मूर्तीजापूर – लोकसभा आणि विधानसभा निवडणुकांमध्ये ज्येष्ठ नागरिक, दिव्यांग आणि गंभीर आजारांनी ग्रस्त मतदारांसाठी उपलब्ध करून देण्यात आलेली घरून मतदान (होम व्होटिंग) सुविधा या नगरपरिषद निवडणुकीत लागू नसल्याने मतदारांमध्ये नाराजी निर्माण झाली आहे. निवडणुकीस अवघे काही दिवस शिल्लक असताना या सुविधेचा अभाव मोठा मुद्दा ठरत आहे.
लोकसभा–विधानसभा निवडणुकांमध्ये 80 वर्षांवरील नागरिक, दिव्यांग मतदार तसेच गंभीर आजारांनी त्रस्त असलेल्या पात्र मतदारांसाठी घरबसल्या मतदानाची सुविधा देण्यात आली होती. या उपक्रमामुळे राज्यातील हजारो मतदारांना कोणत्याही अडचणीशिवाय मतदान करण्याची संधी मिळाली होती. विशेषतः हालचालीमध्ये अडथळे असणाऱ्या व्यक्तींसाठी ही सुविधा वरदान ठरली होती.
मात्र, नगरपरिषद निवडणूक काही दिवसांवर आली असताना या मतदारांना पुन्हा मतदान केंद्रावर प्रत्यक्ष हजर राहावे लागणार असल्याचे निवडणूक प्रशासनाकडून स्पष्ट करण्यात आले आहे. त्यामुळे अनेक ज्येष्ठ नागरिक, दिव्यांग आणि आजारी मतदारांना मतदान केंद्रापर्यंत जाणे कठीण होणार आहे. परिणामी, पात्र मतदार मतदानापासून वंचित राहण्याची भीती व्यक्त केली जात आहे.
Related News
महायुतीत कुरबुरी वाढल्या; भाजपच्या दिल्लीतील नेतृत्वाचा राज्यातील नेत्यांना स्पष्ट इशारा, म्हणाले…
मुलगा सांभाळत नसेल तर संपत्तीतून बेदखल करा! सुप्रीम कोर्टाचा मोठा निर्णय
‘2 दिवसांत येतो’ म्हणत आईला आश्रमात सोडलं; 4.5 वर्षे वाट पाहून अखेर आईने डोळे मिटले!
अंतिम संस्काराचा व्हिडिओ पाठवा… 5100 रुपये पाठवले; वडिलांच्या चितेलाही तिन्ही मुली गैरहजर
FD Rates: 8.3% पर्यंत व्याजाची संधी; ज्येष्ठ नागरिकांसाठी ‘या’ बँकांच्या एफडी योजना ठरतील फायदेशीर
ITR Filing 2026: एफडीच्या व्याजाची माहिती लपवली तर येऊ शकते आयकर विभागाची नोटीस
भोर नगरपालिकेत मोठी कारवाई! 5 धक्कादायक घडामोडी; नगराध्यक्ष व उपनगराध्यक्षांचे कार्यालय सील
MPSC Exam 2026 : 5 मोठी कारणे; CBT निर्णयाला तीव्र विरोध, OMR पद्धत कायम ठेवण्याची जोरदार मागणी
धक्कादायक! ‘थोडा भ्रष्टाचार झालाच पाहिजे’; शिंदे शिवसेनेच्या उपनगराध्यक्षाच्या 2 वादग्रस्त वक्तव्यांनी राजकीय वाद पेटला
अंबरनाथ पालिकेच्या सभेत मोठा वाद! उपनगराध्यक्षांचे ‘भ्रष्टाचार’वर धक्कादायक विधान; 5 मोठे मुद्दे
स्थानिक पातळीवर अनेक सामाजिक संघटना आणि नागरिकांनी होम व्होटिंग सुविधा लागू करण्याची मागणी केली. तथापि, संबंधित विभागाकडून अद्याप कोणतीही विशेष व्यवस्था करण्यात आलेली नाही. निवडणूक प्रक्रिया स्थानिक स्वराज्य संस्थांच्या नियमानुसार पार पडणार असल्याने होम व्होटिंगची सुविधा सध्या शक्य नसल्याची माहिती प्रशासनातून मिळत आहे.
दरम्यान, निवडणूक विभागाने सर्व मतदारांना मतदानाचा हक्क बजावण्यासाठी मतदान केंद्रावर जाऊन मतदान करण्याचे आवाहन केले आहे. ज्येष्ठ आणि दिव्यांग मतदारांसाठी मतदान केंद्रांवर व्हीलचेअर, रॅम्प, पिण्याचे पाणी, बसण्याची सोय यासारख्या आवश्यक सुविधा उपलब्ध ठेवण्याचे निर्देशही देण्यात आल्याचे सांगण्यात येत आहे.
घरून मतदान सुविधा नसल्याने निर्माण झालेली नाराजी लक्षात घेता आगामी काळात स्थानिक स्वराज्य संस्थांच्या निवडणुकांमध्येही ही सुविधा लागू करण्याची गरज असल्याचे मत नागरिक व्यक्त करत आहेत.
