हॉटेलमध्ये मित्रांसोबत जेवण, बाहेर पडताच 57 तोळे सोन्याची थरारक लूट; विश्वासू मित्रच निघाला मास्टरमाइंड
खारघरमध्ये धक्कादायक घटना; 7 आरोपी अटकेत, पोलिसांनी संपूर्ण सोनं केलं जप्त
नवी मुंबईतील खारघर परिसरात घडलेल्या एका धक्कादायक आणि थरारक लूटप्रकरणाने संपूर्ण शहर हादरले आहे. विश्वासू मित्रासोबत हॉटेलमध्ये जेवण करून घरी परतणाऱ्या व्यावसायिकावर जीवघेणा हल्ला करून तब्बल 57 तोळे सोन्याचे दागिने लुटण्यात आले. मात्र या प्रकरणातील सर्वात मोठा धक्का म्हणजे फिर्यादीचा जवळचा मित्रच या संपूर्ण कटाचा सूत्रधार असल्याचे पोलीस तपासात उघड झाले आहे. खारघर पोलिसांनी या प्रकरणी आतापर्यंत सात आरोपींना अटक केली असून लुटलेले सर्व सोन्याचे दागिनेही हस्तगत करण्यात यश मिळवले आहे.
नेमकं काय घडलं?
मिळालेल्या माहितीनुसार, सुशांत नामदेव मोरे हे बेलापूर येथील एका हॉटेलमध्ये आपल्या मित्रांसोबत जेवणासाठी गेले होते. रात्री उशिरा जेवण आटोपल्यानंतर ते आपल्या मित्रांसह कारने खारघरमधील घरी परतत होते. घराजवळ पोहोचताच अचानक तीन अज्ञात व्यक्तींनी त्यांच्या वाहनाला अडवले.
घटना इतक्या वेगाने घडली की कोणालाही सावरायला वेळ मिळाला नाही. आरोपींनी सुशांत मोरे आणि त्यांच्या मित्रांवर धारदार शस्त्रांनी हल्ला चढवला. झटापटीदरम्यान सुशांत यांच्या हातावर चाकूने वार करण्यात आला. या गोंधळाचा फायदा घेत आरोपींनी चालकाकडे असलेले तब्बल 57 तोळे सोन्याचे दागिने हिसकावून घेतले आणि काही क्षणांत घटनास्थळावरून फरार झाले.
Related News
‘धुरंधर’मध्ये रणवीर सिंहने रचला इतिहास; सचिन पिळगांवकरांनी केलं मोठं कौतुक
‘तुम तो ठहरे परदेसी’ फेम जहीर आलम यांचा अंत; 30 वर्षे गाजलेल्या गाण्यामागची वेदनादायक कहाणी
नेपाळचे पंतप्रधान होताच भारताविरोधी निर्णयांचा धडाका, अवघ्या 45 दिवसांतच मोठा वाद
घड्याळ डाव्या हातात घालण्यामागे आहे भन्नाट इतिहास
एमआयएमच्या बड्या नेत्याशी नाते’, मंत्री संजय शिरसाटांचा खळबळजनक दावा
दिवसा नोकरी, रात्री अभ्यास; UPSC मध्ये AIR 6 मिळवणाऱ्या सृष्टी डबासची प्रेरणादायी यशोगाथा
US-Iran Conflict 2026: ट्रम्प यांचा धक्कादायक निर्णय! इराणचा शांतता प्रस्ताव फेटाळला, 48 तासांत युद्धाची भीषण शक्यता
दिल्ली दौऱ्यावर देवेंद्र फडणवीसांचा मोठा हल्लाबोल; राहुल गांधींच्या ‘समज’वर सवाल
UPI च्या एका पेमेंटमुळे उघड झाला खुनाचा थरार! 3 आरोपी ताब्यात, सुवेंदू अधिकारींच्या PA च्या हत्येमागचं धक्कादायक सत्य समोर
VIDEO: इम्रान हाश्मीची गाणी, बाथरूममधून Video Call; एका Rapido Ride ने तरुणीला दिला मानसिक धक्का
Ahmedabad Family Kidnap Case: 1 कोटींच्या डंकी रूट डीलनंतर भारतीय कुटुंबाचं अपहरण, ‘बाबा खान’च्या धमकीने खळबळ
या घटनेनंतर परिसरात एकच खळबळ उडाली. भरवस्तीत इतक्या नियोजनबद्ध पद्धतीने झालेल्या लुटीमुळे नागरिकांमध्ये भीतीचे वातावरण निर्माण झाले होते.
पोलिसांची वेगवान कारवाई
घटनेची माहिती मिळताच खारघर पोलिसांनी तातडीने तपास सुरू केला. सहाय्यक पोलीस आयुक्त विक्रम कदम यांच्या मार्गदर्शनाखाली चार विशेष तपास पथके तयार करण्यात आली. सीसीटीव्ही फुटेज, मोबाईल लोकेशन, तांत्रिक तपास आणि गुप्त बातमीदारांच्या मदतीने पोलिसांनी तपासाची चक्रे वेगाने फिरवली.
तपासादरम्यान पोलिसांच्या संशयाची सुई सुशांत मोरे यांचा जवळचा मित्र अभिनंदन माळी याच्याकडे वळली. सुरुवातीला पोलिसांना त्याच्यावर संशय घेणे कठीण जात होते, कारण तो फिर्यादीचा विश्वासू मित्र मानला जात होता. मात्र चौकशी अधिक सखोल केल्यानंतर धक्कादायक सत्य समोर आले.
मित्रानेच रचला कट
पोलिस चौकशीत अभिनंदन माळी याने गुन्ह्याची कबुली दिली. त्याने आपल्या पत्नी, मेहुणा आणि गावाकडील काही साथीदारांच्या मदतीने ही संपूर्ण लूट आखल्याचे समोर आले. सुशांत मोरे यांच्याकडे मोठ्या प्रमाणात सोन्याचे दागिने असल्याची माहिती त्याला आधीपासून होती. त्याच माहितीच्या आधारे त्याने मित्राला लक्ष्य करत लुटीचा प्लॅन तयार केला.
विश्वासाच्या नात्यालाच तडा देणाऱ्या या घटनेमुळे परिसरात संताप व्यक्त केला जात आहे. “मित्राच्या नावाखाली एवढा मोठा विश्वासघात होऊ शकतो का?” असा सवाल नागरिकांकडून उपस्थित केला जात आहे.
पाच जिल्ह्यांत शोधमोहीम
घटनेनंतर आरोपी फरार झाले होते. त्यांना पकडण्यासाठी पोलिसांनी मोठी शोधमोहीम हाती घेतली. सांगली, सातारा, सोलापूर आणि पंढरपूरसह अनेक भागांत छापेमारी करण्यात आली. आरोपी पालखी सोहळ्याच्या गर्दीत मिसळून पोलिसांना चकवा देण्याचा प्रयत्न करत होते.
मात्र पोलिसांनी अत्यंत हुशारीने सापळा रचत मुख्य आरोपींसह सात जणांना पंढरपूर परिसरातून ताब्यात घेतले. या कारवाईमुळे पोलिसांच्या तपास कौशल्याचे कौतुक होत आहे.
57 तोळे सोनं आणि वाहनं जप्त
अटकेत घेतलेल्या आरोपींकडून पोलिसांनी लुटलेले संपूर्ण 57 तोळे सोन्याचे दागिने जप्त केले आहेत. याशिवाय गुन्ह्यात वापरलेला धारदार चाकू, एक मारुती स्विफ्ट कार आणि एक रायडर मोटारसायकलही हस्तगत करण्यात आली आहे.
सध्या या प्रकरणातील पाच आरोपींना न्यायालयीन कोठडी सुनावण्यात आली असून दोन आरोपी पोलीस कोठडीत आहेत. खारघर पोलीस ठाण्याचे पोलीस निरीक्षक अशोक डमाळे पुढील तपास करत आहेत.
नागरिकांमध्ये भीतीचं वातावरण
भरवस्तीत घडलेल्या या प्रकारामुळे नवी मुंबई परिसरात नागरिकांमध्ये भीतीचे वातावरण आहे. विशेषतः ओळखीच्या व्यक्तींवर सहज विश्वास ठेवताना सावध राहण्याची गरज या घटनेतून अधोरेखित झाली आहे.
पोलिसांनी नागरिकांना मोठ्या प्रमाणात रोख रक्कम किंवा दागिने वाहून नेताना सतर्क राहण्याचे आवाहन केले आहे. तसेच संशयास्पद हालचाली दिसल्यास तातडीने पोलिसांना माहिती देण्याचे सांगितले आहे.
