बोरगाव मंजू :
स्थानिक पंचक्रोशीतील भाविकांचे श्रद्धास्थान असलेल्या श्री संत गजानन महाराज मंदिर सेवा समिती, लक्ष्मी नगर, बोरगाव मंजू यांच्या वतीने दरवर्षी धार्मिक तसेच सामाजिक उपक्रम मोठ्या भक्तिभावाने राबविले जातात. याच परंपरेला अनुसरून यंदाही बोरगाव मंजू ते शेगाव या मार्गावर संत गजानन महाराजांचा पायदळ पालखी सोहळा भक्तिमय वातावरणात प्रारंभ झाला आहे.
दिनांक ११ जानेवारीपासून पुढील पाच दिवस हा पायदळ पालखी सोहळा संपन्न होत असून, पहिल्याच दिवशी हजारो भाविकांच्या उपस्थितीने संपूर्ण परिसर भक्तिरसात न्हालेला दिसून आला.
रविवारी सकाळी लक्ष्मी नगर येथील संत गजानन महाराज मंदिरात श्रींच्या चरणी विधिवत महापूजा, जलाभिषेक व आरती करून पालखी सोहळ्याला विधिवत प्रारंभ करण्यात आला. त्यानंतर शहरातील प्रमुख मार्गांवरून नगर परिक्रमा करत पालखी शेगावकडे मार्गस्थ झाली.नगर परिक्रमेच्या वेळी नागरिकांनी आपल्या घरासमोर स्वच्छता करून, सुंदर रांगोळ्या काढत, पुष्पवृष्टी करत पालखीतील श्री गजानन महाराजांच्या चरणी श्रद्धेने सेवा अर्पण केली. यावेळी संपूर्ण बोरगाव मंजू शहरात भक्तिमय, उत्साही व आध्यात्मिक वातावरण अनुभवायला मिळाले.
पालखी सोहळ्यात सहभागी भाविकांनी पांढरे शुभ्र वस्त्र, डोक्यावर टोपी, तर महिला सेवाधाऱ्यांनी पारंपरिक वेशात हातात टाळ घेत भजनसेवेत सहभाग नोंदविला. टाळ–मृदंगाच्या गजरात, “गण गणात बोते”, “जय गजानन श्री गजानन महाराज” या जयघोषांनी परिसर दुमदुमून गेला.या पायदळ पालखी सोहळ्यात चारशे ते पाचशे भाविक प्रत्यक्ष सहभागी झाले असून, मार्गात ठिकठिकाणी भाविकांनी दर्शनासाठी मोठी गर्दी केली होती.
Related News
राष्ट्रपती द्रौपदी मुर्मू शेगाव दौऱ्यावर; संत गजानन महाराजांचे दर्शन घेणार
मूर्तिजापूरमध्ये अग्निशमन दलाच्या गाडीचे चाक चोरीला; तक्रार नाही, प्रशासनावर प्रश्नचिन्ह
संध्या डाहेलकर यांना डॉ. सिंधुताई सपकाळ नारी प्रेरणा पुरस्काराने सन्मानित
बोरगाव मंजूमध्ये जातीवाचक शिवीगाळ प्रकरणी गुन्हा दाखल
आसेगाव बाजारच्या दीक्षाची CISF मध्ये भरारी; शेतमजूर कुटुंबातील लेकीने रचला यशाचा नवा इतिहास
मूर्तिजापूर आगारात इंधन बचत मासिक मोहिमेचा उत्साहात शुभारंभ
“मूर्तिजापूर नगरपरिषदेत छुप्या युतीचा वाद: इम्रान शेख यांना सभागृहात प्रवेश नाकारला”
वाघळुद ते शेगाव पायदळ दिंडीचे शिवनेरी कॉलनीत जल्लोषात स्वागत
पाच दिवस चालणाऱ्या या पायदळ पालखी सोहळ्याची दैनंदिन रूपरेषा पुढीलप्रमाणे आहे—रविवारी बोरगाव मंजू येथून प्रस्थान करून अकोला येथे रात्री मुक्काम,
दिनांक १२ जानेवारी रोजी रात्री गायगाव येथे मुक्काम,त्यानंतर सकाळी गायगाव येथून प्रस्थान करून नागझरी येथे रात्री मुक्काम,नागझरी येथील गोमाजी महाराज समाधीचे दर्शन घेऊन पुढे शेगाव संत नगरी श्रीक्षेत्र येथे पालखीचा मुक्काम.शेगाव येथे कीर्तन, दर्शन व महाप्रसाद संपन्न झाल्यानंतर पालखी पुन्हा बोरगाव मंजूकडे परतीचा प्रवास करणार आहे.
या संपूर्ण सोहळ्यात लहानांपासून ज्येष्ठांपर्यंत, अबालवृद्ध भाविक, महिला सेवाधारी, भजनी मंडळे मोठ्या संख्येने सहभागी झाली आहेत. शिस्तबद्ध नियोजन, सेवाभाव आणि भक्तीचा संगम असलेला हा पायदळ पालखी सोहळा भाविकांसाठी आध्यात्मिक उर्जा देणारा ठरत आहे.हा संपूर्ण संत गजानन महाराज पायदळ पालखी सोहळासंत गजानन महाराज मंदिर सेवा समिती, लक्ष्मी नगर, बोरगाव मंजू यांच्या वतीने अत्यंत यशस्वीरीत्या आयोजित करण्यात आला असून, समितीच्या या उपक्रमाचे पंचक्रोशीतून कौतुक होत आहे.
