नाशिक : महायुतीच्या जागावाटपात नाशिकचा पेच कायम असताना भाजपच्या दिंडोरी मतदारसंघाच्या उमेदवार आणि केंद्रीय राज्यमंत्री भारती पवारांनी राष्ट्रवादी काँग्रेसचे नेते आणि मंत्री छगन भुजबळ यांची भेट घेतली. भुजबळ फार्मवर दोन्ही नेत्यांची भेट घेतली. दिंडोरीत सहकार्य करण्याचं आवाहन पवारांनी भुजबळांना केल्याचं समजतं. नाशिकमध्ये कांदा उत्पादक शेतकऱ्यांचा प्रश्न मोठा आहे. त्यामुळे दिंडोरीत लक्ष घालण्याची विनंती पवारांनी भुजबळांकडे केली.
गुजरातच्या पांढऱ्या कांद्याला निर्यातीची परवानगी देणाऱ्या केंद्र सरकारनं महाराष्ट्रातील लाल कांद्याला मात्र निर्यातबंदी केली. त्यामुळे नाशिकमधील कांदा उत्पादक शेतकरी संतापले. शेतकऱ्यांमध्ये संतापाची लाट निर्माण झाली. कांदा पिकूनही सरकारच्या धोरणांमुळे शतकऱ्यांवर रडण्याची वेळ आली. विरोधकांनीदेखील हा मुद्दा लावून धरला. त्यामुळे मग केंद्रानं बांगलादेश, श्रीलंकेसह सहा देशांना ९९ हजार १५० टन कायदा निर्यातीची परवानगी दिली. शनिवारी हा निर्णय घेण्यात आला. पण ही घोषणा जुनीच असल्याचं शेतकरी नेत्यांचं म्हणणं आहे. सरकारनं मात्र हा निर्णय नवीन असल्याचं सांगितलं आहे. त्यामुळे संभ्रम निर्माण झाला.
भारती पवारांची अडचण काय?
दिंडोरीत विधानसभेच्या सहा जागा येतात. नांदगाव, कळवण, चांदवड, येवला, निफाड, दिंडोरी या सहाही मतदारसंघात कांदा पिकतो. कांदा हीच या मतदारसंघाची ओळख आहे. हेच इथलं प्रमुख पीक आहे. केंद्र सरकारच्या धोरणांमुळे दिंडोरी लोकसभा मतदारसंघात रोष आहे. शेतकऱ्यांचं कोट्यवधी रुपयांचं नुकसान झालं आहे. याचा फटका भारती पवारांना बसू शकतो. भारती पवारांविरोधात शरद पवारांच्या राष्ट्रवादीकडून भास्कर भगरे मैदानात आहेत. प्रत्येक भाषणात ते कांदा प्रश्नाचा उल्लेख करतात. त्यांना चांगला प्रतिसादही मिळतो. त्यामुळे भारती पवारांची धाकधूक वाढली आहे.
Related News
शिंदे सरकारच्या योजनेनं गोची; ‘लाडक्या भावां’मुळे भलतीच अडचण; कॅबिनेटमध्ये वादळी चर्चा
मी शहाबाज बोलतोय, मंत्रालयातील मुख्यमंत्री कार्यालय उडवून देऊ, पाकिस्तानी नंबरवरुन धमकी, पोलिस अलर्ट
मातोश्रीवर धूमधडाक्यात प्रवेश, शिवसेनेला नडले, सहाच महिन्यात ठाकरेंना धक्का, बड्या नेत्याची भाजपात घरवापसी
संतोष देशमुख हत्या प्रकरणात चंद्रशेखर बावनकुळे यांचे मोठे विधान, म्हणाले, आमच्या सरकारने ज्या बाबी…
माणिकराव कोकाटे, धनंजय मुंडेंचा राजीनामा अटळ? अण्णा हजारेंच्या मागणीवर चंद्रशेखर बावनकुळे स्पष्टच बोलले, म्हणाले…
आमचा देवेंद्र अत्यंत मितभाषी; कार्यकर्त्याला मारहाण, मोहोळांचा संताप, पत्नीसह जोग कुटुंबाच्या घरी भेट
कोकणात ठाकरेंना धक्क्यावर धक्के, विनायक राऊतांच्या कट्टर समर्थकाने साथ सोडली, राणेंच्या उपस्थितीत भाजप प्रवेश
पीकविमा देऊन सरकार उपकार करते काय? नाना पटोलेंचा सवाल; कृषिमंत्र्यांच्या राजीनाम्याची मागणी
बीडमध्ये मांडवली, मांडवली, मांडवली…सुरेश धस- धनंजय मुंडे भेटीवर काँग्रेस प्रदेशाध्यक्षाने केला ‘तो’ मोठा गौप्यस्फोट, महायुती धर्मावरच संकट?
फक्त दोन तास ईडी हातात द्या, अमित शाह सुद्धा मातोश्रीत येऊन शिवसेनेत प्रवेश करतील; संजय राऊत यांचा घणाघात
आपले कार्यकर्ते नुसते थुंकले तरी…, रावसाहेब दानवेंची पुन्हा जीभ घसरली, म्हणाले सिल्लोडमध्ये पाकिस्तानसारखी स्थिती
साळवींपाठोपाठ कोकणातील ठाकरे गटाच्या दुसऱ्या मोठ्या नेत्याकडून खंत व्यक्त, संजय राऊत म्हणाले…
पवारांच्या मागे भुजबळांचं बळ?
केंद्र सरकारच्या धोरणाबद्दल शेतकऱ्यांमध्ये नाराजी आहे. स्थानिक खासदार भारती पवार केंद्रात मंत्री असूनही त्यांना हा प्रश्न सोडवता न आल्यानं शेतकऱ्यांचा रोष जास्त आहे. त्याच पार्श्वभूमीवर भारती पवारांनी आज भुजबळांची त्यांच्या निवासस्थानी भेट घेतली. नाशिकचे पालकमंत्री राहिलेल्या भुजबळांचं जिल्ह्यावर चांगलं वर्चस्व आहे. ते राज्यात मंत्री आहेत. वरिष्ठ नेते आहेत. त्यामुळे त्यांनी या प्रकरणात लक्ष घातल्यास शेतकऱ्यांचा रोष कमी होईल अशी आशा पवार यांना आहे.
