीय चर्चा
