फुलंब्री : फुलंब्री मतदारसंघात भाजपच्या विविध कार्यक्रमांमध्ये आमदार अनुराधा चव्हाण यांच्यासोबत त्यांच्या पती, सार्वजनिक बांधकाम विभागातील मुख्य अभियंता अतुल चव्हाण यांचेही छायाचित्र मोठ्या प्रमाणावर जाहिरात व बॅनरवर वापरले जात असल्याचे उघड झाले आहे.अतुल चव्हाण यांनी या बाबतीत थेट पत्राद्वारे पत्नी अनुराधा चव्हाण यांच्यासमोर आपली तक्रार मांडली आहे. पत्रात त्यांनी स्पष्ट म्हटले आहे की, “आपल्या मतदारसंघातील कार्यकर्त्यांनी माझा फोटो वापरणे थांबवावे आणि माझे नाव किंवा छायाचित्र पक्षाच्या बॅनरवर किंवा जाहिरातीवर टाकणे टाळावे.”
प्रशासनिक आचारसंहितेचा संदर्भ
अतुल चव्हाण यांच्या पत्रामुळे फुलंब्री मतदारसंघात राजकीय वर्तुळात खळबळ उडाली आहे. अधिकारी असलेल्या पतीने थेट आमदार पत्नीला सूचना दिल्यामुळे हा मुद्दा फक्त कौटुंबिक नव्हे, तर प्रशासनिक आचारसंहितेचा संदर्भ घेऊनही चर्चा रंगली आहे.
पत्रातील आशय
पत्रात म्हटले आहे की, “उपरोक्त विषयी सादर करण्यात येते की, आपल्या फुलंब्री मतदार संघातील आपले कार्यकर्ते हे माझे (अतुल भि.चव्हाण) छायाचित्र विविध वृत्तपत्रात तसेच बॅनरवर प्रसिध्द करत आहेत. त्यामुळे माझ्या विरुध्द तक्रारी तसेच माहिती अधिकार अर्ज या कार्यालयास प्राप्त होत आहेत. तरी, आपणांस विनंती करण्यात येते की, माझे छायाचित्र विविध वृत्तपत्रात तसेच बॅनरवर प्रसिध्द न करण्याबाबत आपल्यास्तरावरून आपल्या मतदार संघातील कार्यकर्त्यांना सूचना देण्यात याव्यात.”
Related News
पीकविम्या संदर्भात शिवसेनेचे (उबाठा) आमदार आक्रमक!
तामिळनाडूत राजकारण पेटलं, विरोधी पक्षाचे सर्वच्या सर्व 62 आमदार निलंबित!
ग्रामीण भागातील पती-पत्नीचे कामकाज
ग्रामीण भागातील सर्रास दृश्य असे आहे की, पत्नी पुढारी असते, पण कारभार पती पाहतो. अनेकदा स्थानिक स्वराज्य संस्थांच्या निवडणुकीतील महिला आरक्षणाचा फायदा घेऊन महिला सरपंच पदावर विराजमान होतात, तरीही वास्तविक प्रशासनिक काम पती हाताळतात. फुलंब्रीतही अशीच परिस्थिती दिसून येते.सध्या सोशल मीडियावर हे पत्र जोरदार व्हायरल झाले असून, राजकीय आणि प्रशासनिक वर्तुळात चर्चेचा विषय बनले आहे.
read also : https://ajinkyabharat.com/794-cubic-meters-per-second-paani-nadi-sodle/
