मुंबई– बॉलिवूड अभिनेता शाहरुख खान हा अनेकांचा लाडका आहे. त्याने आपल्या चित्रपटातून प्रेक्षकांची मनं तर जिंकलीच सोबतच त्यांच्या वागण्यातूनही तो किंग खान का आहे याची प्रचिती चाहत्यांना येत असते. चाहते नेहमीच त्याच्याबद्दल आणि त्याच्या कुटुंबाबद्दल जाणून घेण्यास उत्सुक असतात. शाहरुख नेहमीच त्याच्या कुटुंबासोबत क्वालिटी टाइम घालवताना दिसतो. आता शाहरुखचा एक व्हिडिओ सोशल मीडियावर व्हायरल होताना दिसतोय ज्यात तो त्याचा मुलगा अबरामसोबत दिसतोय. हा व्हिडीओ सोमवारी ईडन गार्डनवर झालेल्या केकेआर आणि दिल्ली कॅपिटल यांच्यातील सामन्यादरम्यानचा आहे. या सामन्यासाठी शाहरुखने त्याचा मुलगा अबरामसोबत स्टेडियमवर हजेरी लावली होती. या मॅचदरम्यान अबराम आणि शाहरुख यांच्यामध्ये झालेल्या छोट्याश्या गोड भांडणाचा व्हिडिओ सध्या सोशल मीडियावर व्हायरल होत आहे.
स्टेडियममधील या व्हिडिओत अबराम आणि शाहरुख मॅच बघताना दिसत आहेत. हा व्हिडिओ सध्या प्रचंड व्हायरल होतोय. या व्हिडिओमध्ये अबराम वडिलांवर दादागिरी करताना दिसतोय. सुरुवातीला तर त्या दोघांमध्ये काहीतरी बोलणं होतं. त्यानंतर शाहरुख लाडातच दोन्ही हातांनी आपल्या लेकाचा गळा दाबताना दिसतो. किंवा तसे हातवारे करतांना दिसतो. त्यानंतर अबराम त्याचे दोन्ही हात बाजूला ढकलतो. आणि त्याच्यावर रागावतो. तो शाहरुखच्या दिशेने एक बोट करून जणू त्याला धमकीच देतोय असं करू नका. त्यानंतर शाहरुखही मान हलवतो. या बाप लेकाची ही केमिस्ट्री पाहून चाहते त्यांच्यावर फिदा झाले आहेत. त्यांच्यातील नातं बापलेकाचं नसून मैत्रीचं असल्याचं दिसून येतं. नेटकऱ्यांनीही आपल्या प्रतिक्रिया दिल्या आहेत.
एका नेटकऱ्याने लिहिलं, ‘अरे तो म्हणतोय बघा मी बोललेलो ना हा आऊट होणार हा आऊट झाला.’ आणखी एकाने लिहिलं, ‘किती गोड दिसतायत दोघेही.’ दुसर्याने लिहिलं, ‘त्यांना कुणाची नजर लागायला नको.’ आणखी एकाने लिहिलं, ‘वडिलांवर कसा हक्क दाखवतोय.’ शाहरुखच्या कामाबद्द्दल सांगायचं तर तो शेवटचा ‘जवान’ आणि ‘डंकी’ चित्रपटात दिसला होता. त्याच्या चित्रपटाने १०० कोटींचा आकडा पार केला होता.
Related News
“Mumbai Dolphin Sighting: वरळी सी फेसवर डॉल्फिन्सचे आगमन, मुंबईकरांनी अनुभवला निसर्गाचा 1 अद्भुत क्षण”
हसीन मस्तान मिर्झा: अंडरवर्ल्डच्या वारसाची सोशल मीडिया वर न्यायाची विनवणी
अक्षय खन्ना व विनोद खन्ना: बाप-मुलगा डान्सने सोशल मीडियावर गाजवले धुमाकूळ
किती महाग आहे अक्षय खन्ना याने ‘धुरंधर’ मध्ये घातलेला गॉगल ? कोणती कंपनी बनवते ?
अक्षय खन्नाचा ‘धुरंधर’ एण्ट्री व्हायरल; एक्स-गर्लफ्रेंड तारा शर्माची खास पोस्ट चर्चेत
5201314 : भारतात 2025 मध्ये लोकप्रिय झालेल्या संख्येचा अर्थ आणि ट्रेंड
सोशल मीडियावर फॅन पेजवरील फोटोवर प्राजक्ता चिडली; एआयच्या गैरवापराविरुद्ध स्पष्ट भूमिका
Rupal Tyagi Marriage 2025: आनंददायक लग्नाचे फोटो व्हायरल – चाहत्यांच्या उत्साहाला भरभराट
2025 मध्ये भारतीय सेलिब्रिटींचा ग्लोबल फॅशनवर दबदबा
2026 राहू गोचर: या 3 राशींचं भाग्य घेणार उड्डाण, पॉवरफुल बदल घडणार ठरलेला!
