लखनऊ : उत्तर प्रदेशचे माजी मुख्यमंत्री Akhilesh Yadav यांचे बंधू प्रतीक यादव यांच्या अकस्मात निधनामुळे संपूर्ण यादव कुटुंबावर दु:खाचा डोंगर कोसळला आहे. अवघ्या ३८ व्या वर्षी प्रतीक यादव यांनी जगाचा निरोप घेतल्याने राजकीय वर्तुळातही मोठी खळबळ उडाली आहे. बुधवारी सकाळी घडलेल्या या घटनेमुळे अनेक प्रश्न उपस्थित झाले असून पोस्टमार्टम अहवालानंतर मृत्यूच्या कारणाबाबत अधिक चर्चा सुरु झाली आहे.
मिळालेल्या माहितीनुसार, बुधवारी पहाटे प्रतीक यादव यांची अचानक प्रकृती बिघडली. ते घरातील किचनमध्ये असताना अचानक बेशुद्ध होऊन खाली कोसळले. कुटुंबीयांनी तातडीने त्यांना लखनऊ जिल्हा रुग्णालयात दाखल केलं. मात्र डॉक्टरांनी तपासणीनंतर त्यांना मृत घोषित केलं.
या घटनेच्या वेळी त्यांची पत्नी Aparna Yadav आसाम दौऱ्यावर होत्या. अचानक आलेल्या या दुःखद बातमीमुळे त्या तातडीने लखनऊकडे रवाना झाल्याची माहिती समोर आली आहे.
Related News
“हे सर्व खोटं आहे”; रेल्वे आंदोलन प्रकरणात राज ठाकरे यांचा कोर्टात दावा
NEET Paper Leak 2026 : रात्री 11 चा ‘तो’ मेसेज अन् संपूर्ण देशातील परीक्षा रद्द; हॉस्टेल मालकाच्या सतर्कतेने उघड झाला मोठा घोटाळा
45 नंतरही तरुणींना टक्कर! श्वेता-सनीच्या फिटनेसचं गुपित काय?
24 वर्षांनंतर कान्समध्ये ऐश्वर्या राय अनुपस्थित ,ऐश्वर्या राय नाही, आलिया भट्टचा जलवा
द फॅमिली मॅन’ अभिनेत्याच्या आयुष्यात मोठं संकट, 5 सर्जरीनंतरही सुरू धाडसी लढा
‘डिजिटल टोल’ प्लॅनमुळे WhatsApp, UPI आणि इंटरनेट सेवांवर मोठा परिणाम? भारतासाठी धोक्याची घंटा
Petrol-Diesel Price Hike: पेट्रोल-डिझेल दरवाढीचे RBI कडून संकेत; सर्वसामान्यांच्या खिशाला बसू शकतो मोठा फटका
कन्नड इंडस्ट्रीला मोठा धक्का; अभिनेता दिलीप राज यांचा अचानक मृत्यू
‘शंभू राजे’ म्हणून सिग्नलवरून हाक! ‘राजा शिवाजी’नंतर अभिषेक बच्चनसोबत घडली थक्क करणारी घटना
सकाळी ५:५५ वाजता रुग्णालयात दाखल
रुग्णालय प्रशासनाने दिलेल्या माहितीनुसार, पहाटे ५ वाजून ५५ मिनिटांनी प्रतीक यादव यांना जिल्हा रुग्णालयात आणण्यात आलं होतं. डॉक्टरांनी त्यांना तातडीने आयसीयूमध्ये हलवलं. मात्र तपासणीदरम्यान त्यांच्या शरीरात कोणतीही हालचाल किंवा जिवंत असल्याचे संकेत आढळले नाहीत. त्यामुळे डॉक्टरांनी त्यांना मृत घोषित केलं.
यानंतर पोलिसांना माहिती देण्यात आली आणि पंचनामा प्रक्रिया सुरु करण्यात आली. शवविच्छेदनासाठी मृतदेह पाठवण्यात आला. या प्रकरणामुळे परिसरात मोठी खळबळ उडाली आहे.
PM रिपोर्टमध्ये काय समोर आलं?
प्रतीक यादव यांच्या पोस्टमार्टम अहवालात प्राथमिक स्तरावर मृत्यू नैसर्गिक असल्याचं नमूद करण्यात आलं आहे. मात्र डॉक्टरांनी अधिक तपासासाठी त्यांचं हृदय आणि व्हिसेरा सुरक्षित ठेवला आहे. या नमुन्यांची तपासणी झाल्यानंतरच मृत्यूचं नेमकं कारण स्पष्ट होणार असल्याचं सूत्रांनी सांगितलं.
विशेष म्हणजे, प्रतीक यादव यांच्या शरीरावर कोणत्याही प्रकारच्या जखमा किंवा संघर्षाच्या खुणा आढळल्या नाहीत. त्यामुळे मृत्यू नैसर्गिक असण्याची शक्यता व्यक्त केली जात आहे. मात्र अचानक मृत्यू झाल्याने वैद्यकीय तपासणी अत्यंत महत्त्वाची मानली जात आहे.
मध्यरात्रीही प्रकृती बिघडली होती
प्रतीक यादव यांचे व्यावसायिक भागीदार सर्वेश पांडे यांनीही या प्रकरणात महत्त्वाची माहिती दिली आहे. त्यांच्या म्हणण्यानुसार, मध्यरात्रीच प्रतीक यादव यांची तब्येत बिघडली होती. त्यांना उपचारासाठी रुग्णालयात नेण्यात आलं होतं. मात्र प्राथमिक तपासणीनंतर काही वेळातच त्यांना घरी पाठवण्यात आलं.यानंतर सकाळी पुन्हा त्यांची प्रकृती गंभीर झाली. कुटुंबीयांनी तातडीने त्यांना पुन्हा रुग्णालयात नेलं. पण रुग्णालयात पोहोचण्यापूर्वीच त्यांचा मृत्यू झाला होता.
वाढलेलं वजनही चर्चेत
सूत्रांनी दिलेल्या माहितीनुसार, प्रतीक यादव यांचं वजन मागील काही महिन्यांत मोठ्या प्रमाणावर वाढलं होतं. त्यामुळे आरोग्याशी संबंधित काही समस्या निर्माण झाल्या होत्या का, याचाही तपास केला जात आहे. डॉक्टरांकडून हृदयविकार, ब्लड प्रेशर किंवा इतर वैद्यकीय कारणांची पडताळणी केली जात आहे.
यादव कुटुंबावर शोककळा
या घटनेनंतर यादव कुटुंबावर शोककळा पसरली आहे. समाजवादी पक्षाच्या अनेक नेत्यांनी आणि विविध राजकीय पक्षांच्या नेत्यांनी दुःख व्यक्त केलं आहे. सोशल मीडियावरही प्रतीक यादव यांच्या निधनाबद्दल हळहळ व्यक्त केली जात आहे.
राजकीय वर्तुळात अत्यंत शांत आणि लो-प्रोफाइल व्यक्तिमत्त्व म्हणून ओळख असलेल्या प्रतीक यादव यांच्या अचानक निधनामुळे अनेकांना धक्का बसला आहे. त्यांच्या निधनानंतर कुटुंबीय, मित्र आणि समर्थकांकडून श्रद्धांजली अर्पण केली जात आहे.दरम्यान, व्हिसेरा आणि हृदयाच्या तपासणीचा अंतिम अहवाल आल्यानंतरच मृत्यूमागचं नेमकं कारण स्पष्ट होणार आहे. त्यामुळे आता सर्वांचं लक्ष वैद्यकीय अहवालाकडे लागलं आहे.
