नाशिक महापालिकेत राजकीय समीकरणे बदलली; मनसेची मोठी खेळी, शिंदे गटाला पाठिंबा
नाशिक महानगरपालिकेत (NMC) राजकीय घडामोडींना वेग आला असून महाराष्ट्र नवनिर्माण सेनेने (मनसे) मोठी खेळी करत उद्धव ठाकरे यांच्या शिवसेनेची (Shiv Sena UBT) साथ सोडून मुख्यमंत्री एकनाथ शिंदे यांच्या शिवसेनेला पाठिंबा दिला आहे. मनसेच्या एकमेव नगरसेविका मयुरी पवार यांनी शिंदे गटाला पाठिंबा दिल्याने राजकीय वर्तुळात चर्चांना उधाण आले आहे.
नाशिक महापालिकेत मनसेची मयुरी पवार या एकमेव नगरसेविका आहेत. याउलट शिवसेना शिंदे गटाचे 26 नगरसेवक विजयी झाले आहेत. मनसेचा पाठिंबा मिळाल्याने स्थायी समितीत शिवसेना शिंदे गटाचे संख्याबळ वाढणार असून, प्रभाग समित्या, स्वीकृत नगरसेवक आणि पालिकेतील विविध समित्यांवरील राजकीय समीकरणांमध्ये बदल होणार आहेत. विशेष म्हणजे, मनसेने याआधी उद्धव ठाकरे यांच्या शिवसेनेसह निवडणूक लढवली होती.
या निर्णयाबाबत मयुरी पवार यांचे पती आणि मनसेचे नेते अंकुश पवार यांनी माहिती दिली. “नाशिकमध्ये आगामी काळात कुंभमेळा होणार आहे. कुंभमेळ्याचे आयोजन आमच्याच प्रभागात होत असल्याने मोठ्या प्रमाणावर विकासकामे होणे आवश्यक आहे. शहराच्या विकासाच्या दृष्टीने आणि कुंभमेळ्याच्या तयारीसाठी आम्ही एकनाथ शिंदे यांच्या शिवसेनेसोबत जाण्याचा निर्णय घेतला,” असे त्यांनी स्पष्ट केले.
Related News
Ashok Kharat प्रकरणात राजकारण्यांवर कारवाई होणार? मुख्यमंत्र्यांचे मोठे संकेत
20 रुपयांपेक्षा कमी किमतीचा शेअर झेपावला; ब्लू क्लाउड सॉफ्टटेकला सरकारी ऑर्डर
अशोक खरात प्रकरणात नवे वळण; रुपाली चाकणकरांच्या अडचणी वाढणार?
एकनाथ खडसे विधान परिषदेत अनुपस्थित : राजकीय मंत्र-तंत्रावर संशय
सभापतींचे आदेश ब्रह्मवाक्य नाही; तुषार दोशी निलंबनावरून विधानपरिषदेत फडणवीसांचे स्पष्टीकरण
सातारा : कर्जत नगरपंचायतीत राजकीय भूकंप, प्रवीण–सचिन घुले शिवसेनेत प्रवेश
मोठी घडामोड! Donald Trump यांची घोषणा; इराणवरील हल्ले पाच दिवसांसाठी थांबवले
साताऱ्यातील घटनेनंतर शिवसेना शिंदे गट आक्रमक; मित्रपक्षाविरोधात नाराजी वाढली, आमदारांमध्ये ‘सावध राहा’ची कुजबूज
रुपाली ठोंबरेचा हल्लाबोल: चाकणकरांना अटक करा, न झाल्यास पक्ष सोडणार – महिला अत्याचार प्रकरणात राजकीय तणाव
मुंबईत मोठा राजकीय वाद! ऑपरेशन टायगर चर्चेवर शिवसेना खासदार नाराज
अशोक खरात प्रकरणात मोठा ट्विस्ट; रुपाली चाकणकरांच्या अटकेची मागणी तीव्र
दरम्यान, नाशिक महापालिकेत अखेर भाजप आणि शिवसेना शिंदे गटाने सत्ता स्थापन केली आहे. भाजपच्या हिमगौरी आडके यांची महापौरपदी, तर शिवसेना शिंदे गटाचे विलास शिंदे यांची उपमहापौरपदी बिनविरोध निवड झाली आहे. निवडणुकीत भाजपला स्पष्ट बहुमत मिळाले असतानाही वरिष्ठ पातळीवरील चर्चेनंतर भाजप–शिवसेना शिंदे गट युतीचा निर्णय घेण्यात आला. या सत्तास्थापनेमुळे नाशिकच्या राजकारणात नवे समीकरण उभे राहिले असून, आगामी काळात विकासकामांवर त्याचा परिणाम दिसून येणार आहे.
