अकोला जिल्ह्यातील मूर्तिजापूर तालुक्यात घडलेल्या एका प्रेरणादायी घटनेत, बेशुद्ध पडलेल्या विद्यार्थिनीने रुग्णालयाच्या खाटेवरूनच बारावीचा गणिताचा पेपर सोडवला. प्रशासनाच्या तत्परता आणि संवेदनशीलतेमुळे तिचे शैक्षणिक वर्ष वाया जाण्यापासून वाचले.
हिरापूर येथील अनंतराव देशमुख ज्युनियर कॉलेजमध्ये शिक्षण घेणारी श्रेया गुणवंतराव देशमुख ही २१ फेब्रुवारी रोजी परीक्षा केंद्रावर गणिताचा पेपर देण्यासाठी उपस्थित होती. मात्र सकाळी सुमारे १०:५० वाजता तिची प्रकृती अचानक बिघडली आणि ती चक्कर येऊन बेशुद्ध पडली. केंद्रावरील कर्मचारी आणि तिच्या पालकांनी तातडीने तिला मूर्तिजापूर येथील महाजन रुग्णालयात दाखल केले.
रुग्णालयात उपचार सुरू असतानाच प्रकृतीत थोडी सुधारणा झाल्यावर श्रेयाने पेपर देण्याची इच्छा व्यक्त केली. ही माहिती मिळताच विभागीय अध्यक्ष संदीप सांगवे यांनी तत्काळ दूरध्वनीद्वारे मार्गदर्शन करत विशेष परवानगी दिली. त्यानुसार परीक्षा केंद्र क्रमांक २०१, श्री गाडगे महाराज विद्यालय येथून प्रश्नपत्रिका व उत्तरपत्रिका पोलिसांच्या बंदोबस्तात सकाळी ११:५० वाजता रुग्णालयात पोहोचवण्यात आली.
Related News
Akola News : अकोल्यात 3500 स्क्वेअर फूट भव्य रांगोळी; 16 तासांत साकारलं सम्राट अशोकांचं ऐतिहासिक चित्र
Kalyan JEE Exam Center News : विद्यार्थ्यांनो सावध राहा, आधार कार्डामुळे विद्यार्थिनीला परीक्षा देण्यास नकार; कल्याणमधील धक्कादायक प्रकार
अकोला महापालिकेत हायव्होल्टेज ड्रामा: इतिहासात पहिल्यांदाच 16 नगरसेवक निलंबित, राजकीय तणाव उच्चांकावर!”
School Holiday Maharashtra 2026: २ मे पासून उन्हाळी सुट्टी, १५ जूनला पुन्हा शाळा सुरू
अकोल्यात पाल्म संडे भक्तिभावाने साजरा, झावळ्यांची दिंडी झाली ठिकठिकाणी
Akola News : धक्कादायक! गॅस एजन्सीसमोर रांगेत उभ्या माजी सरपंचाचा मृत्यू; उष्णतेचा बळी की व्यवस्थेचा बळी?
वंचितांच्या आयुष्यात आनंदाची पहाट फुलवणारे डॉ. सुगत वाघमारे यांचा अकोल्यात भव्य सत्कार
एसटी कष्टकरी जनसंघाच्या वतीने स्मिता सुतवणे यांचा जाहीर सत्कार
Akola Crime News : अकोल्यात चोरट्यांचा धुमाकूळ, मलकापूर परिसर दरोडेखोरांच्या टार्गेटवर; सतर्क नागरिकामुळे मोठी चोरी टळली
सांगोला पेपर चोरी प्रकरण: विद्यार्थ्यानेच चोरल्याची कबुली, शैक्षणिक क्षेत्रात धक्कादायक वाद
अकोल्यात राजकीय धक्का! मंगेश काळे आणि चार नगरसेवक शिंदे गटात सामील
अकोल्यात प्रतिष्ठानच्या गोडाऊनला भीषण आग; लाखोंचे नुकसान
या संपूर्ण प्रक्रियेदरम्यान गोपनीयतेचे सर्व नियम पाळण्यात आले. महिला पोलीस कर्मचारी सरला वारोदे यांची सुरक्षा व्यवस्था म्हणून नियुक्ती करण्यात आली, तर पर्यवेक्षक म्हणून ढोकणे यांनी संपूर्ण वेळ देखरेख केली. तसेच पर्यवेक्षक वैशाली रामटेके आणि उपपर्यवेक्षक मोहम्मद इब्राहिम अली यांनी सीसीटीव्ही कॅमेऱ्याच्या देखरेखीखाली विद्यार्थिनीला पेपर लिहिण्यास मदत केली.
प्रशासनाच्या या माणुसकीपूर्ण आणि संवेदनशील भूमिकेमुळे श्रेयाने नियोजित वेळेत आपला पेपर पूर्ण केला. या घटनेमुळे प्रशासनाच्या कार्यपद्धतीचे कौतुक होत असून, एका विद्यार्थिनीचे शैक्षणिक नुकसान टळले आहे.
