CJP Protest : अभिजीत दिपके यांनी सोडलं जंतर-मंतर; तापाने फणफण, आंदोलकांची मागितली माफी, म्हणाले- ‘मला आरामाची गरज’
CJP Protest : दिल्लीतील जंतर-मंतरवर सुरू असलेल्या नीट परीक्षेतील कथित पेपरफुटीविरोधातील आंदोलनाला आता एक महिना पूर्ण होत आला आहे. केंद्रीय शिक्षण मंत्री धर्मेंद्र प्रधान यांच्या राजीनाम्याच्या मागणीसाठी कॉकरोच जनता पार्टीकडून हे आंदोलन सुरू आहे. या आंदोलनाचे नेतृत्व करणारे अभिजीत दिपके गेल्या अनेक दिवसांपासून जंतर-मंतरवर ठाण मांडून बसले आहेत. मात्र, आता त्यांच्या आरोग्याबाबत मोठी माहिती समोर आली आहे.
अभिजीत दिपके यांनी प्रकृती अस्वास्थ्यामुळे काही काळासाठी जंतर-मंतर आंदोलनस्थळ सोडल्याची माहिती समोर आली आहे. गेल्या काही दिवसांपासून त्यांना ताप असून शरीरात मोठ्या प्रमाणात त्रास जाणवत असल्याचे त्यांनी स्वतः सांगितले आहे. आपण पेनकिलर घेऊन आंदोलनात सहभागी होत असल्याचेही दिपके यांनी म्हटले आहे.
दरम्यान, प्रकृती ठीक नसल्यामुळे काही काळ विश्रांती घेण्याची गरज असल्याचे सांगत त्यांनी आंदोलक आणि समर्थकांची माफी मागितली आहे. मात्र, आपले आंदोलन थांबणार नसून प्रकृती सुधारल्यानंतर पुन्हा आंदोलनात सहभागी होणार असल्याचे त्यांनी स्पष्ट केले आहे.
Related News
CJP Protest : सरकारशी चर्चा नाहीच! आधी ‘ही’ मागणी पूर्ण करा, CJPची नवी भूमिका; जंतर-मंतरवर काय घडतंय?
AC पांढऱ्या रंगाचाच का असतो? 4 कारणं जाणून घ्या, तुम्हीही आजपर्यंत केला असेल हा विचार
CJP Protest : ‘तसं केलं तर दोघांचं भलं होईल’; विद्यार्थ्यांच्या आंदोलनावर रवी जाधव यांची मार्मिक पोस्ट, म्हणाले- ‘तुमचा आवाज देशासाठी’
Raj Thackeray-Uddhav Thackeray : विद्यार्थ्यांच्या खिशात ‘50 ग्रॅम पावडर’ टाकण्याची धमकी? राज ठाकरेंचा पोलिसांना थेट सवाल
Mumbai Police Suspended : विद्यार्थ्याला ‘५० ग्रॅम पावडर’ची धमकी देणाऱ्या पोलिसाचं निलंबन; राज ठाकरेंच्या सवालानंतर मोठी कारवाई
Raj Thackeray : शरद पवार-मोदी भेटीवर राज ठाकरेंचं ३ शब्दांत भन्नाट उत्तर; म्हणाले, ‘त्यालाच जंतरमंतर म्हणतात’
Uddhav-Raj Thackeray : मोठी बातमी! NEET पेपरफुटीविरोधात ठाकरे बंधूंचा एल्गार; 26 जुलैला मुंबईत महामोर्चा
NEET Paper Leak : विद्यार्थ्यांना मोठा दिलासा की नवा वाद? मोदींच्या फास्ट ट्रॅक निर्णयावर प्रियंका गांधींचं थेट उत्तर
Gold Rate Today : सोन्याने पुन्हा घेतली भरारी! चांदीही महागली, आज 1 तोळा सोन्याचा भाव किती?
Vanchit Maharashtra Bandh : वंचितच्या महाराष्ट्र बंदला कुठे कडकडीत तर कुठे संमिश्र प्रतिसाद; अनेक कार्यकर्ते ताब्यात
CJP Protest : ‘धर्मेंद्र प्रधान यांना राजीनामा द्यावा लागेल’; नरेंद्र मोदींच्या घोषणेनंतर CJPची थेट पोस्ट
Sameer Choughule : ‘मुलांची डोकी फुटताना बघून आनंदाच्या उकळ्या फुटत असतील तर समाज दुर्धर आजारी’; समीर चौघुलेंचा संताप
‘मला ताप आहे, शरीरात खूप त्रास’
अभिजीत दिपके यांनी सोशल मीडिया प्लॅटफॉर्म ‘एक्स’वर पोस्ट शेअर करत आपल्या प्रकृतीची माहिती दिली. गेल्या काही दिवसांपासून शरीरामध्ये मोठ्या प्रमाणात त्रास होत असून तापही असल्याचे त्यांनी म्हटले आहे.
आपल्या पोस्टमध्ये दिपके यांनी म्हटले की, ‘मला ताप आहे. गेल्या काही दिवसांपासून शरीरामध्ये खूप जास्त त्रास आहे. मी पेनकिलर खाऊन राहत होतो. मी जर तुम्हाला जंतर-मंतरवर दिसलो नाही, तर मला माफ करा. मला आराम करण्याची आणि तब्येत व्यवस्थित करण्याची आवश्यकता आहे. मी सायंकाळपर्यंत पुन्हा आंदोलनात सहभागी होईल.’
अभिजीत दिपके यांच्या या पोस्टनंतर त्यांच्या समर्थकांमध्ये आणि आंदोलनात सहभागी असलेल्या कार्यकर्त्यांमध्ये चिंतेचे वातावरण निर्माण झाले आहे. गेल्या अनेक दिवसांपासून ते सातत्याने आंदोलनस्थळी उपस्थित राहून विद्यार्थ्यांच्या मागण्यांसाठी आवाज उठवत आहेत.
२० जूनपासून जंतर-मंतरवर आंदोलन
कॉकरोच जनता पार्टीच्या नेतृत्वाखाली दिल्लीतील जंतर-मंतरवर नीट परीक्षेतील कथित पेपरफुटी आणि गैरव्यवहाराच्या मुद्द्यावर आंदोलन सुरू आहे. २० जूनपासून अभिजीत दिपके या आंदोलनात सक्रियपणे सहभागी आहेत.
या आंदोलनात केंद्रीय शिक्षण मंत्री धर्मेंद्र प्रधान यांच्या राजीनाम्याची प्रमुख मागणी करण्यात येत आहे. नीट परीक्षेतील कथित गैरप्रकारामुळे विद्यार्थ्यांच्या भवितव्यावर परिणाम होत असल्याचा आरोप आंदोलकांकडून केला जात आहे. या प्रकरणात सरकारने पारदर्शक चौकशी करावी आणि दोषींवर कठोर कारवाई करावी, अशी मागणीही आंदोलकांकडून केली जात आहे.
गेल्या काही दिवसांमध्ये आंदोलनस्थळी विद्यार्थ्यांची आणि समर्थकांची संख्या वाढताना दिसत आहे. विविध राजकीय पक्ष आणि नेत्यांनीही विद्यार्थ्यांच्या आंदोलनाला पाठिंबा दर्शवला आहे.
संसद मार्चदरम्यान मोठा गोंधळ
दरम्यान, सोमवारी अभिजीत दिपके यांच्या मार्गदर्शनाखाली आंदोलनकर्त्यांनी संसद भवनाच्या दिशेने मोठा मोर्चा काढला होता. विद्यार्थ्यांच्या मागण्या सरकारपर्यंत पोहोचवण्यासाठी हा मोर्चा काढण्यात आला.
मात्र, पोलिसांनी आंदोलकांना संसद भवनाच्या दिशेने पुढे जाण्याची परवानगी दिली नाही. पोलिसांनी मोर्चा मध्येच अडवल्यानंतर परिस्थिती चिघळली. यावेळी आंदोलक आणि पोलिसांमध्ये तणाव निर्माण झाला.
परिस्थिती नियंत्रणात आणण्यासाठी पोलिसांकडून लाठीचार्ज करण्यात आल्याचा दावा आंदोलकांकडून करण्यात आला आहे. या कारवाईनंतर आंदोलक पुन्हा जंतर-मंतरच्या दिशेने परतले आणि त्यानंतर त्यांनी आंदोलन पुन्हा सुरू केले.
या घटनेनंतर विद्यार्थ्यांवर झालेल्या पोलिसांच्या कारवाईचा देशभरातून निषेध करण्यात आला. अनेक राजकीय नेते, सामाजिक कार्यकर्ते आणि सेलिब्रिटींनीही विद्यार्थ्यांच्या आंदोलनाला पाठिंबा दर्शवला.
धर्मेंद्र प्रधान यांच्या राजीनाम्यावर आंदोलक ठाम
नीट पेपरफुटीच्या मुद्द्यावरून सुरू असलेल्या या आंदोलनात केंद्रीय शिक्षण मंत्री धर्मेंद्र प्रधान यांच्या राजीनाम्याची मागणी सातत्याने करण्यात येत आहे. या मागणीवर कॉकरोच जनता पार्टी आणि आंदोलनकर्ते ठाम असल्याचे सांगण्यात येत आहे.
अभिजीत दिपके यांनी यापूर्वीही अनेक वेळा शिक्षण व्यवस्थेतील कथित गैरप्रकार आणि विद्यार्थ्यांच्या प्रश्नांवर सरकारने ठोस भूमिका घ्यावी, अशी मागणी केली आहे. विद्यार्थ्यांना न्याय मिळेपर्यंत आंदोलन सुरू ठेवण्याचा निर्धारही आंदोलकांकडून व्यक्त करण्यात आला आहे.
मात्र, आता आंदोलनाचे नेतृत्व करणाऱ्या अभिजीत दिपके यांच्या प्रकृतीची चिंता समर्थकांना लागली आहे. ताप आणि शरीरातील त्रासामुळे त्यांनी काही काळ विश्रांती घेण्याचा निर्णय घेतला आहे.
‘सायंकाळपर्यंत पुन्हा आंदोलनात सहभागी होईन’
प्रकृती अस्वास्थ्यामुळे आंदोलनस्थळावरून काही काळ दूर जाण्याची वेळ आली असली, तरी आंदोलनातून माघार घेतलेली नाही, हे अभिजीत दिपके यांनी स्पष्ट केले आहे. विश्रांती घेऊन तब्येत सुधारल्यानंतर आपण पुन्हा आंदोलनात सहभागी होणार असल्याचे त्यांनी सांगितले.
त्यामुळे दिपके यांच्या अनुपस्थितीतही जंतर-मंतरवरील आंदोलन सुरू राहणार असल्याचे स्पष्ट होत आहे. आंदोलकांनीही धर्मेंद्र प्रधान यांच्या राजीनाम्याची मागणी कायम ठेवली आहे.
दरम्यान, गेल्या एक महिन्यापासून सुरू असलेल्या या आंदोलनाचा पुढील टप्पा काय असेल, सरकार आंदोलकांशी चर्चा करणार का आणि नीट पेपरफुटीच्या प्रकरणावर केंद्र सरकारकडून कोणता निर्णय घेतला जाणार, याकडे आता सर्वांचे लक्ष लागले आहे.
अभिजीत दिपके यांनी प्रकृती अस्वास्थ्यामुळे काही काळ विश्रांती घेतली असली तरी, त्यांच्या पोस्टमधून त्यांनी आंदोलनापासून माघार घेतलेली नसल्याचे स्पष्ट केले आहे. त्यामुळे त्यांच्या प्रकृतीत सुधारणा झाल्यानंतर ते पुन्हा जंतर-मंतरवर आंदोलनात सहभागी होतात का आणि आंदोलनाला पुढे कोणते वळण मिळते, हे पाहणे महत्त्वाचे ठरणार आहे.
