वाशिम शहरातील सिव्हिल लाईन परिसरात असलेल्या महावितरणच्या विद्युत भवन कार्यालयाच्या कंपाऊंडमध्ये करण्यात आलेल्या डांबरीकरणाच्या कामाच्या दर्जाबाबत तक्रारी समोर आल्या होत्या. या कामात निकृष्ट साहित्याचा वापर झाल्याचा आरोप स्थानिक नागरिकांकडून करण्यात आला होता. संबंधित रस्त्याचे डांबरीकरण झाल्यानंतर अवघ्या काही दिवसांतच रस्ता उखडणे, चिखल निर्माण होणे व खड्डे पडणे अशी स्थिती निर्माण झाली होती. यामुळे परिसरातील नागरिकांना ये-जा करताना अडचणींचा सामना करावा लागत होता.
या पार्श्वभूमीवर अजिंक्य भारत न्यूजने या विषयाकडे लक्ष वेधत वास्तव स्थिती पुराव्यांसह जनतेसमोर मांडली होती. या वृत्तानंतर सिव्हिल विभागाने संबंधित कामाची दखल घेतली असून, निकृष्ट ठरलेल्या रस्त्याच्या दुरुस्तीचे काम सुरू करण्यात आले आहे. अधिकृत सूत्रांनी दिलेल्या माहितीनुसार, सदर कामाची तांत्रिक तपासणी करण्यात येत असून आवश्यक सुधारणा करण्याच्या सूचना देण्यात आल्या आहेत. दरम्यान, या प्रकरणात निकृष्ट कामासाठी जबाबदार असलेल्या कंत्राटदार किंवा संबंधित अधिकाऱ्यांवर कारवाई होणार का, याकडे नागरिकांचे लक्ष लागले आहे.
केवळ दुरुस्ती करून प्रकरण संपवले जाणार की कामाच्या गुणवत्तेबाबत चौकशी होणार, याबाबत अद्याप अधिकृत भूमिका स्पष्ट करण्यात आलेली नाही. स्थानिक नागरिकांनी प्रशासनाकडे कामाच्या गुणवत्तेबाबत पारदर्शक चौकशी करून दोषींवर योग्य ती कारवाई करण्याची मागणी केली आहे. अजिंक्य भारत न्यूज या प्रकरणाचा पुढील पाठपुरावा करत राहणार असून, प्रशासनाकडून मिळणाऱ्या अधिकृत माहितीनुसार जनतेला माहिती देणार आहे.
Related News
समृद्धी महामार्गावरील धक्कादायक घटना : पत्नीच्या चारित्र्यावर संशय, 3 लेकरांसमोर पतीने केला खून; जाणून घ्या 7 मोठे धक्कादायक खुलासे
3 किलोमीटर चिखलातून बैलगाडीतून वडिलांना रुग्णालयात! लेकाची जीवाची धडपड; प्रशासनाचा धक्कादायक निष्काळजीपणा उघड
वाशिम कोर्टाचा ऐतिहासिक निर्णय! मोबदला न दिल्याने NHAI चा टोल प्लाझा जप्त करण्याचे आदेश , 20 जुलैपर्यंत मुदत!
कोठडीतील मृत्यू प्रकरणात 9 पोलीसला जन्मठेप, 15 वर्षांनंतर न्यायालयाचा ऐतिहासिक निकाल
घोडबंदर रोड नामांतरावरून ‘खळबळ’ ; 16 महिन्यांतील 27 मृत्यूंनंतर ठाण्यात वाद पेटला
भव्य ‘बणजारा विरासत’ संग्रहालयाची पाहणी; मंत्री संजय राठोड यांचे 7 महत्त्वपूर्ण निर्देश, विकासाला नवी गती
मद्यप्रेमींना मोठा धक्का! इराण युद्धामुळे मद्याच्या बॉटलचा दर वाढणार?
टाटा कंपनीचा चमत्कार! 1 लाखांचे झाले 4.5 कोटी—टायटनचा भन्नाट परफॉर्मन्स
अकोट–अकोला मार्गावर खड्ड्यांचे साम्राज्य ; संबंधित विभागाच्या दुर्लक्षामुळे अपघाताचा धोका वाढला
वाशिम जिल्ह्यात ‘मुख्यमंत्री लाडकी बहीण’ योजनेच्या लाभापासून वंचित झालेल्या महिलांची जोरदार निदर्शने
