CBI तपासातून मोठा खुलासा

नॅशनल टेस्टींग एजन्सी म्हणजेच एनटीए मार्फत घेण्यात येणारी युजीसी नेट परीक्षा

रद्द करण्यात आली आहे.

Related News

युजीसी नेट परीक्षेच्या पेपरफुटीवरुन मोठा वाद निर्माण झाला होता,

त्यानंतर गृहमंत्रालयाने शिक्षण विभागाला युजीटी नेट परीक्षेत घोटाळा झाल्याचे सांगितले.

त्यानंतर, शिक्षण मंत्रालयाने संबंधित नेट परीक्षेचा पेपर रद्द केला आहे.

याप्रकरणी तपास करत असलेल्या सीबीआयच्या हाती महत्त्वाची माहिती लागली आहे.

युजीसीट नेट परीक्षेचा पेपर लीक झाला होता,

परीक्षेच्या एक दिवस अगोदर हा पेपर लीक होऊन

डार्कनेटवर टाकण्यात आला होता, असेही सीबीआयने म्हटलं आहे.

केंद्र सरकारने युजीसी नेटचा पेपर रद्द केल्यानंतर

या पेपरफुटीप्रकरणाचा तपास सीबीआयकडे देण्यात आला आहे.

त्यामुळे, युजीसी नेटचा पेपर नेमकं कसा लीक झाला, लीक झाला की नाही,

या अनुषंगाने तपास केला जात आहे.

सीबीआयच्या प्राथमिक तपासात नेट परीक्षेचा पेपर

17 जून रोजी लीक झाल्याचे समोर आले आहे.

विशेष म्हणजे पेपर लीक झाल्यानंतर तो

एंक्रिप्टेड सोशल मीडिया प्लॅटफॉर्मवर टाकण्यात आला.

त्यानंतर, आपली चोरी उघडकीस येऊ नये म्हणून हा पेपर डार्कनेटवर टाकण्यात आला होता.

सीबीआयच्या प्राथमिक तपासात या गोष्टी समोर आल्यानंतर,

आता सीबीआयकडून अधिक तपास सुरू आहे.

त्यासाठी, एनटीए आणि इतर एजन्सींकडून माहिती घेतली जात आहे.

शिक्षण मंत्रालयाने एनटीएद्वारे आयोजित युजीसी-नेट परीक्षेचा पेपर

बुधवारी 19 जून रोजी रद्द केल्याचे जाहीर केले.

त्यानंतर, याप्रकरणाचा तपास तत्काळ सीबीआयकडे देण्यात आला.

विशेष म्हणजे 18 तारखेला म्हणजे पेपर रद्द होण्याच्या एक दिवस अगोदरच

9 लाख विद्यार्थ्यांनी नेट परीक्षेचा पेपर दिला होता.

दरम्यान, लवकरच युजीसी नेट परीक्षेसाठी नवीन तारीख जाहीर करु,

असे शिक्षण मंत्रालयाने 20 जून रोजी जाहिर केले.

परीक्षेच्या तारखांसह महत्त्वाच्या सूचनांचीही घोषणा केली जाणार आहे.

नेट परीक्षेचा पेपर लीक झाल्यानंतर शिक्षणमंत्री धर्मेंद्र प्रधान यांच्यावर

चोहोबाजूंनी टीका होऊ लागली.

त्यामुळे, याप्रकरणी दोषी असणाऱ्यांवर कडक कारवाई केली जाईल, असेही प्रधान यांनी स्पष्ट केले.

Read also: https://ajinkyabharat.com/obc-movement-yevlewale-jarange/