शेंदुर्जन: काळ बदलला, आयुष्याच्या धावपळीमध्ये प्रत्येकजण गडबडीत होता, तरीही शाळेतील मैत्रीची उब आजही तितकीच घट्ट आहे, याची जाणीव २८ डिसेंबर रोजी शेंदुर्जनमध्ये झाली. वसंतराव नाईक विद्यालय, शेंदुर्जनच्या १९९५-९६ च्या दहावीच्या बॅचचे स्नेहसंमेलन मोठ्या उत्साहात पार पडले.
तब्बल ३० वर्षांनंतर पुन्हा एकत्र आलेल्या माजी विद्यार्थ्यांमुळे जणू ‘भावनिक शाळा’च उभी राहिल्याचे चित्र दिसत होते. कार्यक्रमाच्या अध्यक्षस्थानी तेजराव ठोसरे सर होते. सरस्वती पूजन, तसेच छत्रपती शिवाजी महाराज, डॉ. बाबासाहेब आंबेडकर आणि राजमाता जिजाऊ यांच्या प्रतिमांना अभिवादन करत कार्यक्रमाची सुरुवात झाली.
या स्नेहसंमेलनाचे वैशिष्ट्य म्हणजे फक्त महाराष्ट्रातून नव्हे, तर दुबई व इंग्लंडसारख्या परदेशातूनही माजी विद्यार्थी उपस्थित होते. बारामती, मुंबई, पुणे, छत्रपती संभाजीनगर यासह एकूण ६५ विद्यार्थ्यांनी सहभाग नोंदवला.
Related News
‘इको-फ्रेंडली’ होळी आणि ‘सशस्त्र सेना ध्वज दिन’ निधी संकलन उपक्रम उत्साहात संपन्न
शेंदुर्जन : सहायक स्तरावरील ई-पीक पाहणी मोहीम सुरू, शेतकऱ्यांना नोंदणीचे आवाहन
पातुर येथील हाजी सैय्यद अकबर उर्दू हायस्कूलमध्ये प्रजासत्ताक दिन उत्साहात साजरा
स्व. गुलाबरावजी बांबल विद्यालयात प्रजासत्ताक दिनानिमित्त संविधानाचे महत्त्व कार्यक्रम
लोहारी खुर्द येथे त्रिदिवसीय प्रजासत्ताक सोहळा उत्साहात संपन्न
बोरगाव मंजू जि.प. शाळा मुख्याध्यापक साहेबराव मोरडे यांचा भावपूर्ण निरोप व सत्कार
महात्मा गांधी कनिष्ठ महाविद्यालयात पत्रकार दिनाचे आयोजन व सत्कार
लोहारी खुर्दमध्ये महापरिनिर्वाण दिन साजरा
जि.प. शाळा लोहारी खु. येथे संविधान दिन उत्साहात साजरा
क्रांतिसूर्य बिरसा मुंडा : जीवनकार्य व आदिवासी योगदानाची शाळांमध्ये केली महत्त्वपूर्ण ओळख
2007 च्या दहावीच्या विद्यार्थ्यांचा मेळावा उत्साहात पडला पार
कार्यक्रमात शिक्षकांचा भावपूर्ण सत्कार करण्यात आला. ठोसरे सर, आर. के. वाघ सर, एल. एल. वाघ सर, संतोषराव चेके सर, श्याम बोंद्रे सर आणि सुधाकर गायकवाड सर यांचा शाल व श्रीफळ देऊन सन्मान करण्यात आला. विद्यार्थ्यांनी कृतज्ञतेची भावना व्यक्त केली, तर शिक्षकांनी शिष्यांच्या प्रगतीबद्दल समाधान व्यक्त केले.
कार्यक्रमाचे प्रास्ताविक ह.भ.प. दामू अण्णा शिंगणे यांनी केले, सूत्रसंचालन संजय चोपडे सर यांनी केले, तर आभार प्रदर्शन पुरुषोत्तम सुरसे यांनी केले. मनोगत, चर्चा व स्नेहभोजनानंतर, पुढील वर्षी पुन्हा भेटण्याचा संकल्प घेऊन सोहळा संपन्न झाला.
