अकोला (प्रतिनिधी) : हरिद्वार येथील पतंजली योगपीठात नुकतेच तीन दिवसीय राज्यस्तरीय विशेष प्रशिक्षण शिबिर उत्साहात आणि यशस्वीरीत्या पार पडले. योगऋषी स्वामी रामदेवजी महाराज यांच्या प्रमुख उपस्थितीत आयोजित करण्यात आलेल्या या शिबिरात महाराष्ट्रासह भारतातील तब्बल १९ राज्यांतील पदाधिकारी, कार्यकर्ते आणि प्रशिक्षकांनी सहभाग नोंदविला. या शिबिराचा मुख्य उद्देश योग, आयुर्वेद आणि राष्ट्रनिर्मितीच्या विचारांना व्यापक स्वरूप देत कार्यकर्त्यांना संघटनात्मक व वैचारिकदृष्ट्या सक्षम बनविणे हा होता.
या तीन दिवसीय शिबिरात योगशास्त्राचे सखोल प्रशिक्षण, आयुर्वेदिक जीवनशैली, स्वदेशी विचारधारा, सामाजिक बांधिलकी आणि राष्ट्रहितासाठी कार्य करण्याबाबत सविस्तर मार्गदर्शन करण्यात आले. सकाळी योगाभ्यास सत्र, प्राणायाम, ध्यानधारणा तसेच दिनचर्या सुधारण्यावर भर देण्यात आला. दुपारच्या सत्रात आयुर्वेद, नैसर्गिक उपचार पद्धती, जीवनशैलीजन्य आजारांवर उपाय आणि समाजातील आरोग्यविषयक जनजागृती यासंबंधी प्रशिक्षण देण्यात आले.
शिबिरात मार्गदर्शन करताना योगऋषी स्वामी रामदेवजी महाराज यांनी सांगितले की, “योग हा केवळ व्यायाम नसून तो संपूर्ण जीवनशैली आहे. योगाच्या माध्यमातून शारीरिक, मानसिक आणि आध्यात्मिक आरोग्य साधता येते. समाजातील प्रत्येक घटकापर्यंत योग आणि आयुर्वेद पोहोचवणे हे कार्यकर्त्यांचे पवित्र कर्तव्य आहे.” राष्ट्रनिर्मितीसाठी सशक्त, निरोगी आणि स्वावलंबी नागरिक घडवणे हीच पतंजलीची खरी प्रेरणा असल्याचे त्यांनी अधोरेखित केले.
Related News
BJP vs Ambadas Danve: दामू अण्णा शिंदेचा जोरदार प्रत्युत्तर आणि मानहानीचा दावा – 5 महत्वाच्या मुद्द्यांवर खुलासा
माता सावित्री जयंतीनिमित्त महिलांची धम्मपरिषद उत्साहात संपन्न. बुद्ध विहार समन्वय महासंघ, अकोला यांचा स्तुत्य उपक्रम.
परशुराम नाईक विद्यालयाची विदर्भस्तरीय विज्ञान प्रदर्शनासाठी निवड; विद्यार्थिनींच्या पर्यावरणपूरक प्रकल्पाचे कौतुक
10 Powerful Highlights of Gautam Adani Speech in Baramati: शरद पवार माझे मार्गदर्शक – Historic and Heartfelt Statement by Gautam Adani
धक्कादायक! बीड आणि परभणीत भीषण अपघात, वाहनांना आग लागली, जीवितहानीची प्राथमिक माहिती
नाशिक जिल्ह्यातील मालेगाव तालुक्यातअसलेल्या डोंगराळेतील आमरण उपोषण संपुष्टात; शिक्षणमंत्री दादाजी भुसे यांनी दिले लेखी आश्वासन.
उशिराचे मोठे परिणाम : अकोल्यात ५० विद्यार्थी (TET) परीक्षेला मुकले
5 Powerful and Inspiring Ways to Reclaim Odisha Lost Glory
युनिटी मार्च/पदयात्रा मूर्तिजापूर येथे उत्साहात संपन्न
वंचित बहुजन आघाडीची नियोजन बैठक; वाहतूक–निवास ते संचलनापर्यंत सर्व तयारी पूर्ण
या शिबिरात आयुर्वेद शिरोमणी आचार्य बाळकृष्णजी महाराज यांनी आयुर्वेदिक औषधपद्धती, संशोधन आणि स्वदेशी उत्पादनांच्या माध्यमातून आत्मनिर्भर भारताच्या संकल्पनेवर प्रकाश टाकला. साध्वी देवप्रियाजी यांनी भारतीय संस्कृती, नैतिक मूल्ये आणि सेवाभावाचे महत्त्व सांगितले. स्वामी परमार्थदेवजी आणि राकेशकुमार यांनी संघटन कौशल्य, कार्यकर्त्यांचे प्रशिक्षण आणि समाजातील प्रभावी कार्यपद्धती याबाबत मार्गदर्शन केले.
अकोला, मुर्तिजापूर आणि विदर्भातील अनेक पदाधिकाऱ्यांनी या शिबिरात सक्रिय सहभाग घेतला. पतंजली योग समितीचे जिल्हा प्रभारी डॉ. सुहास काटे, भारत स्वाभिमानचे जिल्हा प्रभारी हरीश कुमार माखीजा, पतंजली किसान सेवा समितीचे जिल्हा प्रभारी राजेश खांबलकर, युवा भारतचे जिल्हा प्रभारी डॉ. कपिल लाड तसेच मुर्तिजापूर तालुका प्रभारी विलास नसले यांची विशेष उपस्थिती होती. महाराष्ट्र पूर्वचे राज्य प्रभारी अनिल अमृतवार यांच्यासह विविध राज्यांतील पदाधिकारी मोठ्या संख्येने उपस्थित होते.
या शिबिरामुळे सहभागी कार्यकर्त्यांमध्ये नवचैतन्य निर्माण झाले असून, आपल्या-आपल्या कार्यक्षेत्रात योग, आयुर्वेद आणि स्वदेशी विचारांचा प्रसार अधिक प्रभावीपणे करण्याचा संकल्प व्यक्त करण्यात आला. पतंजली योगपीठाच्या या विशेष प्रशिक्षण शिबिरामुळे योग व आयुर्वेद चळवळीला नवी दिशा मिळाली असून, राष्ट्रहितासाठी सातत्याने कार्य करण्याची प्रेरणा मिळाल्याची भावना उपस्थितांनी व्यक्त केली.
read also : https://ajinkyabharat.com/players-of-shri-shivaji-junior-college-eligible-for-departmental-competition/
