‘ऑपरेशन प्रहार’ अंतर्गत कठोर पावले; दुचाकीस्वारांच्या सुरक्षेसाठी लोखंडी गार्डचे वाटप
मूर्तिजापूर प्रतिनिधी :
मकरसंक्रांतीच्या पार्श्वभूमीवर पतंग उडवण्याच्या नावाखाली जीवघेणा ठरणारा नायलॉन व चायनीज मांजाचा वापर रोखण्यासाठी मूर्तिजापूर शहर पोलिसांनी कडक भूमिका घेतली आहे. उच्च न्यायालयाच्या आदेशाचे उल्लंघन करून चायनीज मांजाचा वापर व विक्री करणाऱ्यांविरुद्ध ‘ऑपरेशन प्रहार’ अंतर्गत मोठी कारवाई करण्यात आली असून, या कारवाईत तीन आरोपींवर गुन्हे दाखल करण्यात आले आहेत.
मकरसंक्रांतीच्या काळात दरवर्षी नायलॉन व चायनीज मांजामुळे दुचाकीस्वारांचे गळे कापले जाणे, पक्ष्यांचे जीव जाणे तसेच गंभीर अपघात घडण्याच्या घटना समोर येतात. या पार्श्वभूमीवर न्यायालयाने अशा मांजावर संपूर्ण बंदी घातली आहे. मात्र, तरीही काही समाजकंटकांकडून नियम धाब्यावर बसवून घातक मांजाची विक्री व वापर सुरू असल्याचे निदर्शनास आले होते.
जिल्हा पोलीस अधीक्षक अर्चित चांडक यांच्या स्पष्ट आदेशानुसार व मार्गदर्शनाखाली मूर्तिजापूर शहर पोलीस स्टेशनने विशेष मोहीम हाती घेतली. या कारवाईदरम्यान कलम १२५, १२३, २९६ भारतीय न्याय संहिता तसेच पर्यावरण संरक्षण अधिनियमातील कलम ४, ५ आणि १५ अंतर्गत अप क्र. ०५/२६, १४/२६ व १५/२६ नुसार तीन आरोपींविरुद्ध गुन्हे दाखल करण्यात आले आहेत. या कारवाईमुळे शहरात चायनीज मांजाची विक्री व वापर करणाऱ्यांमध्ये मोठी खळबळ उडाली आहे.
Related News
मित्रांसोबत Party साठी आला अन् सकाळी बाल्कनीत मृतावस्थेत आढळला; ग्रेटर नोएडात 1 खळबळ
Eklavya Hostel Student Suicide प्रकरणाने मध्य प्रदेश हादरला आहे. बाथरूममध्ये फोनवर बोलत असताना घडलेल्या घटनेनंतर नववीत शिकणाऱ्या विद्यार्थिनीने आत्महत्या का केली? वाचा सविस्तर तपशील.
मांजाने युवकाचा गळा चिरला; दुचाकीस्वार गंभीर जखमी
Air Hostess Suicide Case : 21 वर्षीय एअर होस्टेसची धक्कादायक आत्महत्या; मोबाईलमधील पुराव्यांमुळे महाराष्ट्र हादरला
Gorakhpur Minor Girl Crime Case : 15 वर्षीय मुलीच्या धक्कादायक आणि धोकादायक कृत्याने काळी सत्ये उघड
Pooja Khedkar Pune Crime: धक्कादायक 7 तथ्ये | घरगड्याचा थरारक दरोडा, गुंगीचे औषध देऊन आई-वडिलांना बेशुद्ध
Pandharpur ST Bus News : 1 धक्कादायक प्रकार! चिमुकल्याला हायवेवर उतरवणारा निर्दयी कंडक्टर – संतापजनक वास्तव उघड
Transgender पत्नीच निघाली खुनाची मास्टरमाइंड; पतीच्या हत्येसाठी दिली 1 लाखांची सुपारी
Minor Girl Trafficking Case: 12 आरोपी अटकेत | राक्षसी कृत्याने हादरवलेले कर्नाटक – मानवतेवर काळा डाग
Akola News : 3 महिन्यांच्या एकतर्फी प्रेमाचा भयावह कहर! नववर्षीच्या गुन्ह्याने अकोला शहर हादरले
5 महत्त्वाचे निर्णय: पतीचे आर्थिक वर्चस्व क्रूरता नाही – सर्वोच्च न्यायालयाचा शक्तिशाली संदेश
दुचाकीस्वारांच्या सुरक्षेसाठी पुढाकार
केवळ कायदेशीर कारवाईपुरतेच न थांबता, मूर्तिजापूर पोलिसांनी सामाजिक बांधिलकी जपत नागरिकांच्या सुरक्षेसाठीही महत्त्वाचे पाऊल उचलले आहे. आज शहरातील छत्रपती शिवाजी महाराज चौक येथे पोलीस अधिकारी, कर्मचारी व पत्रकारांच्या उपस्थितीत दुचाकींना नायलॉन मांजापासून संरक्षण मिळावे यासाठी लोखंडी तारांचे संरक्षक (गार्ड/आर्च) बसवून त्याचे वाटप करण्यात आले.
दुचाकीस्वारांच्या गळ्याला मांजा लागून होणारे अपघात प्राणघातक ठरतात. अशा घटना टाळण्यासाठी हे संरक्षक अत्यंत उपयुक्त ठरणार असून, नागरिकांनी याचा जास्तीत जास्त वापर करावा, असे आवाहन पोलिसांकडून करण्यात आले आहे.
पोलिसांचे नागरिकांना आवाहन
या प्रसंगी पोलीस निरीक्षक अजित बा. जाधव यांनी नागरिकांना स्पष्ट शब्दांत आवाहन करताना सांगितले की,
मकरसंक्रांतीदरम्यान पतंग उडवताना नायलॉन किंवा चायनीज मांजाचा अजिबात वापर करू नये.
अशा घातक मांजाची विक्री करणाऱ्यांची माहिती तात्काळ पोलिसांना द्यावी.
मानवी जीव, दुचाकीस्वार आणि पक्ष्यांचे प्राण धोक्यात येतील असे कोणतेही कृत्य करू नये.
नागरिकांनी नियमांचे पालन केल्यासच सण सुरक्षित व आनंददायी पद्धतीने साजरा होऊ शकतो, असेही त्यांनी नमूद केले.
संयुक्त प्रयत्नांचे यश
ही संपूर्ण कारवाई पोलीस अधीक्षक अर्चित चांडक, अप्पर पोलीस अधीक्षक चंद्रकांत रेड्डी आणि उपविभागीय पोलीस अधिकारी वैशाली मुळे यांच्या मार्गदर्शनाखाली पोलीस निरीक्षक अजित जाधव व त्यांच्या पथकाने यशस्वीपणे पार पाडली.
मूर्तिजापूर पोलिसांच्या या ठोस आणि संवेदनशील कारवाईमुळे नागरिकांच्या सुरक्षेला प्राधान्य दिले गेले असून, आगामी काळातही चायनीज मांजाविरोधात कठोर पावले उचलली जाणार असल्याचा इशाराही पोलिसांनी दिला आहे.
