नाशिक महापालिकेत राजकीय समीकरणे बदलली; मनसेची मोठी खेळी, शिंदे गटाला पाठिंबा
नाशिक महानगरपालिकेत (NMC) राजकीय घडामोडींना वेग आला असून महाराष्ट्र नवनिर्माण सेनेने (मनसे) मोठी खेळी करत उद्धव ठाकरे यांच्या शिवसेनेची (Shiv Sena UBT) साथ सोडून मुख्यमंत्री एकनाथ शिंदे यांच्या शिवसेनेला पाठिंबा दिला आहे. मनसेच्या एकमेव नगरसेविका मयुरी पवार यांनी शिंदे गटाला पाठिंबा दिल्याने राजकीय वर्तुळात चर्चांना उधाण आले आहे.
नाशिक महापालिकेत मनसेची मयुरी पवार या एकमेव नगरसेविका आहेत. याउलट शिवसेना शिंदे गटाचे 26 नगरसेवक विजयी झाले आहेत. मनसेचा पाठिंबा मिळाल्याने स्थायी समितीत शिवसेना शिंदे गटाचे संख्याबळ वाढणार असून, प्रभाग समित्या, स्वीकृत नगरसेवक आणि पालिकेतील विविध समित्यांवरील राजकीय समीकरणांमध्ये बदल होणार आहेत. विशेष म्हणजे, मनसेने याआधी उद्धव ठाकरे यांच्या शिवसेनेसह निवडणूक लढवली होती.
या निर्णयाबाबत मयुरी पवार यांचे पती आणि मनसेचे नेते अंकुश पवार यांनी माहिती दिली. “नाशिकमध्ये आगामी काळात कुंभमेळा होणार आहे. कुंभमेळ्याचे आयोजन आमच्याच प्रभागात होत असल्याने मोठ्या प्रमाणावर विकासकामे होणे आवश्यक आहे. शहराच्या विकासाच्या दृष्टीने आणि कुंभमेळ्याच्या तयारीसाठी आम्ही एकनाथ शिंदे यांच्या शिवसेनेसोबत जाण्याचा निर्णय घेतला,” असे त्यांनी स्पष्ट केले.
Related News
ओमराजेंच्या पक्षांतरावर घरातच उभी फूट, मकरंद राजेंचा थेट विरोध ; 5 मोठे खुलासे
बीडमध्ये आणखी एक निर्घृण हत्या! खासदार पुत्राच्या नावाची चर्चा; 9 आरोपींवर गुन्हा, राजकारण तापले
अखेर भरत गोगावलेंना लॉटरी? 3 मोठ्या चर्चांनंतर रायगडच्या पालकमंत्रीपदावर शिक्कामोर्तबाची शक्यता
रेवती सुळेंच्या लग्नात 7 खास पाहुण्यांमध्ये काश्मिरी गर्ल कायनात धारची जबरदस्त चर्चा, पार्थ पवारांसोबतचे नाते काय?
86 हजार एसटी कर्मचाऱ्यांना मोठा दिलासा; महागाई भत्ता 58% तर वार्षिक वेतनवाढ 3%, सरकारची ऐतिहासिक घोषणा
मुंबईच्या KEM रुग्णालयावर 100 वर्षांचा वारसा जपण्याची लढाई; सरकारचं शक्तिशाली स्पष्टीकरण
सुषमा अंधारेंना भावनिक पत्रातून ‘लढायचं’ शक्तिशाली संदेश, सोशल मीडियावर तुफान व्हायरल ; धक्कादायक 5 मुद्दे!
मुख्यमंत्री विजय यांचा ऐतिहासिक निर्णय! मंदिर निधीतील 46 प्रकल्प रद्द, चाहत्यांकडून जोरदार स्वागत
संजय राऊतांचा संजय पाटील यांना थेट इशारा ; ‘15 कोटी, 5 कोटी आणि 35 कोटींचा हिशोब माझ्याकडे
3 IAS अधिकाऱ्यांच्या बदल्यांनी प्रशासनात वाढणार गती; मुंबईतील महत्त्वाच्या पदांवर नवी नियुक्ती
दरम्यान, नाशिक महापालिकेत अखेर भाजप आणि शिवसेना शिंदे गटाने सत्ता स्थापन केली आहे. भाजपच्या हिमगौरी आडके यांची महापौरपदी, तर शिवसेना शिंदे गटाचे विलास शिंदे यांची उपमहापौरपदी बिनविरोध निवड झाली आहे. निवडणुकीत भाजपला स्पष्ट बहुमत मिळाले असतानाही वरिष्ठ पातळीवरील चर्चेनंतर भाजप–शिवसेना शिंदे गट युतीचा निर्णय घेण्यात आला. या सत्तास्थापनेमुळे नाशिकच्या राजकारणात नवे समीकरण उभे राहिले असून, आगामी काळात विकासकामांवर त्याचा परिणाम दिसून येणार आहे.
