अकोट :
अकोट तालुक्यातील मोहाळा येथील काँग्रेसचे ज्येष्ठ नेते तथा महाराष्ट्र प्रदेश काँग्रेस कमिटीचे उपाध्यक्ष हिदायत पटेल यांच्यावर झालेल्या चाकू हल्ल्यात त्यांचा दुर्दैवी मृत्यू झाल्याने संपूर्ण परिसरात शोककळा पसरली आहे. या घटनेनंतर राजकीय, सामाजिक व ग्रामस्थ स्तरावरून तीव्र प्रतिक्रिया उमटत असून, त्यांच्या शोकाकुल कुटुंबीयांचे सांत्वन करण्यासाठी काल व आज अनेक मान्यवरांनी मोहाळा येथे भेट दिली.
माजी मंत्री बाळासाहेब थोरात, अकोल्याचे आमदार साजिद खान पठाण, माजी केंद्रीय मंत्री मुकुल वासनिक, आमदार राहुल बोंद्रे यांनी पटेल यांच्या निवासस्थानी जाऊन कुटुंबीयांची भेट घेतली. यावेळी त्यांनी कुटुंबीयांचे सांत्वन करत हिदायत पटेल यांच्या हत्येप्रकरणी सविस्तर चौकशी केली व संपूर्ण घटनेची माहिती घेतली. दोषींवर कठोर कारवाई व्हावी, अशी ठाम भूमिका मान्यवरांनी व्यक्त केली.
या भेटीदरम्यान महेश गणगणे, नानासाहेब हिंगणकर, अशोक अमानकर, प्रशांत पाचडे, कपिल ढोके, गजानन डाफे यांच्यासह काँग्रेसचे स्थानिक नेते, पदाधिकारी मोठ्या संख्येने उपस्थित होते. तसेच मोहाळा व परिसरातील ग्रामस्थांनीही मोठ्या संख्येने उपस्थिती लावत हिदायत पटेल यांना श्रद्धांजली अर्पण केली.
Related News
फसवणूक झालेल्या शेतकऱ्यांचे मलकापूर येथे आमरण उपोषण
वाशिमच्या रिसोड तालुक्यात चिखली गावात चोरीचा धुमाकूळ
हिवरखेड मार्गावरील सूतगिरणी जवळ झालेल्या अपघातात सुजाण पत्रकाराची माणुसकी ठळक
डॉक्टर बाबासाहेब आंबेडकर प्रतिष्ठानचा बहुमूल्य उपक्रम; विधवा महिलेला रक्तपुरवठा करून दिला जीवनदायी आधार
हिदायत पटेल हत्या प्रकरणावर अमोल मिटकरी यांची स्पष्ट भूमिका
पशुवैद्यकीय विभाग झाला जागा; त्वचा रोगग्रस्त कुत्र्यांचा प्रश्न मात्र कायम
डोणगाव परिसरातील अवैध गौण खनिज वाहतुकीवर गंभीर प्रश्नचिन्ह
निंबा फाटा–काझीखेळ रस्त्याची दुर्दशा; डागडुजीला अखेर हिरवा कंदील
अकोल्यात वन्य प्राण्यांचा धडाका! तापडिया नगरात बिबट्या, तर शिवाजी महाविद्यालयात सायाळ घुसला
“Akola District Women Hospital Contract Employee Rage: 1 धक्कादायक घटना – जिल्हा स्त्री रुग्णालयात कंत्राटी कर्मचाऱ्याकडून तोडफोड”
हिदायत पटेल हे सामाजिक सलोखा, लोकहित आणि काँग्रेस संघटन बांधणीसाठी ओळखले जात होते. त्यांच्या अकाली निधनाने तालुक्यातील राजकीय व सामाजिक क्षेत्रात मोठी पोकळी निर्माण झाली असल्याची भावना यावेळी उपस्थितांनी व्यक्त केली. या हत्येप्रकरणी पोलीस प्रशासनाने तातडीने तपास करून दोषींना अटक करावी, अशी मागणी सर्व स्तरातून होत आहे.
read also : https://ajinkyabharat.com/accused-of-committing-murderous-attack-on-youth-tasantach-gajaad/
