वर्धा – १२ जानेवारी : राष्ट्रीय युवा दिनानिमित्त विद्यार्थ्यांमध्ये भारतीय संविधानाबाबत जागृती निर्माण करण्याच्या उद्देशाने “संविधान जनजागृती प्रश्नमंजुषा २०२५–२६” या राज्यस्तरीय उपक्रमाचे आयोजन करण्यात आले आहे. महाराष्ट्र राज्य अनुसूचित जाती व जमाती आयोगाच्या वतीने राबविण्यात येणाऱ्या या उपक्रमात सहभागी होण्यासाठी विद्यार्थ्यांना ऑनलाईन स्वरूपात १५ दिवसांचे प्रशिक्षण दिले जाणार आहे. या प्रशिक्षणादरम्यान भारतीय संविधानातील मूल्ये, मूलभूत अधिकार, कर्तव्ये आणि लोकशाही मूल्यांवर आधारित नागरिक कसे घडतात, याबाबत सखोल माहिती व मार्गदर्शन मिळेल.
उपाध्यक्ष धर्मपाल मेश्राम यांनी इच्छुक विद्यार्थ्यांनी १० जानेवारी २०२६ पर्यंत नोंदणी करण्याचे आवाहन केले आहे. “घर घर संविधान” या संकल्पनेतून राज्यातील प्रत्येक घर आणि विद्यार्थ्यांपर्यंत ही जनजागृती पोहोचविण्याचा प्रयत्न केला जात आहे. प्रश्नमंजुषा इयत्ता ८ वी पासून पदव्युत्तर शिक्षण घेणाऱ्या विद्यार्थ्यांसाठी खुली असून संपूर्णपणे ऑनलाईन पद्धतीने राबविण्यात येणार आहे. प्रशिक्षण १२ जानेवारी २०२६ रोजी राष्ट्रीय युवा दिनानिमित्त प्रारंभ होईल.
प्रशिक्षणासाठी महाराष्ट्र नॅशनल लॉ युनिव्हर्सिटी, नागपूर येथील तज्ज्ञ प्राध्यापक मार्गदर्शन करतील व आवश्यक अध्ययन साहित्य ऑनलाईन उपलब्ध करून दिले जाईल. ही स्पर्धा मराठी, हिंदी व इंग्रजी या तीन भाषांमध्ये आयोजित केली जाईल. प्रशिक्षण पूर्ण झाल्यानंतर ऑनलाईन प्रॉक्टरिंगसह परीक्षा घेतली जाईल. सहभागी होण्यासाठी केवळ ९९ रुपये नाममात्र शुल्क आकारण्यात येणार आहे.
Related News
विदर्भातील शाळा तब्बल 7 दिवस उशीरा सुरू; शिक्षण विभागाचा महत्त्वपूर्ण आणि दिलासादायक निर्णय
NEET MDS 2026: 5 तास झोप, अथक मेहनत आणि AIR-1; नमिरा सिद्दिकीची प्रेरणादायी यशोगाथा
मराठा आरक्षणावर मुख्यमंत्र्यांची मोठी घोषणा! 5 महत्त्वाचे निर्णय घेणार, पण कोर्टाच्या आदेशांचे पालन अनिवार्य
ABHA Card अनिवार्य! शिक्षकांना मिळणार ५ लाखांचे जबरदस्त विमाकवच; शिक्षण विभागाचे तातडीचे आदेश
‘तुम तो ठहरे परदेसी’ला शब्द देणारा आवाज कायमचा शांत; गीतकार जहीर आलम यांचे नागपुरात दुःखद निधन
‘तुम तो ठहरे परदेसी’ फेम जहीर आलम यांचा अंत; 30 वर्षे गाजलेल्या गाण्यामागची वेदनादायक कहाणी
डॉ. बाबासाहेब आंबेडकरांना महावितरण–महानिर्मितीतर्फे विनम्र अभिवादन
वाठोडा परिसरात भीषण आग, 33 केव्हीच्या चार मुख्य केबल जळून खाक
एसटी महामंडळाच्या ढिसाळ कारभारामुळे आरक्षित तिकिटांसाठी प्रवाशांचा त्रास वाढला
नरहरी झिरवाळ प्रकरण: मंत्रिपदासाठी ‘राजकीय विकेट पाडण्याचा खेळ’, माजी मंत्र्याचा सहभाग? वडेट्टीवारांचा गंभीर आरोप
११ वर्षांच्या मुलाला १०० मिनिटे सलग CPR, डॉक्टरांचा चमत्कार
स्पर्धेत यशस्वी विद्यार्थ्यांसाठी आकर्षक पारितोषिक ठरवण्यात आले असून प्रथम पुरस्कार १ लाख रुपये, द्वितीय ५१ हजार रुपये, तृतीय ११ हजार रुपये आणि सर्व यशस्वी विद्यार्थ्यांना रोख पारितोषिकासह प्रमाणपत्र दिले जाणार आहे. तसेच, सहभागी सर्व विद्यार्थ्यांना डॉ. बाबासाहेब आंबेडकर संशोधन व प्रशिक्षण संस्था (बार्टी), पुणे यांच्या वतीने सहभाग प्रमाणपत्र प्रदान केले जाईल.
नोंदणी आणि अधिकृत माहिती www.yuvacareer.com या संकेतस्थळावर उपलब्ध असून, नागरिकांनी कोणत्याही बनावट संकेतस्थळाला बळी न पडता फक्त अधिकृत संकेतस्थळावरून नोंदणी करण्याचे आवाहन करण्यात आले आहे.
