विद्यार्थ्यांमध्ये विज्ञान विषयाबद्दल गोडी निर्माण व्हावी, तसेच विविध वैज्ञानिक प्रतिकृती प्रत्यक्ष अनुभवता याव्यात, यासाठी सर सी. व्ही. रमन फिरते विज्ञान प्रदर्शन, रमन विज्ञान केंद्र आणि तारामंडळ नागपूरचे फिरते विज्ञान प्रदर्शन मुर्तिजापूर हायस्कूलमध्ये आयोजित करण्यात आले आहे. हा कार्यक्रम दिनांक 12 व 13 नोव्हेंबर रोजी शालेय प्रांगणात पाहायला मिळणार आहे.
या विज्ञान प्रदर्शनाचे आज दिनांक 12 नोव्हेंबर रोजी थाटात उद्घाटन करण्यात आले. कार्यक्रमाचे अध्यक्ष म्हणून अकोला एज्युकेशन सोसायटीचे संचालक विनायकराव वारे सर, तसेच प्रमुख अतिथी म्हणून मोनाली सौंदळे , विज्ञान समन्वयक बीआरसी मुर्तिजापूर उपस्थित होते. प्रमुख उपस्थिती म्हणून शाळेचे मुख्याध्यापक अनिल देविकर आणि शाळेचे पर्यवेक्षक दिनेश बकाले ,तसेच ज्येष्ठ विज्ञान शिक्षक मनोज दीक्षित उपस्थित होते.
विज्ञान केंद्र नागपूरकडून शुभम अजमिरे (टीम लीडर) आणि सावन राठोड (टेक्निशियन) या प्रकल्पासाठी मुख्य उपस्थित होते. विज्ञान प्रदर्शनाचा उद्देश म्हणजे मुर्तिजापूर तालुक्यातील तसेच शहरातील विद्यार्थ्यांना विज्ञान क्षेत्रातील नव्या शोधांशी प्रत्यक्ष ओळख करून देणे, आणि त्यांना विज्ञान विषयात आवड निर्माण करणे.
Related News
दुर्गुणांच्या होळीचा संकल्प; जय बजरंग विद्यालय चान्नी येथे स्काऊट-गाईडचा अनोखा उपक्रम
‘इको-फ्रेंडली’ होळी आणि ‘सशस्त्र सेना ध्वज दिन’ निधी संकलन उपक्रम उत्साहात संपन्न
बोर्डी येथे नागास्वामी इंग्लिश स्कूलमध्ये बाल आनंद मेळावा उत्साहात संपन्न
परशुराम नाईक विद्यालयाची विदर्भस्तरीय विज्ञान प्रदर्शनासाठी निवड; विद्यार्थिनींच्या पर्यावरणपूरक प्रकल्पाचे कौतुक
श्री शिवाजी विद्यालयात डॉ. भाऊसाहेब देशमुख जयंती उत्सवाचे आयोजन
विजय पजई यांचा “हेल्थ इज वेल्थ” प्रोजेक्ट जिल्हास्तरीय विज्ञान प्रदर्शनासाठी प्रथम क्रमांकाने निवडला
किड्स पॅराडाईज स्कूलच्या ‘मंत्रीमंडळा’ने घेतली जबाबदारीची शपथ
पातुर तहसील कार्यालयात अचानक ड्रोन पडला, संपूर्ण जिल्ह्यात चर्चेला उधाण
नोव्हेंबर 2025 मध्ये टाटा मोटर्सच्या कार-एसयूव्ही विक्रीत 25% वाढ
या संपूर्ण कार्यक्रमाचे सूत्रसंचालन अविनाश शेगोकार यांनी केले, तर आभार प्रदर्शन चंद्रकांत राठोड यांनी सादर केले. कार्यक्रम यशस्वी करण्यासाठी शाळेतील सर्व शिक्षक व शिक्षकेतर कर्मचार्यांचे सहकार्य लाभले.
विज्ञान प्रदर्शनात विद्यार्थ्यांना विविध प्रयोग, वैज्ञानिक प्रतिकृती आणि तारामंडळाबद्दल माहिती पाहता येणार आहे, ज्यामुळे विद्यार्थ्यांना विज्ञान क्षेत्राची खरी झलक अनुभवता येईल. विज्ञान केंद्राने विद्यार्थ्यांना या प्रदर्शनाचा लाभ घेण्याचे आवाहन केले आहे.
