निंबा-अंदुरा सर्कलअंतर्गत मोखा–जानोरी मेड गट ग्रामपंचायतीत गेल्या अनेक महिन्यांपासून प्रशासकीय गोंधळाचे चित्र दिसून येत आहे. फेब्रुवारी महिन्यापासून उपसरपंच पद रिक्त असून आजपर्यंत संबंधित पदभरतीची कोणतीही प्रक्रिया सुरु झालेली नाही. मोखा ग्रामपंचायतीत सात + एक असे एकूण आठ सदस्य असून त्यापैकी सहा महिला आणि दोन पुरुष सदस्य आहेत. मात्र, पंचायत कारभारात पुढाकाराचा अभाव आणि अंतर्गत विसंवादामुळे गावातील मूलभूत कामे ठप्प झाल्याची परिस्थिती आहे.
ग्रामसभा होत नाही, मूलभूत सुविधांची दुरवस्था
ग्रामपंचायतीत वेळेवर ग्रामसभा न घेण्यामुळे गावातील विकासकामांबाबत निर्णयप्रक्रिया प्रलंबित आहे. कचरापेटींचे वितरण झाले असले तरी घंटागाडी फक्त एक आणि गावे दोन असल्याने कचरा व्यवस्थापनाची समस्या कायम आहे. हा प्रश्न गेल्या दीड वर्षांपासून नागरिकांच्या नाराजीचा केंद्रबिंदू ठरला आहे.
नाली साफसफाईचा प्रश्न गंभीर – आरोग्य धोक्यात
मोखा व जानोरीमधील नालींची साफसफाई महिनोनमहिने रखडली असून वारंवार तक्रारी करूनही काम होत नसल्याची माहिती नागरिकांनी दिली आहे.
काजी खेळ प्राथमिक आरोग्य उपकेंद्राचे डॉक्टर शेख, कर्मचारी जरांगे, आशा स्वयंसेविका करुणाबाई परघर मोर यांनीही ग्रामपंचायत व संबंधित अधिकाऱ्यांना वारंवार सूचना दिल्याचे समजते. तरीदेखील नाली साफसफाईचे काम सुरु झाले नाही.
Related News
मुख्य रस्त्यात घरकुल बांधणीमुळे नागरिकांमध्ये नाराजी – पिंपळखुटा प्रकार
शेरवाडी ग्रामपंचायतीवर २४ लाखांच्या कामात भ्रष्टाचाराचे गंभीर आरोप
रंभापुर फाटा ते अकोट रोडची दुरावस्था : नागरिकांची नाराजी
धर्माधिकारी प्रतिष्ठानच्या वतीने अकोला शहरात स्वच्छता अभियान
परभणीत ठाकरेंच्या शिवसेनेचे सय्यद इकबाल महापौर, तर काँग्रेसचा उपमहापौर
जानोरीमेड येथे निकृष्ट दर्जाचा रस्ता; दोन वर्षांतच उघड झाले कामाचे ‘तीन तेरा’
पुंडा गाव बनले प्रभारी कर्मचाऱ्यांचे ‘माहेरघर’; ग्रामसेवक, तलाठी, आरोग्य सेविका प्रभारी – पोलिस पाटील, कोतवाल पदे रिक्त
गट ग्रामपंचायत वारी पिंपरखेडकडून जलशुद्धीकरण केंद्रांना नोटीस; अवैध बांधकामाचा धोका
अकोला शहरात पतंग उडवताना युवक गंभीर जखमी
2026 Mumbai महापालिका निवडणूक: विकासावर चर्चा न करता भाजपवर टीका, संजय राऊतांचा जोरदार चॅलेंज
कोल्हापूरी बंधाऱ्याचे गेट फोडले; मोठ्या प्रमाणात पाण्याचा विसर्ग, नागरिकांमध्ये तीव्र संताप
स्थानिक नागरिक देवराव परघर मोर यांनी सांगितले की,
“कर्मचारी जरांगे यांनी ग्रामसेवक, सरपंच व इतर संबंधित कर्मचाऱ्यांना नाली साफ करण्याबाबत आग्रहपूर्वक सांगितले. काम करण्यास त्यांनी होकारही दिला, मात्र अद्याप प्रत्यक्ष काम सुरू झालेले नाही.”
नागरिकांची मागणी :
रिक्त उपसरपंच पदाची तात्काळ भरती करावी
नाली साफसफाई तातडीने करून दोन्ही गावात स्वच्छता राखावी
ग्रामपंचायतने कारभार सुरळीत करण्यासाठी प्रभावी पावले उचलावीत
मोखा–जानोरी परिसरातील नागरिकांमध्ये प्रशासनाविरोधात नाराजी वाढत असून ग्रामपंचायतीने याकडे तातडीने लक्ष देण्याची गरज आहे.
