पाकिस्तान आणि Afghanistan यांच्यातील तणाव पुन्हा एकदा उफाळून आला असून पाकिस्तानची राजधानी Islamabad येथे कथित ड्रोन हल्ला झाल्याचा दावा करण्यात आला आहे. अफगाणिस्तानच्या संरक्षण मंत्रालयाने इस्लामाबादमधील पाकिस्तानी लष्करी तळावर ड्रोनद्वारे हल्ला केल्याचा दावा केला आहे. या घटनेमुळे दोन्ही देशांमधील तणाव अधिकच वाढला असून संपूर्ण पाकिस्तानमध्ये सुरक्षा यंत्रणा सतर्क करण्यात आल्या आहेत.
अफगाणिस्तानच्या संरक्षण मंत्रालयाने सोशल मीडिया प्लॅटफॉर्म X वर पोस्ट करत सांगितले की, इस्लामाबादच्या फैजाबाद परिसरातील “हमजा” नावाच्या लष्करी केंद्रावर संध्याकाळी सुमारे ५ वाजण्याच्या सुमारास ड्रोन हल्ला करण्यात आला. या हल्ल्यात लष्करी तळातील महत्त्वाच्या ठिकाणांना लक्ष्य करण्यात आले असल्याचा दावा अफगाणिस्तानकडून करण्यात आला आहे.
संरक्षण मंत्रालयाच्या निवेदनानुसार, या हल्ल्यासाठी ड्रोन विमानांचा वापर करण्यात आला आणि त्याद्वारे लष्करी तळातील कमांड सेंटर, शस्त्रसाठा डेपो तसेच सैनिकांच्या निवासस्थानांना लक्ष्य करण्यात आले. अफगाणिस्तानने या हल्ल्यात मोठ्या प्रमाणात नुकसान झाल्याचा तसेच पाकिस्तानी सैन्याला मोठी जीवितहानी झाल्याचा दावा केला आहे. मात्र पाकिस्तानने अद्याप या हल्ल्याची अधिकृत पुष्टी केलेली नाही.
Related News
Iran Israel War Impact: जगात हाहाकार! 5 मोठे परिणाम, अमेरिकेची इराणला घातक धमकी
Pakistan vs Afghanistan War : इस्लामाबादवर धक्कादायक हवाई हल्ला, 55 सैनिकांचा मृत्यू!
Pakistan Afghanistan Conflict : धक्कादायक! 55 सैनिकांच्या मृत्यूनंतर मध्यरात्री हवाई हल्ला, 130+ मृत्यूंनी जग हादरले
Breaking 5: Putin India Visit – रशिया-पाकिस्तान गुप्त कारवाईने चीन हादरला, दक्षिण आशियात मोठी उलथापालथ
अमेरिकेचे President डोनाल्ड ट्रम्प यांचा दबदबा;8 युद्ध संपवण्याचा दावा
पाकिस्तान-अफगाण युद्धही लवकर संपवणार!“मी 8 युद्धं थांबवली” Donald Trump चा धडाकेबाज दावा
तरीदेखील या कथित हल्ल्यानंतर इस्लामाबादमध्ये सुरक्षा व्यवस्था मोठ्या प्रमाणावर वाढवण्यात आली आहे. पाकिस्तानचे गृहमंत्री Mohsin Naqvi यांनी राजधानीच्या प्रवेशद्वारांवर कडक सुरक्षा ठेवण्याचे आदेश दिले आहेत. इस्लामाबादकडे जाणारे अनेक प्रमुख रस्ते बंद करण्यात आले असून वाहनांची तपासणी वाढवण्यात आली आहे.
दरम्यान पाकिस्तान आणि अफगाणिस्तानमधील संघर्ष हा नवीन नाही. दोन्ही देशांमध्ये दीर्घकाळापासून वादग्रस्त असलेली Durand Line सीमा हा तणावाचा मुख्य मुद्दा आहे. गेल्या काही दिवसांपासून या सीमावर्ती भागात दोन्ही देशांकडून एकमेकांवर हवाई तसेच तोफगोळ्यांचे हल्ले केल्याच्या घटना समोर येत आहेत. त्यामुळे या भागातील परिस्थिती अत्यंत तणावपूर्ण बनली आहे.
काही दिवसांपूर्वी पाकिस्तानने अफगाणिस्तानातील काही भागांवर हवाई कारवाई केली होती. अफगाणिस्तानची राजधानी Kabul तसेच Paktia आणि Kandahar या भागांमध्ये दहशतवादी अड्ड्यांवर कारवाई केल्याचा दावा पाकिस्तानकडून करण्यात आला होता. या कारवाईला “गजाब लिल हक” असे नाव देण्यात आले होते.
मात्र अफगाणिस्तानने पाकिस्तानच्या या हल्ल्यांचा तीव्र निषेध केला होता. अफगाणिस्तानच्या मते, या हवाई कारवायांमध्ये निवासी भागांवर हल्ले झाले असून त्यामध्ये नागरिकांचे मोठे नुकसान झाले. विशेषतः काबूलमधील पुल-ए-चरखी भागात झालेल्या हल्ल्यांमध्ये चार नागरिकांचा मृत्यू झाला आणि महिला व मुलांसह अनेक जण जखमी झाल्याचा दावा अफगाणिस्तानने केला आहे.या घटनेबाबत United Nations च्या अफगाणिस्तानमधील सहाय्य मिशननेही चिंता व्यक्त केली आहे. नागरिकांच्या जीवितहानीबाबत अहवाल मिळाल्याचे सांगण्यात आले आहे. त्यामुळे या प्रकरणामुळे आंतरराष्ट्रीय स्तरावरही चिंता व्यक्त केली जात आहे.
अफगाणिस्तानातील तालिबान सरकारने पाकिस्तानच्या कारवाईला सार्वभौमत्वाचे उल्लंघन असल्याचे म्हटले आहे. तालिबानचे प्रवक्ते Zabihullah Mujahid यांनी पाकिस्तानला याचे चोख प्रत्युत्तर देण्याचा इशारा दिला होता. त्यानंतर आता पाकिस्तानमधील लष्करी तळावर ड्रोन हल्ला केल्याचा दावा करण्यात आल्याने परिस्थिती अधिकच गंभीर झाली आहे.
दरम्यान या तणावाच्या पार्श्वभूमीवर आंतरराष्ट्रीय स्तरावरही हालचाली सुरू झाल्या आहेत. China ने दोन्ही देशांमधील तणाव कमी करण्यासाठी राजनैतिक प्रयत्न वाढवले आहेत. अफगाणिस्तानचे कार्यवाहक परराष्ट्र मंत्री Amir Khan Muttaqi यांनी चीनचे परराष्ट्र मंत्री Wang Yi यांच्याशी दूरध्वनीवर चर्चा केली. या चर्चेदरम्यान चीनने दोन्ही देशांना संयम बाळगण्याचा आणि लष्करी संघर्ष टाळण्याचा सल्ला दिला आहे.
सध्या पाकिस्तानने या हल्ल्याची अधिकृत पुष्टी केलेली नसली तरी राजधानीत सुरक्षा कडक करण्यात आल्याने या घटनेला गंभीरतेने घेतले जात असल्याचे दिसून येत आहे. या कथित हल्ल्यामुळे पाकिस्तान आणि अफगाणिस्तानमधील तणाव आणखी वाढण्याची शक्यता व्यक्त केली जात आहे.जर दोन्ही देशांनी आक्रमक भूमिका कायम ठेवली, तर सीमावर्ती भागात संघर्ष अधिक तीव्र होऊ शकतो, अशी भीती तज्ज्ञांकडून व्यक्त करण्यात येत आहे. त्यामुळे या परिस्थितीकडे संपूर्ण जगाचे लक्ष लागले आहे.
read also : https://ajinkyabharat.com/fire-brigade-destroyed-6-shops-city-kotwali-police-station-destroyed/
