बाळापूर, 21 फेब्रुवारी 2026 – बाळापूर शहरातील ड्रीम स्वेअर अकॅडमीच्या वतीने छत्रपती शिवाजी महाराज जयंती व संविधान गुण गौरव परीक्षा – 2025 च्या बक्षिस वितरण समारंभाचे आयोजन करण्यात आले.
बाळापूर नगर परिषद उपाध्यक्ष सुरेंद्र धोपटे म्हणाले की, आधुनिक लोकशाही व्यवस्थेसमोर भ्रष्टाचार, असमानता आणि प्रशासकीय दिरंगाईसारखी आव्हाने उभी आहेत. अशा परिस्थितीत, छत्रपती शिवाजी महाराजांनी ३५० वर्षांपूर्वी राबवलेली राज्यकारभाराची पद्धत आजही मार्गदर्शक ठरू शकते. त्यांनी सत्ता गाजवण्याऐवजी रयतेचे हित केंद्रस्थानी ठेवून आखलेली धोरणे ही खऱ्या अर्थाने लोकशाही बळकट करण्याचा पाया ठरू शकतात.
कार्यक्रमाचे अध्यक्ष भास्कर भोजने, फुले-आंबेडकर विद्वत सभेचे राज्य समन्वयक, यांनी छत्रपती शिवाजी महाराजांचे ऐतिहासिक योगदान आणि रयतेसाठी केलेल्या पराक्रमांचे महत्त्व अधोरेखित केले. त्यांनी सांगितले की, महाराजांनी जातीच्या पलिकडे जाऊन राज्यकारभार चालविला; आज देशात जातीच्या नावाने जनतेला भडकवण्याचे काम केले जात आहे. लोकशाही टिकवायची असेल, तर संविधानाच्या बाजूने उभे राहावे लागेल.
Related News
353व्या शिवराज्याभिषेक सोहळ्याचा भव्य जल्लोष; रायगडावर शिवभक्तांचा अभूतपूर्व महासागर
धक्कादायक! BAMU चे 102 निकाल रखडले; 2.81 लाख विद्यार्थ्यांचे भविष्य संकटात
वादळी वाऱ्याचा भीषण तडाखा: 5 गावांतील शेकडो कुटुंबांचे मोठे नुकसान, घरांवरील टीन उडाले; अनुदानाची तीव्र मागणी
1.39 लाख विद्यार्थ्यांचा मोठा कल! 10 वी नंतर Polytechnic-ITI ला विक्रमी पसंती
MU Admission 2026: दुसऱ्या गुणवत्ता यादीत मोठा दिलासा! विज्ञान शाखेच्या कटऑफमध्ये तब्बल 9% घसरण
MU CDOE Admission 2026: 31 जुलैपर्यंत अर्जाची सुवर्णसंधी! मुंबई विद्यापीठाच्या दूरस्थ शिक्षणात दुहेरी पदवीसह 15+ अभ्यासक्रमांना थेट प्रवेश
6 वर्षांनंतर रोहित पवारांना ‘ही’ मोठी जबाबदारी, रयत शिक्षण संस्थेत नवा अध्याय
स्फोटक आरोप: हप्तेखोरीमुळे कारवाई शून्य? अन्नपुरवठा अधिकाऱ्यांवर नागरिक संतप्त
ग्रामीण भागातील विद्यार्थ्यांशी साधला संवाद ; अर्थशास्त्र विभागाची जिल्हा परिषद शाळेला शैक्षणिक भेट
हाता येथे मध्यरात्री घरफोडींचा धुमाकूळ; ८ ते ९ लाखांचा ऐवज लंपास , उरळ पोलिसांसमोर मोठे आव्हान, श्वान पथक व फॉरेन्सिक टीमकडून तपास सुरू
जिल्हा परिषद प्राथमिक शाळा कळंबा खुर्द येथे आनंद मेळावा उत्साहात साजरा
ज्येष्ठ सामाजिक कार्यकर्ते डाॅ. मोहम्मद फय्याज हुसैन यांनी विद्यार्थ्यांना सातत्याने परिश्रम घेण्याचे महत्त्व सांगितले आणि अकॅडमीला शैक्षणिक सुविधा उपलब्ध करून देण्याच्या कामासाठी प्रोत्साहन दिले. नगरसेवक संजय उमाळे व ॲड. प्रशांत उमाळे यांचाही समारंभात सहभाग होता.
समारंभाचे सूत्रसंचालन व प्रास्ताविक ड्रीम स्वेअर अकॅडमीचे संचालक प्रा. विश्वजीत वानखडे यांनी केले, तर आभार प्रा. उमेश जाधव यांनी मानले. यावेळी विद्यार्थ्यांना संविधान गुण गौरव परीक्षा – 2025 मध्ये सहभागी झाल्याबद्दल प्रमाणपत्र वितरित करण्यात आले.
समारंभात रोशन दामोदर, निखिल उमाळे, प्रेम तायडे, विजय उमाळे, संजना उमाळे, रोहिणी राऊत, प्रतीक्षा उमाळे, प्रज्ञा तायडे, अश्मिरा शेख, पूर्वा पोते यांसह अनेक विद्यार्थी उपस्थित होते.
