बहुतांश लोक बाजारात फळे खरेदी करताना पिकलेली फळेच निवडतात. कारण त्यांचा रंग, चव आणि आकर्षक दिसणं याकडे आपला कल अधिक असतो. मात्र, तज्ज्ञांच्या मते ही सवय मोठी चूक ठरू शकते. पिकलेल्या फळांपेक्षा कच्ची फळे आपल्या आरोग्यासाठी जास्त फायदेशीर असल्याचे समोर आले आहे.
कच्च्या फळांमध्ये नैसर्गिक जीवनसत्वे, फायबर आणि अँटीऑक्सिडंट्स अधिक प्रमाणात टिकून राहतात. त्यामुळे ती पचनास मदत करतात, वजन कमी करण्यासाठी उपयुक्त ठरतात आणि शरीरातील विषारी घटक बाहेर टाकण्यास मदत करतात.
अनेकांची सकाळची सुरुवात फळांनी होते. पण पिकलेली गोडसर फळे खाल्ल्यामुळे साखरेचं प्रमाण जास्त मिळतं, ज्याचा परिणाम वजनवाढीवर होतो. त्याऐवजी कच्ची फळे खाल्ल्यास शरीराला आवश्यक ताजेपणा आणि उर्जा मिळते.
वजन कमी करू इच्छिणाऱ्यांसाठी कच्ची फळे सर्वोत्तम पर्याय आहेत.
पचनाच्या समस्यांनी त्रस्त असणाऱ्यांना पचन सुधारण्यासाठी ही फळे मदत करतात.
रोगप्रतिकारशक्ती वाढवण्यासाठी कच्च्या फळांचे सेवन फायदेशीर ठरते.
पुढच्या वेळी बाजारात फळे खरेदीसाठी गेल्यावर पिकलेली नव्हे तर कच्ची फळे निवडा. कारण हीच तुमच्या आरोग्यासाठी अधिक उपयुक्त ठरतात.
read also :https://ajinkyabharat.com/britain-daunwar-trumpcha-motha-revealed/
