शहरातील जुनीवस्ती परिसरात राहणाऱ्या एका तरुणाने गळफास घेऊन आत्महत्या केल्याची धक्कादायक घटना १७ फेब्रुवारीच्या मध्यरात्री उघडकीस आली. या घटनेमुळे परिसरात हळहळ व्यक्त होत असून शहरात खळबळ उडाली आहे. वैभव डूडूल (वय अंदाजे २५) असे मृत तरुणाचे नाव असून आत्महत्येमागील नेमके कारण अद्याप स्पष्ट झालेले नाही. मूर्तीजापूर शहर पोलिसांकडून या प्रकरणाचा सखोल तपास सुरू आहे.
प्राथमिक माहितीनुसार, वैभव हा आपल्या कुटुंबासह जुनीवस्ती भागात राहत होता. सोमवारी रात्री सुमारे १.३० वाजताच्या सुमारास त्याने राहत्या घरातच गळफास घेतल्याचे समोर आले. काही वेळानंतर ही बाब कुटुंबीयांच्या लक्षात येताच घरात एकच गोंधळ उडाला. कुटुंबीयांनी तातडीने त्याला खाली उतरवून खासगी वाहनाने जवळच्या रुग्णालयात दाखल केले. मात्र वैद्यकीय अधिकाऱ्यांनी तपासणी करून त्याला मृत घोषित केले.
घटनेची माहिती मिळताच मूर्तीजापूर शहर पोलिसांनी तात्काळ रुग्णालयात धाव घेत पंचनामा केला. त्यानंतर मृतदेह शवविच्छेदनासाठी पाठविण्यात आला. या प्रकरणाची आकस्मिक मृत्यू म्हणून नोंद करण्यात आली असून आत्महत्येचे कारण शोधण्यासाठी पोलिसांकडून कुटुंबीय आणि नातेवाईकांची चौकशी सुरू आहे.
Related News
बारामती पोटनिवडणूक: बिग बॉस फेम अभिजीत बिचुकले उमेदवार म्हणून रणांगणात
नागपूरची धक्कादायक घटना: मदतीसाठी आलेले तीन विद्यार्थी बनले ‘खूनाचे आरोपी’; लाल अल्टो कार आणि महागडे मोबाइलसाठी केला क्रूर खून
अकोला शहरात अल्पवयीनांकडून चाकू हल्ला; दोन आरोपी ताब्यात, तिघांचा शोध सुरू..
Akola News : अकोल्यात 3500 स्क्वेअर फूट भव्य रांगोळी; 16 तासांत साकारलं सम्राट अशोकांचं ऐतिहासिक चित्र
जोडीदाराच्या आत्महत्येप्रकरणी मोठा दिलासा; केवळ वैवाहिक वादांवरून गुन्हा ठरत नाही – Mumbai High Court चा महत्त्वपूर्ण निर्णय
रत्नागिरीत भीषण अपघात : जगबुडी नदीच्या पुलावर केमिकल टँकर पलटी, इथेनॉल पाण्यात मिसळल्याची भीती
छत्तीसगडमध्ये निर्घृण अत्याचारानंतर महिलेची हत्या ; अंबिकापूर हादरले, आरोपींचा शोध सुरू
मुंबईत धक्कादायक प्रकार: महिलांच्या ‘पिंक टॉयलेट’मध्येच सुरू अनधिकृत कॅफे; पालिकेची तातडीची कारवाई
‘भोंदूगिरीपासून हवाला रॅकेटपर्यंत?’ – अशोक खरात प्रकरणात धक्कादायक खुलासे, मुलाचाही मोठा दावा!
नाशिकमध्ये धक्कादायक ट्विस्ट! टॅब चोरीची तक्रार करणारा व्यापारीच आरोपी; 121 अश्लील व्हिडिओ उघड
Nashik Accident News : आनंदाचा प्रवास ठरला अखेरचा! दिंडोरीत कार विहिरीत कोसळून एकाच कुटुंबातील 9 जणांचा मृत्यू
अदाणी पॉवरचा महाराष्ट्र सरकारसोबत मोठा करार; 25 वर्षे वीजपुरवठा
दरम्यान, तरुण वयातच वैभवने जगाचा निरोप घेतल्याने परिसरात शोककळा पसरली आहे. मित्रपरिवार आणि स्थानिक नागरिकांकडून हळहळ व्यक्त केली जात असून नेहमीप्रमाणे वावरणारा वैभव असे टोकाचे पाऊल उचलेल, यावर अनेकांचा विश्वास बसत नाही. आर्थिक अडचण, वैयक्तिक कारणे किंवा अन्य काही कारण या निर्णयामागे आहे का, याचा तपास पोलिसांकडून केला जात आहे. घटनेचा पुढील तपास मूर्तीजापूर शहर पोलीस स्टेशनकडून सुरू आहे.
