नागपूर जिल्ह्यातील हिंगणा तालुक्यात अफवेच्या आधारे घडलेल्या एका धक्कादायक घटनेने नागरिकांना हादरवून सोडले आहे. मुलं पळवणारी असल्याच्या संशयातून सुमारे ६० वर्षीय वृद्ध महिलेला जमावाने घेरून बेदम मारहाण केल्याची घटना रायपूर परिसरात घडली. मात्र पोलिसांच्या तपासानंतर ही महिला मानसिक आजाराने त्रस्त असून उपचारासाठी रुग्णालयात गेल्यानंतर रस्ता चुकल्यामुळे त्या त्या भागात पोहोचल्याचे समोर आले आहे. या घटनेमुळे अफवांवर विश्वास ठेवून कायदा हातात घेण्याच्या प्रवृत्तीबाबत गंभीर प्रश्न उपस्थित झाले आहेत.
मिळालेल्या माहितीनुसार, हिंगणा तालुक्यातील रायपूर येथे शुक्रवारी सकाळी सुमारे १० वाजण्याच्या सुमारास ही घटना घडली. रायपूर येथील नेहरू विद्यालयाजवळ परिसरात एक वृद्ध महिला फिरताना दिसली. त्याचवेळी चार वर्षांची एक लहान मुलगी किराणा दुकानाकडे जात होती. त्या वृद्ध महिलेनं त्या मुलीशी बोलण्याचा प्रयत्न केला. हा प्रकार पाहून मुलीच्या आईला संशय आला. काही वेळातच परिसरातील इतर महिलाही तेथे जमा झाल्या.
दरम्यान, त्या वृद्ध महिलेच्या हातात एक मोठी प्लास्टिकची पिशवी होती. तसेच तिच्याकडे काही औषधेही असल्याचे लोकांच्या लक्षात आले. यामुळे काहींनी असा संशय व्यक्त केला की, ही महिला मुलांना गुंगीचे औषध देऊन पिशवीत टाकून पळवते. काही क्षणातच हा संशय अफवेत बदलला आणि जमाव आक्रमक झाला.
Related News
नागपूरच्या राऊळगाव येथील SBL एनर्जी कंपनीत भीषण स्फोट ; मृतांची संख्या 23 वर
ती बाई…’ वक्तव्यावरून संताप; किर्तनकार निवृत्ती महाराजांवर घरात घुसून हल्ला, कुटुंबीयांनाही धक्काबुक्की
चौथ्या लग्नाची बातमी ऐकताच 21 वर्षीय महिलेचा आत्महत्येचा प्रयत्न
पालकांची भीती; 12 वर्षांच्या मुलाने रचला अपहरणाचा बनाव, भंडाऱ्यातील पवनीतील धक्कादायक प्रकार
नागपुरात भरचौकात रक्तरंजित हत्या : पती-पत्नीने लोकांसमोरच प्रियकरावर सपासप वार करून केली हत्या, नागरिक मात्र व्हिडिओ काढण्यात व्यस्त
Nagpur News : पिचकारीचा राग, आजीकडून नातवावर उकळते पाणी; नागपुरात चार वर्षांचा चिमुकला ४५ टक्के भाजला
Dombivli Crime News : धक्कादायक! 1 अपघात, मदतीच्या नावाखाली सोन्याची चैन लूट
Nagpur SBL Explosion Tragedy : 17 मृतांचा हृदयद्रावक अंत; “पैसे देऊन जीव परत येणार नाही” – कुटुंबीयांचा संताप
Shocking Nagpur Crime Case 2026: मामीवर अश्लील अत्याचाराचा प्रयत्न; भाच्याला अटक
Shocking 4 Arrested in Chhatrapati Sambhajinagar Crime: पार्किंग वादातून गर्भवती महिलेला बेदम मारहाण
Nagpur Crime News 2026: धक्कादायक प्रकार! इंस्टाग्राम वादातून 12 जणांचा कहर, शस्त्रांसह गाड्यांची तोडफोड
HSC Paper Leak Shock: नागपुरात बारावीचे 2 पेपर लीक प्रकरण उघड – धक्कादायक सत्य समोर
काही महिलांनी त्या वृद्ध महिलेला घेरले आणि तिला प्रश्न विचारण्यास सुरुवात केली. मात्र ती महिला घाबरलेली असल्याने स्पष्टपणे उत्तर देऊ शकत नव्हती. त्यामुळे लोकांचा संशय आणखी वाढला. परिस्थिती नियंत्रणाबाहेर गेल्यानंतर जमावाने त्या महिलेला मारहाण करण्यास सुरुवात केली. काही जणांनी तिला ढकलले, तर काहींनी तिच्यावर हात उगारला. या संपूर्ण घटनेमुळे परिसरात काही काळ तणावपूर्ण वातावरण निर्माण झाले.
घटनेची माहिती मिळताच हिंगणा पोलिसांनी तातडीने घटनास्थळी धाव घेतली. पोलिसांनी जमावाला बाजूला करत त्या महिलेला त्यांच्या तावडीतून सोडवले आणि सुरक्षिततेसाठी पोलीस ठाण्यात नेले. पोलिसांनी महिलेला प्राथमिक उपचार देत तिची चौकशी सुरू केली.
पोलिसांच्या तपासात धक्कादायक पण महत्त्वाची माहिती समोर आली. संबंधित महिला इसासनी परिसरातील रहिवासी असल्याचे निष्पन्न झाले. त्या उपचारासाठी वानाडोंगरी येथील शालिनीताई मेघे रुग्णालयात गेल्या होत्या. उपचारानंतर घरी परतताना त्या रस्ता विसरल्या आणि चुकून रायपूर परिसरात पोहोचल्या.
पोलिसांनी पुढील तपासासाठी महिलेच्या कुटुंबीयांशी संपर्क साधला. काही वेळातच तिची मुले पोलीस ठाण्यात पोहोचली. त्यांनी दिलेल्या माहितीनुसार, संबंधित महिला काही काळापासून मानसिक आजाराने त्रस्त असून त्यांच्यावर नियमित उपचार सुरू आहेत. औषधे घेण्यासाठी त्या रुग्णालयात गेल्या होत्या.ही माहिती समोर आल्यानंतर पोलिसांनी त्या महिलेला तिच्या कुटुंबीयांच्या स्वाधीन केले. सुदैवाने या घटनेत महिलेला गंभीर दुखापत झाली नाही. मात्र जमावाकडून झालेल्या मारहाणीमुळे त्या मानसिकदृष्ट्या घाबरलेल्या अवस्थेत असल्याचे सांगितले जात आहे.
दरम्यान, या घटनेचा व्हिडिओ उपस्थितांपैकी काही जणांनी मोबाईलवर शूट केला. त्यानंतर हा व्हिडिओ सोशल मीडियावर “मुलं चोरणारी टोळी पकडली” असा मथळा देत व्हायरल करण्यात आला. त्यामुळे परिसरात भीतीचे वातावरण निर्माण झाले. अनेकांनी हा व्हिडिओ पुढे शेअर केल्यामुळे अफवा आणखी वेगाने पसरली.
पोलिसांनी या प्रकरणाची दखल घेत नागरिकांना कोणतीही माहिती तपासल्याशिवाय सोशल मीडियावर शेअर करू नये, असे आवाहन केले आहे. तसेच अफवांवर विश्वास ठेवून कायदा हातात घेऊ नये, अन्यथा संबंधितांवर कायदेशीर कारवाई करण्यात येईल, असा इशाराही पोलिसांनी दिला आहे.गेल्या काही वर्षांमध्ये देशातील विविध भागांमध्ये “मुलं चोरणारी टोळी” या अफवेमुळे अशा प्रकारच्या घटना घडल्याचे अनेकदा समोर आले आहे. सोशल मीडियावरील अपूर्ण माहिती, अफवा आणि गैरसमज यामुळे निरपराध लोकांना जमावाच्या हिंसाचाराचा सामना करावा लागतो.
हिंगणा तालुक्यात घडलेली ही घटना देखील अशाच अफवांमुळे घडल्याचे स्पष्ट झाले आहे. त्यामुळे नागरिकांनी कोणतीही संशयास्पद घटना दिसल्यास स्वतः कारवाई करण्याऐवजी तातडीने पोलिसांना माहिती देणे गरजेचे आहे.ही घटना समाजासाठी एक गंभीर इशारा मानली जात आहे. अफवांवर विश्वास ठेवून केलेली घाईची प्रतिक्रिया कधी कधी निरपराध व्यक्तीच्या जीवावरही बेतू शकते. त्यामुळे नागरिकांनी संयम बाळगणे आणि सत्य पडताळून पाहणे अत्यंत आवश्यक आहे.
