घरगुती वादातून थरारक हत्या; पत्नीवर खलाने केला हल्ला
राज्याला हादरविणारी धक्कादायक घटना अमरावती शहरातील राजापेठ ठाण्याच्या हद्दीत घडली. गणपतीनगर परिसरात दोन दिवसांपूर्वी एका विवाहित महिलेचा घरात रक्तबंबाळ अवस्थेत मृतदेह आढळून आला होता. घटनेनंतर परिसरात मोठी खळबळ उडाली होती. पोलिसांकडून मारेकऱ्याचा कसून शोध सुरू होता. अखेर मंगळवारी (२ डिसेंबर) गुन्हे शाखेच्या पथकाने या प्रकरणाचा उलगडा करत मृत महिलेचा पती नितीन सुरेशराव इंगोले (३२, रा. अशोक कॉलनी, अर्जुनगर, अमरावती) याला अटक केली.
मृत महिलेचे नाव पिंकी इंगोले असून तिच्यासोबत नितीनचे अवघ्या तीन महिन्यांपूर्वीच लग्न झाले होते. विवाहानंतर दोघांमध्ये वारंवार वाद होत असल्याची माहिती पोलिस तपासात समोर आली आहे. घरगुती वाद, संशय आणि सततचे भांडण यामुळे नितीन प्रचंड मानसिक तणावात असल्याचे पोलिसांना सांगण्यात आले आहे. याच रागातून आणि कंटाळ्यातून आपण खून केल्याची कबुली आरोपी पतीने दिली आहे.
रविवारी (३० नोव्हेंबर) पहाटे पिंकी झोपेत असताना नितीनने घरातील खल उचलून तिच्या डोक्यावर वार केले. त्यानंतर तिला भिंतीवर व पिल्लरवर आपटल्याने ती गंभीर जखमी झाली आणि जागीच तिचा मृत्यू झाला. घटनेनंतर नितीनने प्रकार लपवण्याचा प्रयत्न केला; मात्र संशयास्पद हालचाली आणि प्राथमिक तपासातून पोलिसांना पुरावे मिळाले. अखेर गुन्हे शाखेच्या पथकाने आरोपीचा शोध घेऊन त्याला ताब्यात घेतले.
Related News
नांदेड शेतकरी मृत्यू प्रकरणाचा धक्कादायक खुलासा! 7 हजारांच्या कर्जासाठी ७५ हजारांची मागणी? मुख्य आरोपी फरार
शेवगा फाट्यावर तामगाव पोलिसांची मोठी कारवाई; चिल्ड्रन बँकेच्या नोटांनी फसवणूक करणारे 4 आरोपी अटकेत
8 महिन्यांची चिमुकली मध्यरात्री अंथरुणातून गायब; नाशिकमध्ये खळबळ
बारामतीत 19 वर्षीय तरुणाने डोक्यात गोळी झाडून घेतली; उपचारादरम्यान मृत्यू
कृष्ण बनून सजला, पण गळ्यातील माळच ठरली जीवघेणी; 6 वर्षीय आर्यनचा दुर्दैवी मृत्यू
पतीचा संशय अन् सासरचा छळ? कुस्तीपटू अश्विनी पौळ प्रकरणात FIR मधून धक्कादायक खुलासे
मुलाच्या तोंडात चॉकलेट… अश्विनी पौळ प्रकरणात धक्कादायक खुलासा!
अखेर भाजप नेत्याविरोधात गुन्हा दाखल; चाळीसगावातील अपघातानंतर ग्रामस्थांचा संताप
नेपाळच्या पुरात माणुसकीला काळिमा; बँकेची तिजोरी सापडताच 29 जणांनी केली लूट
समृद्धी महामार्गावर दरोडेखोरांचा धुमाकूळ; टायर फोडून प्रवाशांची लूट, 18 लाखांचा ऐवज लंपास!
दहाव्या मजल्यावरून उडी घेतली अन् झाडाला अडकली; 4 महिन्यांपूर्वीच लग्न झालेल्या महिलेचा जीव थोडक्यात वाचला
परेलमध्ये 2 गटांत तुफान राडा! हाणामारी अन् दगडफेकीने खळबळ; मुख्यमंत्र्यांचे कठोर कारवाईचे आदेश
नितीन इंगोले हा राज्य शासनाच्या पाणीपुरवठा व स्वच्छता विभागांतर्गत भुजल सर्वेक्षण व विकास यंत्रणेच्या कार्यालयात ‘प्रयोगशाळा सहायक’ पदावर कार्यरत आहे. सरकारी कर्मचारी असूनही त्याने केलेल्या निर्घृण कृत्यामुळे नागरिकांमध्ये संतापाची लाट उसळली आहे.
या प्रकरणी राजापेठ पोलिस ठाण्यात हत्या कलमान्वये गुन्हा दाखल करण्यात आला असून अधिक तपास सुरू आहे. आरोपीला न्यायालयात हजर केले असता त्याला पोलिस कोठडी सुनावण्यात आली असून घटनेतील नेमके कारण व इतर बाबींचा शोध पोलिस घेत आहेत.
read also : https://ajinkyabharat.com/malegaon-taluk-of-nashik-district-asaleya-dongarale/
