अकोट : स्थानिक श्रीजी कॉलनी परिसरातील सेंट पॉल्स अकॅडमी, अकोट येथे दिनांक १४ फेब्रुवारी २०२६ रोजी मातृ-पितृ पूजन दिवस मोठ्या उत्साहात आणि भक्तीभावाने साजरा करण्यात आला. विद्यार्थ्यांमध्ये आई-वडिलांविषयी कृतज्ञता, आदर आणि प्रेमाची भावना निर्माण व्हावी या उद्देशाने या कार्यक्रमाचे आयोजन करण्यात आले होते.
कार्यक्रमाच्या अध्यक्षस्थानी नवनीत लखोटीया आणि लुणकरन डागा होते. प्रमुख पाहुणे म्हणून प्रमोद चांडक उपस्थित होते. यावेळी मुख्याध्यापक विजय बिहाडे, उपमुख्याध्यापिका ममता श्रावगी, रिंकू अग्रवाल तसेच पर्यवेक्षक अभिजीत मेंढे, मालती महाले, सारिका रेळे आणि वैशाली गावत्रे यांची मंचावर उपस्थिती लाभली.
मातृ-पितृ पूजन दिनाचा कार्यक्रम श्री योग वेदांत सेवा समिती, अकोट यांच्या सहकार्याने आयोजित करण्यात आला होता. समितीचे सदस्य सतीश गुप्ता, राकेश मनवाणी, जीवन पाटील, गजानन मोहोळ, माधुरी नाथे आणि भारती भुस्कट यांनीही कार्यक्रमात सहभाग नोंदवला.
Related News
JEE Main 2026 सेशन 2 परीक्षा उद्यापासून; फोटो आयडीशिवाय प्रवेश नाही
उत्तर प्रदेश : भारताचा शिक्षणाचा हब –84 विद्यापीठे,8114 महाविद्यालये
अकोट : चंडिकापूरमध्ये नाली व पेव्हर ब्लॉक कामात गैरव्यवहाराचा आरोप; चौकशीची मागणी
SSC Paper Checking वाद : सहावीच्या मुलींकडून दहावीचे पेपर तपासल्याचा आरोप; तक्रारदार कर्मचाऱ्यावरच निलंबनाची कारवाई
Viral Video: केरळमधील मुस्लीम मुलानं गणेश वंदना गायून ‘मानवतेचा धर्म’ दाखवला
राम नवमी 2026 कधी आहे? जाणून घ्या अचूक तारीख आणि शुभ मुहूर्त
Nagpur News : गणिताचे उत्तर चुकले म्हणून शिक्षकाचा संताप; पाचवीतील विद्यार्थिनीला बेदम मारहाण, हात फ्रॅक्चर
ऑपरेशन ‘प्रहार’ची अकोट ग्रामीण पोलिसांची मोठी कारवाई, जुगार अड्ड्यावर धाड; सहा जण ताब्यात, १.२२ लाखांचा मुद्देमाल जप्त
हैदराबाद रिसेप्शनमध्ये रश्मिका–विजयचा पारंपरिक लूक; सोन्याच्या दागिन्यांनी वेधले लक्ष
भाजप-एमआयएम युतीनंतर आमदारांवरील कारवाई फक्त चर्चेत !
दहिहांडा पोलिसात माती चोरीचा गुन्हा दाखल , नायब तहसीलदार सोनोने यांची धडक कारवाई
कार्यक्रमाचे सूत्रसंचालन मनीषा रोहनकर आणि भरत तेवाणी यांनी अत्यंत प्रभावीपणे केले. यावेळी देवेंद्र बोडखे यांनी आपल्या भाषणातून आई-वडिलांचे जीवनातील अनन्यसाधारण महत्त्व अधोरेखित केले. त्यांनी विद्यार्थ्यांना पालकांचा सन्मान राखण्याचे आणि त्यांच्या त्यागाची जाणीव ठेवण्याचे आवाहन केले. भरत तेवाणी यांनी मातृ-पितृ पूजनाची योग्य पद्धत समजावून सांगत या दिवसाचे सांस्कृतिक आणि नैतिक महत्त्व स्पष्ट केले.
या कार्यक्रमात विद्यार्थ्यांनी आपल्या आई-वडिलांचे पूजन करून त्यांच्याप्रती कृतज्ञता व्यक्त केली. भावनिक वातावरणात अनेक पालकांनी आपले मनोगत व्यक्त करत शाळेच्या या उपक्रमाचे कौतुक केले. अशा कार्यक्रमांमुळे कुटुंबातील नातेसंबंध अधिक दृढ होतात, असे मत पालकांनी मांडले.
कार्यक्रमाच्या शेवटी माधुरी मानकर यांनी आभार प्रदर्शन केले. कार्यक्रमाच्या यशस्वी आयोजनासाठी दिक्षिता चोपडे, आनंद काळमेघ, सुदर्शन अंभोरे, शुभम कळसकर, वैभव हिंगणकर, नारायण वानखडे तसेच सर्व शिक्षक व शिक्षकेत्तर कर्मचाऱ्यांनी अथक परिश्रम घेतले. हा उपक्रम विद्यार्थ्यांच्या सर्वांगीण विकासासोबतच संस्कारक्षम शिक्षणाची जपणूक करणारा ठरला.
