धार्मिक स्थळांवरील अनाधिकृत भोंगे हटविणार
मंगरुळपीर पो.स्टे.मध्ये समन्वय बैठक
फुलचंद भगत
वाशिम:-मंगरुळपीर शहरातील धार्मिक स्थळांवरील अनाधिकृत भोंगे हटविले जाणार असून,
पोलिस आयुक्त संदीप कर्णिक यांच्या आदेशानुसार, सर्व पोलिस ठाण्यांमध्ये समन्वय बैठका घेतल्या जात आहेत.
याबाबतची नुकतीच बैठक मंगरुळपीर पोलिस स्टेशनमध्ये ठाणेदार कीशोर शेळके
आणी सर्व धार्मिक स्थळांचे विश्वस्त यांच्या ऊपस्थीतीत पोलिस ठाण्यामध्ये पार पडली.
बैठकीस ठाणेदार यांनी मुस्लिम धार्मिक नेत्यांसोबत बैठक घेत, त्यांना याबाबतची माहिती दिली.
यावेळी सर्व मशिदींचे मौलाना, विश्वस्त आणि सामाजिक कार्यकर्ते उपस्थित होते.
बैठकीत परवाने, अनधिकृत वापर आणि वापरकर्त्यांना येणाऱ्या कायदेशीर समस्या यासारख्या मुद्द्यांवर चर्चा झाली.
परवानगीशिवाय धार्मिक स्थळांवर भोंगे वाजवणे कायदेशीररित्या चुकीचे आहे, असे पोलिसांनी स्पष्ट केले.
तसेच बेकायदेशीरपणे भोंगे वापरणाऱ्यांवर कायदेशीर कारवाई केली जाणार असल्याचा इशाराही पोलिसांनी याप्रसंगी दिला.
…….तर भोंगे जप्त होणार
कुठल्याही प्रार्थनास्थळावर विनापरवानगी भोंगे लावल्यास ते जप्त केले जातील.
भोंगे रात्री १० ते सकाळी ६ वाजेपर्यंत बंद असले पाहिजेत. तसेच सकाळी ६ ते रात्री १० या काळात
सकाळी ५५ डेसिबल आणि रात्री ४५ डेसिबल आवाजाची मर्यादा निश्चित करण्यात आली आहे.
या नियमांचे सर्वांनाच पालन करावे लागणार आहेत.असेही स्पष्ट करण्यात आले.
प्रतिनीधी:-फुलचंद भगत
मंगरुळपीर/वाशिम
मो.8459273206
