मुंबईच्या वाहतूक व्यवस्थेत ऐतिहासिक बदल घडवणाऱ्या ऑरेंज गेट ते मरिन ड्राइव्ह भुयारी बोगदा प्रकल्पाच्या कामाने आता वेग घेतला आहे. मुंबईतील पहिल्यावहिल्या भूमिगत शहरी बोगद्याच्या खोदकामात महत्त्वाचा टप्पा गाठण्यात आला असून, तब्बल 250 मीटर बोगद्याचे काम यशस्वीरीत्या पूर्ण करण्यात आले आहे. ‘एमएमआरडीए’च्या महत्त्वाकांक्षी प्रकल्पामुळे दक्षिण मुंबईतील वाहतूक कोंडी कमी होण्यास मोठी मदत होणार आहे.
डिसेंबर 2025 मध्ये ‘मावळा’ या अत्याधुनिक टनेल बोरिंग मशीनने (TBM) खोदकामाला सुरुवात केली होती. गेल्या पाच महिन्यांत या मशिनच्या मदतीने कठीण भूभाग आणि दाट लोकवस्तीखालून सुरक्षितरित्या 250 मीटरपर्यंत भुयारीकरण करण्यात यश आले आहे. विशेष म्हणजे, हा बोगदा पश्चिम रेल्वे, मध्य रेल्वे आणि मुंबई मेट्रो-3 मार्गाखालून जाणार असल्याने अभियांत्रिकीच्या दृष्टीने हा अत्यंत आव्हानात्मक प्रकल्प मानला जात आहे.
गिरगाव चौपाटीपर्यंत विस्ताराचा निर्णय
सुरुवातीला पूर्व द्रुतगती महामार्ग ते मरिन ड्राइव्ह असा प्रस्तावित असलेला हा मार्ग आता पुढे गिरगाव चौपाटीपर्यंत वाढवण्यात येणार आहे. त्यामुळे दक्षिण मुंबईतील कनेक्टिव्हिटी आणखी मजबूत होईल. या प्रकल्पामुळे सिग्नलमुक्त आणि कोंडीमुक्त प्रवासाची सुविधा उपलब्ध होणार असून, वाहनधारकांचा वेळ आणि इंधन दोन्हीची मोठ्या प्रमाणात बचत होईल.
Related News
Pune Metro Update 2026: 23 किमीच्या हिंजवडी-शिवाजीनगर मेट्रोमुळे मोठा दिलासा; 12 स्थानकं जूनमध्ये सुरू, ट्रिपल कनेक्टिव्हिटीचा फायदा
पेट्रोल-डिझेल बचतीसाठी सरकार अक्शन मोडमध्ये; आशिष शेलार यांची मोठी घोषणा
Nagpur News : पत्नीसोबत सतत वाद, पतीचा मानसिक तोल ढासळला; 5व्या मजल्याच्या सज्जावर अडकला, थरारक रेस्क्यू
मोठी बातमी! भोंदू खरात प्रकरणात रोहित पवारांचा सर्वात मोठा गौप्यस्फोट; “पैसे घेऊन अनेकांना बाहेर काढलं जातंय”
धक्कादायक घटना! पोहण्याचा अनुभव असूनही विहिरीच्या खोल पाण्याचा अंदाज चुकला, तरुणाचा अंत
104 गावांमधून धावणार 14 पदरी महामार्ग, ‘तिसऱ्या मुंबई’च्या विकासाला मोठी चालना
Mumbai News: मुंबईकरांसाठी दिलासादायक बातमी! ‘गोरेगाव-मुलुंड लिंक रोड’चा पहिला टप्पा जूनपूर्वी सुरू; 12.2 किमी प्रकल्पामुळे ट्रॅफिकमधून मोठी सुटका
धक्कादायक आकडा! महाराष्ट्रात रेल्वे प्रवास सर्वाधिक धोकादायक; NCRB च्या अहवालात 20,519 गुन्ह्यांची नोंद
मुंबईसारख्या दाट लोकसंख्या असलेल्या शहरात जमिनीखाली तब्बल 50 मीटर खोल बोगदा तयार करणे हे मोठे तांत्रिक आव्हान मानले जाते. मात्र, आधुनिक तंत्रज्ञानाच्या साहाय्याने हे काम वेगाने सुरू आहे. या प्रकल्पासाठी देशातील सर्वात मोठ्या स्लरी शील्ड टीबीएमचा वापर केला जात आहे. ‘मावळा’ नावाच्या या मशीनचे कटरहेड 12.19 मीटर व्यासाचे असून त्याची लांबी 80 मीटर आणि वजन तब्बल 2,400 टन आहे.
4.8 किमी लांबीचे दुहेरी बोगदे
या संपूर्ण प्रकल्पात 4.8 किलोमीटर लांबीचे दुहेरी बोगदे बांधले जात आहेत. प्रत्येक बोगद्यात दोन वाहतूक मार्ग आणि एक आपत्कालीन लेन असणार आहे. वाहनांना या मार्गावर ताशी 80 किलोमीटर वेगाने प्रवास करता येणार असून, सुरक्षेच्या दृष्टीने प्रत्येक 300 मीटर अंतरावर क्रॉस पॅसेज तयार करण्यात येणार आहेत.
या मार्गामुळे पूर्व द्रुतगती महामार्ग, मानखुर्द, चेंबूर, दक्षिण मुंबई, अटल सेतू आणि कोस्टल रोड यांच्यातील संपर्क अधिक वेगवान होणार आहे. विशेषतः ऑरेंज गेट परिसरातील वाहतूक कोंडी कमी करण्यासाठी हा प्रकल्प अत्यंत महत्त्वाचा ठरणार आहे.
40 मिनिटांचा प्रवास फक्त 5 मिनिटांत
सध्या पूर्व उपनगरातून दक्षिण मुंबईत पोहोचण्यासाठी वाहनचालकांना मोठ्या वाहतूक कोंडीचा सामना करावा लागतो. मात्र, हा बोगदा सुरू झाल्यानंतर 40 मिनिटांचा प्रवास अवघ्या 5 मिनिटांत पूर्ण होणार असल्याचा दावा अधिकाऱ्यांकडून करण्यात येत आहे. त्यामुळे कार्यालयीन वेळेतील वाहतूक ताण कमी होण्यास मदत होईल.
मुंबईतील वाढती लोकसंख्या, वाहनांची वाढती संख्या आणि मर्यादित रस्ते यामुळे शहरात नवे पर्याय शोधण्याची गरज निर्माण झाली होती. त्यातूनच या भुयारी बोगद्याची संकल्पना पुढे आली. हा प्रकल्प पूर्ण झाल्यानंतर मुंबईच्या वाहतूक व्यवस्थेत मोठी क्रांती घडण्याची शक्यता व्यक्त केली जात आहे.
अभियांत्रिकी क्षेत्रातील मोठा विक्रम
या प्रकल्पाकडे केवळ वाहतूक सुविधेच्या दृष्टीने नव्हे, तर भारतातील आधुनिक शहरी अभियांत्रिकीचा नमुना म्हणूनही पाहिले जात आहे. रेल्वे मार्ग, मेट्रो आणि उंच इमारतींच्या खाली सुरक्षितरित्या बोगदा तयार करणे हे अत्यंत जटिल काम असते. मात्र, अत्याधुनिक तंत्रज्ञान, रिअल-टाइम मॉनिटरिंग आणि उच्च दर्जाच्या सुरक्षा प्रणालींच्या साहाय्याने हे काम यशस्वीरीत्या पुढे सरकत आहे.
एमएमआरडीएच्या या प्रकल्पामुळे भविष्यात मुंबईमध्ये आणखी भुयारी मार्गांची उभारणी करण्याचा मार्ग मोकळा होऊ शकतो. शहरातील वाहतूक व्यवस्थेचा चेहरामोहरा बदलणारा हा प्रकल्प मुंबईकरांसाठी खऱ्या अर्थाने ‘गेमचेंजर’ ठरणार असल्याचे मानले जात आहे.
read also : https://ajinkyabharat.com/upis-single-payment-exposes-jhala-khunachas-crime-3-accused-arrested/
