यवतमाळ जिल्ह्यातील यवतमाळ मधील आर्णी परिसरात अमली पदार्थांच्या तस्करीविरोधात पोलिसांनी मोठी कारवाई करत एक मोठे रॅकेट उघडकीस आणले आहे. नागपूर-तुळजापूर महामार्गावर सुकळी फाट्याजवळील धाब्यावर छापा टाकून सुमारे ३० किलो ड्रग्ज बनविण्याचे पावडर आणि एम.डी. (मेफेड्रोन) जप्त करण्यात आले. या कारवाईमुळे संपूर्ण जिल्ह्यात खळबळ उडाली आहे.
मिळालेल्या माहितीनुसार, स्थानिक गुन्हे शाखेला काही दिवसांपूर्वी गोपनीय माहिती मिळाली होती की महामार्गालगत असलेल्या एका धाब्यावर मोठ्या प्रमाणात अमली पदार्थांचा साठा करून त्यांची विक्री केली जात आहे. या माहितीची खातरजमा केल्यानंतर स्थानिक गुन्हे शाखा (LCB) आणि आर्णी पोलिसांनी बुधवारी सायंकाळी सुमारे चार वाजताच्या सुमारास सापळा रचत संयुक्त कारवाई केली. Nayara Energyच्या ‘नायरा पेट्रोल पंपा’जवळील धाब्यावर टाकलेल्या या छाप्यात पोलिसांना दीड पोते, म्हणजेच अंदाजे २५ ते ३० किलो संशयास्पद पावडर आणि एम.डी. ड्रग्ज आढळून आले.
जप्त करण्यात आलेला पदार्थ नेमका कोणता आहे, याची खात्री करण्यासाठी फॉरेन्सिक पथकाला घटनास्थळी बोलावण्यात आले. रात्री उशिरापर्यंत तांत्रिक तपासणी सुरू होती. प्राथमिक अंदाजानुसार हा साठा ड्रग्ज निर्मितीसाठी वापरला जाणारा असल्याची शक्यता व्यक्त केली जात आहे. या प्रकरणाचा तपास पुढे जात असताना आंतरराज्य स्तरावर कार्यरत असलेल्या ड्रग्ज रॅकेटचा धागादोरा मिळण्याचीही शक्यता पोलिसांकडून वर्तवली जात आहे.
Related News
Nagpur Crime: 3 मित्रांचा ड्रग्ज पार्टीचा धक्कादायक प्लॅन फसला; नामांकित हॉटेलवर पोलिसांची धाड, एमडीसह रंगेहात अटक
Beed Crime 2026 : 21 वर्षीय तरुणाची निर्घृण हत्या! क्षुल्लक वादातून मित्रावर चाकूने 15 हून अधिक वार? अंबाजोगाई हादरली
नाशिक Crime News: 14.92 लाखांचा हायटेक गुटखा रॅकेट उद्ध्वस्त! रिमोटने नंबर प्लेट गायब करणाऱ्या टोळीचा धक्कादायक भांडाफोड
अकोल्यातील धक्कादायक खूनप्रकरण: अवघ्या 3 तासांत एलसीबीचा मोठा खुलासा, अकस्मात मृत्यूचा बनाव फसला
पैशाच्या वादातून मित्राचा खून; 3 तासांत पोलिसांनी उघड केला मोठा बनाव धक्कादायक सत्याने हादरले अकोला
ऑपरेशन प्रहार : अकोटजवळ जुगार अड्ड्यावर पोलिसांचा छापा, ७.८८ लाखांचा मुद्देमाल जप्त
Mumbai Crime: मराठी अभिनेत्रींच्या देहव्यापार रॅकेटचा धक्कादायक पर्दाफाश! एका रात्रीसाठी 2 लाखांचा सौदा, पोलिसांची मोठी कारवाई
Big Breaking : गिरगावातील देह व्यापार रॅकेटचा पर्दाफाश! 2 अभिनेत्रींची सुटका, सेलिब्रिटी मेकअप आर्टिस्ट रंगेहाथ अटकेत
राम मंदिर देणगी चोरी प्रकरण : 8 आरोपींच्या घरांवर एकाचवेळी छापे, पोलिसांच्या तपासात धक्कादायक खुलासे
नागपुरात थरारक हत्याकांड पोलीसची धडक कारवाई; 3 जणांनी मित्रालाच संपवलं, रेल्वे ट्रॅकवर फेकला मृतदेह
चेन स्नेचिंगनंतर कल्याणच्या इराणी टोळ्यांची ड्रग्स व्यवसायात घातक एंट्री; 130 तस्करांवर कारवाई
धक्कादायक! तोतया CBI अधिकाऱ्यांचा पर्दाफाश; १२ तासांत २५ लाखांची लूट उघड, दोन आरोपी अटकेत
दरम्यान, सुमारे चार महिन्यांपूर्वी नगर परिषदेचे आरोग्य सभापती अनवर पठाण यांनी शहरात अवैध ड्रग्ज विक्री होत असल्याची लेखी तक्रार पोलिसांकडे केली होती. या तक्रारीची गंभीर दखल घेत ठाणेदार सुरटकर आणि स्थानिक गुन्हे शाखेच्या पथकाने नियोजनबद्ध पद्धतीने ही कारवाई पार पाडली. पोलिसांनी धाबा चालकाला ताब्यात घेतले असून त्याची चौकशी सुरू आहे.
या घटनेमुळे आर्णी परिसरात अमली पदार्थांचे जाळे किती खोलवर रुजले आहे, याबाबत चिंता व्यक्त केली जात आहे. पोलिसांनी पुढील तपास सुरू ठेवत पुरवठा साखळी, संबंधित आरोपी आणि संभाव्य नेटवर्क यांचा शोध घेण्यावर भर दिला आहे.
