ठाणे – स्थानिक स्वराज्य संस्थांच्या निवडणुकीनंतर मतदार याद्यांतील गंभीर त्रुटी पुन्हा एकदा समोर आल्या आहेत. ठाकरे गटाचे नेते आणि माजी खासदार राजन विचारे यांनी ठाणे महापालिकेच्या 33 प्रभागांमध्ये तब्बल 67,508 दुबार मतदार असल्याचे पुरावे आयुक्त सौरभ राव यांच्याकडे सादर केले आहेत.
मतदार यादीत साडेतीन हजारांहून अधिक ‘पंकज, सुरेश आणि रमेश’ अशी एकेरी नावे आढळली असून अनेक ठिकाणी आडनावच गायब असल्याचा प्रकार उघडकीस आला आहे. “हे नेमके मतदार कोण?” असा सवाल राजन विचारे यांनी उपस्थित करत निवडणूक आयोगाच्या कारभारावर प्रश्नचिन्ह उपस्थित केलं आहे.
शंभर पार मतदारांची संख्या वाढली
मतदार यादीत 100 वर्षांहून अधिक वयाचे तब्बल 562 मतदार सापडले आहेत. इतकंच नव्हे तर 13,811 मतदारांच्या छायाचित्रांमध्ये गंभीर त्रुटी असून अनेकांचे फोटो अस्पष्ट आहेत, काहींच्या रकान्यांमध्ये फोटोच नाहीत, तर काही ठिकाणी फोटो आहेत पण समोर नावच छापलेलं नाही.
Related News
Parth Pawar News : 11 Shocking Developments in NCP Politics – पार्थ पवार आणि राष्ट्रवादीमध्ये मोठी राजकीय चर्चा
“Sunetra Pawar राष्ट्रवादी काँग्रेस पक्षाच्या राष्ट्रीय अध्यक्षपदी निवड – 2026 मधील नवा पर्व”
शिंदे सेनेचा दुसरा उमेदवार – राज्यसभेत ठाकरेची विकेट काढण्याचा दमदार प्रयत्न
5 मुद्द्यांमध्ये जयंत पाटील विधानसभेत राज्यपालांच्या अभिभाषणावर नाराजी व्यक्त, मंत्रिमंडळाला घेरलं
Supriya Sule On Sharad Pawar : मोठा निर्णय? महाविकास आघाडीत ‘हायव्होल्टेज’ घडामोडी, राज्यसभेवर कोण जाणार याचा थरार
KDMC Standing Committee Chairman : महापौर पद हुकलं, आता ‘तिजोरीच्या चाव्यांसाठी’ 5 दिग्गजांची जबरदस्त लढत!
“केशव उपाध्ये प्रदेश उपाध्यक्ष बनले: भाजपच्या नवीन कार्यकारिणीत 5 मोठे बदल”
राज्यसभेसाठी पार्थ पवारचं नाव निश्चित! Rajya Sabha Election 2026 मध्ये मोठी अपडेट, नेत्यांच्या गळ्यात खासदारकीची माळ
Chikhla Village Controversy: धक्कादायक आरोप! वाघमारेंचा जरांगे पाटलांवर गंभीर हल्लाबोल, मोठी चौकशीची मागणी
Mumbai Politics 2026: मोठा धक्का की संधी? स्वीकृत नगरसेवक निवडीत ‘पॉवर गेम’ उघड – 10 जागांवर आमदारपुत्रांची एन्ट्री!
रोहित पवार भावूक : अजित पवार यांच्या शोक प्रस्तावावर सभागृहात डोळे भरले
Mukhyamantri Teerth Darshan Yojana Closed : ज्येष्ठ नागरिकांच्या स्वप्नांना धक्का
लिंग, वय आणि EPIC क्रमांकांचा गोंधळ
तपासणी दरम्यान अनेक ठिकाणी पुरुषांच्या नावासमोर स्त्रीलिंगाचा उल्लेख, तसेच एकाच मतदाराचं नाव वेगवेगळ्या प्रभागांत वेगवेगळ्या वयासह नोंदवलेलं, आणि वेगवेगळे EPIC क्रमांक दिल्याचे प्रकार समोर आले आहेत.
काही मतदारांची नावे त्यांच्या आईपेक्षा तब्बल 52 वर्षांनी मोठी असल्याचे देखील निदर्शनास आलं आहे.
मुंबईतही मोठी गैरसोय
मुंबईतील अंधेरी पश्चिम विधानसभा मतदारसंघात 30 हजारांहून अधिक दुबार मतदार असल्याचा दावा करण्यात आला आहे. येथे मनसे विभाग अध्यक्ष मनीष धुरी यांचे नाव बंगाली भाषेत चुकीच्या स्वरूपात नोंदवण्यात आल्याचा आरोप, तसेच त्यांच्या बहिणीचे नावही चुकीच्या धर्मासह नोंदवल्यामुळे मनसे आक्रमक झाली आहे.
७ दिवसांचा अल्टिमेटम – आंदोलनाचा इशारा
राजन विचारे यांनी स्पष्ट इशारा दिला आहे की—”या सदोष मतदार याद्या तात्काळ दुरुस्त करण्यात याव्यात; अन्यथा ठाकरे गट शिवसेना रस्त्यावर उतरेल.“मनसेकडूनही 7 दिवसांत 30 हजार दुबार मतदारांची नावे हटवून यादी दुरुस्त करण्याची मागणी करण्यात आली आहे.
निवडणूक आयोगाकडे गंभीर प्रश्न
मतदार याद्यांतील या घोळामुळे निवडणूक प्रक्रियेच्या पारदर्शकतेवर गंभीर प्रश्न उपस्थित झाले आहेत. नागरिकांच्या मतदानाधिकारावरच घाला घालणाऱ्या या त्रुटी तात्काळ दुरुस्त न केल्यास निवडणूक यंत्रणेविरोधात मोठे आंदोलन उभे राहण्याची शक्यता आहे.
